Xalq artisti avtomobil qəzası keçirib, vəziyyəti pisdir
Xalq artisti Ramiz Əzizbəyli avtomobil qəzası keçirdib. Hadisə aktyorun fevralın 9-da Heydər Əliyev Sarayında keçirilən yubileyindən sonra baş verib. Mərasimdən evə qayıdan R. Əzizbəylinin avtomobili ağır qəzaya düşüb. Bu xəbəri müxbirimizlə söhbətində aktyorun qardaşı oğlu, müğənni Nurlan Əzizbəyli təsdiqləyib. O, sənətçinin hazırda evdə, həkim nəzarətində olduğunu bildirib:
“Fevralın 9-da yubileydən çıxıb evə gələndə maşın qəzaya düşüb. Ramiz Əzizbəyli başından zədə alıb. İki dəfə iflic olmuş bir insan üçün bu, çox təhlükəli haldır. Hazırda evdədir, müalicə alır. Həkimlər tərpənməyə, danışmağa icazə vermir. Vəziyyəti yaxşı deyil. Ramiz müəllim bu haqda çox danışılmasını istəmir. Buna görə də telefonlarını bağlayıb, zənglərə cavab vermir”.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.