Azərbaycanın tanınmış jurnalisti, “Reytinq” qəzetinin əməkdaşı Elşad Ümid vəfat edib. O, müalicə olunduğu xəstəxanada ürək çatışmazlığından dünyasını dəyişib. Mərhumun qardaşının verdiyi məlumata görə, jurnalist bir çox xəstəliklərdən əziyyət çəkib: “Son iki həftədə Kliniki Tibbi Mərkəzdə müalicə alırdı. Son vaxtlar ürəyinə su gəlmişdi. Həkimlər müalicə etməyə çalışsalar da, dünən gecə Elşadı həyata qaytara bilmədilər”.
İki həftədir xəstəxanada müalicə olunan jurnalist, səhər saat 4 radələrində dünyasını dəyişib. Bu səhər dünyasını dəyişən jurnalist Elşad Ümidin dəfn mərasimi atasının evində - Xırdalanda olacaq, jurnalist bu gün saat 13:00-da torpağa tapşırılacaq. Əsasən, maqazin yazıları ilə məşhurlaşan 1978-ci il təvəllüdlü Elşad Ümid özü də yaradıcılıqla məşğul olurdu. Onun musiqi albomu və bir neçə müğənni ilə duetləri də var idi.
Allah rəhmət eləsin!
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.