Müğənni-bəstəkar Emin Rusiyanın “Woman.ru” saytına müsahibə verib.
- Yeni albomunuzun ilk çıxış mahnısı “Woman” oldu. Bu bəstə niyə xoşunuza gəlir?
- Bu mahnı mənə hazır versiyada verilmişdi. Məlum oldu ki, onun üzərində beynəlxalq musiqiçilər çalışıblar, eyni zamanda başqa müğənni üçün hazırlanıb. “Woman”i Çarli Uilyamla birlikdə oxuduq və klip çəkdirdik.
- Klipdə adi xanımlar çəkilib...
- Mahnıda da, klipdə də xanıma sevgidən bəhs olunur. Burada sırf sevdiyin qadından söz getmir: bu, anaya, bacıya, qız övladına olan sevgidir. Rejissorla klipi müzakirə edərkən ilk ağlımıza gələn tanınmış bir modeli və ya aktrisanı dəvət etmək oldu. Hətta Monika Belluççinin çalışdığı agentliklə danışdıq. Eyni zamanda “Kainat gözəli”ni düşündük. Sonra qərara gəldik ki, bunlar hamısı təkrarçılıq olacaq. 8 adi qız dəvət etdik. Onların hər biri özünə görə gözəldir.
- Sevgidən oxuyanda kimisə xəyal edirsiniz?
- Oxuyarkən sevdiyim qadını xəyalıma gətirirəm. Bu zaman təkcə ifa etmək yox, eyni zamanda sevmək lazımdır. Həmin an sevgini xatırlamalı və ya xəyalən sevdiyin vaxtlara qayıtmalısan. Məhz bu zaman səsdəki möcüzə özünü büruzə verir.
- İdeal sevdiyiniz qadın var?
- İdeal qadın – mənim üçün gözəl və təbii olandır. Bu məsələ ilə bağlı düşüncələrim standartlardan uzaq deyil. Amma qadının sinəsinin ölçüsü və ayaq uzunluğu kimi kriteriyalarım yoxdur. Xanımı ilk görəndə onun gülümsəməsinə, gözlərinə və danışığına fikir verirəm.
- Cəmiyyətdə özünüzü subay, yoxsa evli kişi kimi təqdim edirsiniz?
- Özümü cəmiyyətə uyğun aparmıram. Mənim həyat yoldaşım və övladlarım var, bunu gizlətmirəm. Sosial şəbəkələrdə övladlarımın fotoları var. Onlarla keçirdiyim vaxt ən xoşbəxt anlarımdır. Ofisdə və studiyada keçirdiyim müddəti onların olduğu anlarla müqayisə edə bilmərəm.
- Düşünmürsünüz ki, sizin iki paralel həyatınız var: ailə və iş...
- Ailəmlə xüsusi həyatım yoxdur. Çünki biz ayrı ölkələrdə yaşayırıq. Mən tez-tez səyahətlərdə oluram. Ən azı, həftədə bir dəfə Bakıya gedir, oğullarımı görürəm. Hərdən onların anaları ilə yaşadığı Londona yollanıram. Fevralın sonunda onları on günlük Moskvaya gətirəcəm. Birlikdə istirahət etmək istəyirəm. Bu, iki, yaxud üç paralel həyatdır ya yox, bunu deyə bilmərəm.
- Övladlarınızın yanında aktyor, yoxsa biznesmensiniz?
- Uşaqlarım üçün mən adi atayam. Onlarla olanda telefonlarımın bəzisini söndürür, özümlə noutbuk götürmürəm. Amma eyni zamanda e-mailimi yoxlamağı, məktubları oxumağı unutmuram. Əkizlərimin yanında dəli olmamaq mümkün deyil (gülür). Onlarla uşaqlaşıram. Oyunlar oynayır, leqo düzəldirik. Uşaqlarımdan güclü enerji alıram.
- Onlar əkizdirlər, xasiyyətcə bir-birlərinə oxşayırlar?
- Maraqları da, xasiyyətləri də fərqlidir. Mikayıl ərköyündür və hesablama ilə maraqlanır. O, mənə və atama çox oxşayır. Əli diqqət mərkəzində olmağı, şeirləri xoşlayır. O, Maykl Cekson kimi oynamağı sevir. Halbuki, bunu ona heç kim öyrətməyib. Biri evdə oturmağı, digəri harasa getməyi sevir. Onlar 6 yaş yarımdırlar, paralel siniflərdə oxuyurlar. Özümüz belə qərar verdik. Çünki bir yerdə olmaq davaya və söz-söhbətə gətirib çıxarır. Fərqli siniflərdə oxumaq onlara bir-biri üçün darıxmaq imkanı yaradır. Məktəbdən qayıdandan sonra qucaqlaşırlar.
- Onlar üçün necə gələcək düşünmüsünüz?
- Mənim seçimim gələcəkdə onların xoşuna gəlməyə bilər. İstəyərdim ki, onlardan biri ailə biznesini davam etdirsin.
- Yenidən övladınız olsun istəyirsiniz?
- Bir müddət əvvəl nənəm dünyasını dəyişdi. Yüz yaşı tamam olmamışdı. Uşaqlıqdan ona deyirdim ki, 5 uşağım olsun istəyirəm. İndi iki oğlum var. Ümid edirəm yenidən övladım olacaq. Hələ 35 yaşım var. Düşünürəm ki, bundan sonra da uşaq böyütmək imkanım olacaq.
- Bəs, böyük sevgi haqqında düşünürsünüz?
- Mənim üçün sevmək əsl xoşbəxtlikdir. Ömrüm boyu onu yaşamaq istəyərəm. Hər bir normal adam bu haqda düşünür. Sevgi hər zaman insana rəngarənglik verir, dərin hisslər bəxş edir. Yanında belə insan olmayanda sevgini yaxınlarına və övladlarına verirsən. Bununla sevgini əvəzləmək mümkün olduğunu zənn etmirəm... Sevgidən qalib çıxmaq qeyri-mümkündür. Bu, batmış gəmi kimidir, hər günü onunla yaşayırsan.
- Emin Ağalarova nə lazımdır?
- Xoşbəxtlik istəyirəm. Əsas odur ki, ailədə hər şey yaxşı olsun. Yaxın insanlar yanındadır, biznesin gündən-günə çiçəklənir. Ən əsası isə odur ki, sevdiyin qadın yanında olsun və sənə dəstək dursun. Onda əsl xoşbəxt insan olursan
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
- Evlənmək lazımdır" - Elçin
- "Leyla onlara çox vaxt ayırır" - Emin Ağalarov
- Leyla Əliyevanın əkizlərinə olan arzuları
- Qaraqan:Məktəbi və universiteti vaxtında atmadığıma görə peşmanam
- Röya: "Hər şeyi Röya adına, özüm üçün edirəm"
Forumda son mövzu | Baxış | Cavab | Müəllif | Sonuncu |
İzləyicilər | (0): |
Ziyarətçilər | (44): |
Botlar | (1): |
Hal-hazırda saytda: 45 |
|