Saçlarımda zirvə qarı,
Daha sən deyən deyiləm.
Xətrimə dəysəndə gülüm,
Səndən inciyən deyiləm.
Bir kövrək, inləyən sinəm,
Atəşlə doludu sinəm.
Bilirsən nəçiyəm, kiməm,
Özümü öyən deyiləm
Vurğunam torpağa, göyə
Öz sözümə sadiq, yiyə.
Kiməsə xoş gəlsin deyə,
Kimsəni incidən deyiləm.
Sinəm görüb dərdi, dağı,
Ötüb ömrün bahar çağı.
Yarpaqdan ötrü budağı,
Sındıran əyən deyiləm...
Batıb qüssəyə qəmə sən,
Bəxtinə qara demə sən.
Özün mənə gəl deməsən,
Qapını döyən deyiləm..
İmza: Amin Kerimov
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.