Azərbaycan Avropa Hərəkatı Bakının mərkəzində - “Fəvvarələr Meydanı”nda flaşmob keçirib.
Hərəkatının mətbuat xidmətindən azxəbərə verilən məlumata görə, flaşmobda hərəkatın 30-dan çox könüllüsü iştirak edib.
Könüllülər əllərində üzərində Avropa Birliyinin emblemi əks olunan 300-ə yaxın şarı azyaşlı uşaqlara paylayıblar.
Yarım saata yaxın müddətdə davam edin flaşmobun əsas məqsədi daha pozotiv vasitələrlə insanlara Avropa dəyərlərini aşılamaq olub. Şarlar isə simvolik olaraq Avropa Birliyinin vətəndaşlıq vəsiqəsi anlamını daşıyıb. Flaşmobun əsas şuarı “Bu gün şar, 10 il sonra Avropa Birliyinin vəsiqəsi” olub.
Bildirək ki, bu formada flaşmoblar bundan sonra da davam etdiriləcək. Növbəti belə flaşmoblar Bakıdakı orta məktəblərin qarşısında keçiriləcək.
Qeyd edək ki, Flaşmoba Azərbaycanda səfərdə olan Beynəlxalq Avropa Hərəkatının baş katibi Diogo Pinto və Azərbaycan Avropa Hərəkatının Prezidenti Ramin Hacılı da qatılıb.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.