Paytaxt Bakıda 15 ildir odunla qızınan qəsəbə də varmış
Maştağa şosesi, Buzovna yolu Albalılı qəsəbəsinin Abşeron küçəsinin 16,17,18, 19, 20-ci döngə sakinləri redaksiyamıza zəng edərək 15 ildir ki, qazsızlıqdan əziyyət çəkdiklərini və problemi araşdırmaq üçün bizi sözü gedən əraziyə dəvət etdilər. Bizdə öz növbəmizdə boynumuza düşən vəzifəyə uyğun olaraq Albalı qəsəbəsinə yollandıq. Reportaj zamanı bəlli oldu ki, qəsəbənin 16,17,18, 19, 20-ci döngə sakinləri 15 ildir ki, qazsızlıqdan əziyyət çəkir. Sakinlər bildirdilər ki, yaşadıqları ərazilərin ARDNŞ-in ərazisi olduğu bəhanə edilərək, onlara 10 ildən çoxdur ki, qaz verilmir. Yaranmış problemlə bağlı FaktXeber.com-a ətraflı məlumat verən qəsəbə ağsaqqalı, elmlər doktoru Eminov Seyfulla bildirdi ki, yaşadıqları yerlər sakinlərə 1989-1991-ci illərdə verilib: ”Torpaqların vətəndaşlara verilməsi ilə bağlı Bakı Şəhər Xalq Deputatlar Sovetinin İcrayə Komitəsinin qərarı var. Həmin sənədlərin hamısı bizdədir. Bu torpaqların əksəriyyəti sovet dövründə mənzil uçotuna dayanaraq ev ala bilməyən şəxslərə verilib. Eyni halda həmin dövrdə Buzovnada kimin evini su basmışdısa, onlara da Albalı qəsəbəsindən torpaq verdilər. Sonradan bura qaçqınlar və köçkünlər də gəldilər. Hazırda qəsəbədə 20 minə yaxın əhali yaşayır. Bizim qəsəbənin ətrafı tamamilə qazlaşdırılıb.”
Seyfulla Eminov onu da bildirdi ki, hazırda 500-ə yaxın ailə təxminən 6 min sakin 14-15 ildir qazsızdır: “Yazmadığımız və müraciət etmədiyimiz yer qalmayıb. Sakinlərin əksəriyyətinin özəl sənədləri var. Əlimizdə sovet dövründə istifadə edilən abunə kitabçası da var. Bu kitabçı o vaxtda qazı olan evlərə verirdilər. Qaz sayğaclarımız və borularımız o vaxtdan durur. Buna baxmayaraq 14 ildir ki, bizə qaz vermirlər. Hər dəfə müraciət edən də cavab verirlər ki bu yaxınlarda çəkiləcək, amma gəlib heç nə etmirlər.“
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.