İlk yağ heykəllər Tibetdə yaranıb. Onilliklər boyu buddist lamalar Güdmet monastrında yağdan heykəllər düzəldiblər. Yağ heykəltəraşlığı (Suyou hua) qədim tibet ənənəsidir. Adətən bu sənəti məhz tibet buddizminə aid edirlər. Bu heykəltəraşlıq Tiber yeni ili və ya digər dini bayramlar zamanı üzə çıxır. Bu qeyri-adi sənət növü əslində böyük əmək tələb edir. Onu adətən çox soyuq qış aylarında düzəldirlər. Həm də heykəli düzəldən zaman əllər daim soyuq suda isladılmış olmalıdır.

Şimali Amerikada isə yağdan heykəl sənətinin tarixi 19-cu əsrə gedib çıxır. Yağdan heykəllər düzəltməklə fermerlər yarmarkalarda diqqət cəlb edirdilər. Şimali Amerika yağ heykəltəraşlığı haqqında ilk məlumatda Karolin Bruskun adı keçir. 1876-cı ildə o Fildelfiyada yağdan heykəl sərgisi açıb.

Cim Viktor müasir Amerika yağ heykəltəraşlığının öndə gedən isimlərindəndir. O hələ gənc ikən bu sənətə yiyələnib. Bu gün onun yağdan əsərləri bir çox Amerika ştatında sərgilənir.
Vipula Atukoraleni isə Londonda yaxşı tanıtırlar. O Şrilankada anadan olub, hal-hazırda Londonda aşpaz olaraq çalışır. Uşaqlıqdan yaxşı rəsm çəkən Vipula gəncliyində yağ heykəltəraşlığına yiyələnib. Adətən bir heykəli yaratmaq üçün o 90 saat həsr edir. Elə düşünməyin ki yağdan heykəllər tez əriyir. Atukorale danışır ki, onun “Vikinqlərin gəmisi” yağ əsəri artıq bir neçə ildir ki, Bəhreyndə bir otelin girişində sərgilənir. Sadəcə ona lazımi qulluğu göstərmək lazımdır.