Dünya kinomatoqrafiyasının ən önəmli hadisələrindən olan ənənəvi “Qızıl qlobus” mükafatlandırılma mərasimi keçirilib.

“Qızıl qlobus” bir növ “Oskar” öncəsi hazırlıq xarakterini daşıyır. Belə ki, burada mükafata layiq görülən kino və ya aktyor heyəti Amerika Kino Akademiyası tərəfindən də çox vaxt mükafatlandırılır. Əgər bu il həmin yazılmamış qanunu nəzərə alsaq, onda ən yaxşı komediya və ya Myuzkl aktyoru nominasiyasında yenicə “Qızıl qlobus” qazanan və “Oskar”a hələ ki həsrət qalan Leonardo Di Kaprionun arzusuna çatmış hesab edə bilərik. Məşhur kinorejissor Martin Skorsezenin ən sevimli aktyorlarından olan ve demək olar ki, bütün filmərinə dəvət etdiyi Leonardo Di Kaprio,elə Skorsezenin “Uolt Strit canavarı” kinosunda oynadığı rola görə ən yaxşı komediya və myuzkl aktyoru nominasiyası üzrə “Qızıl qlobus” qazanıb.

Ümumilikdə, bu il bu mükafatın layiq olduğu kino və aktyor heyəti belə olub:

1. Ən yaxşı dram filmi - “12 illik qul həyatı”

2. Ən yaxşı komediya və ya myuzkl – “Amerikansayağı tələ”

3. Ən yaxşı komediya və ya myuzkl aktyoru - Leonardo Di Kaprio(“Amerikansayağı tələ”)

4. Ən yaxşı komediya və ya myuzkl aktrisası - Emi Adams (“Amerikansayağı tələ”)

5. Ən yaxşı dram aktrisası - Keyt Blanşett (“Jasmin”)

6. Ən yaxşı İkinci dərəcəli aktrisa - Cenifer Lourens (“Amerikansayağı tələ”)

7. Ən yaxşı ikinci dərəcəli kişi aktyoru - Cared Leto (“Dallas klubunun alıcıları”)

8. Ən yaxşı rejissor - Aleks Kuaron (“Qravitasiya”)

9. Ən yaxşı ssenari - Spayk Cons (“O”)