Bu dəfə Röyanı təkrarladı

Şou-biznes əhli ifalarında olduğu kimi geyimlərində də bir-birini təkrarlamaqdan çəkinmirlər.
Bir müddət öncə Aygün Kazımovanın “Türk müzik ödülləri”nə geyindiyi libasın eynisini geyinən müğənni Rəqsanə indi də Röyanın zövqünü oğurlayıb.
Ötən həftə ad günündə Semi Naseri ilə “Gün keçir” verilişində qonaq olan Röyanın seçdiyi köynək və ətəyi Rəqsanənin əynində də görürük.

* * *

Elza Seyidcahan: O, öz səhvlərini etiraf etməlidir

Elza Seyidcahan “ATV Maqazin” verilişinə müsahibəsində xalq artisti Aygün Kazımovanın adını açıqlamasa da, amma onunla münasibətindən danışıb. Əməkdar artistin sözlərinə görə, ona haqsızlıq edən insandan Allah əl çəkməz. “Əgər kimsə depressiyaya düşürsə, demək öncə öz səhvlərini etiraf etməlidir. O, hər bir şeyi olduğu kimi qəbul etməlidir. Bəzən mənə pislik edən insanı mən bağışlasam belə, Allah həmin şəxsdən əl çəkmir”.
Elza Seyidcahan həmçinin xalq artistinin özünə sui-qəsd etmək niyyətini də şərh edib.
“Əgər bir insan Allahı tanıyırsa o özünə qəsd etməməlidir”, - deyə bəstəkar bildirib.