Türkiyədən qayıdan Röya əməliyyat olundu?
Dekabrın 20-si Bakıya təşrif buyuran Röyanın gəldiyi təyyarə kəskin hava şəraitinə görə bir neçə saat gecikərək axşam 23:00 radələrində enib. İfaçını həyat yoldaşı Anar Cəlilov qarşılayıb. Müğənni elə ilk olaraq 21 dekabrla bağlı fikirlərini bölüşüb və zarafatla həmin günü ailəsi ilə birgə olmaq istədiyini bildirib. Alış-veriş edərəkən çox gəzməyi sevməyən müğənni işləri ilə əlaqədar buna heç vaxtının olmadığını da söyləyib. O, sevənlərini ən son yeniliklərindən xəbərdar edib və qardaş ölkədə olarkən həyatında ilk dəfə yaşadığı məqamdan danışıb: “Mən Əflatunla səsyazma studiyasında növbəti mahnımı yazdım. İlk dəfə idi ki, studiyada 4 saat qalmalı oldum, amma Bakıda olanda 10 dəqiqə içində oxuyub çıxıram. Həm də həmin mahnıda bir sözü deyə bilmirdim”. O, Türkiyədə artıq bir çox verilişlərdən təklif alıb. Bunun üçün bir az tez olduğunu düşünən sənətçi hələ ki, zamanını gözləyir.
Azərbaycanda olduğu kimi Türkiyədə də yaradıcılığına sıfırdan başlayan Röyanın əsas məqsədi Azərbaycanı təmsil etməkdir. Dayanmadan mahnılar yazdıran müğənni tamaşaçılar üçün növbəti ifalarını hazırlayır. Qısa müddətdə bu qədər uğur qazana biləcəyini ağlına belə gətirməyən Röya çox maraqlı və sensasiyalı bir faktı da açıqlayıb. “Göndər” mahnısı ilə türkiyəli müğənni Hande Yenerin reytinqini üstələyən ifaçı görünür bu halından məmnundur.
Qardaş ölkədə bu qədər uğura imza atan Röya özünü 30 % Türkiyə şou-biznesində gördüyünü bildirib. Türkiyədəki yaradıcılğına sürətlə start verən sənətçi maliyyə məsələsindən də söz açıb: “Bir çıxışım üçün 120 min dollar xərclədim”.
“Azərbaycanın Rihannası” adlandırılan Röya üz quruluşuna görə bu dəfə Cennifer Lopezə bənzədilib. Ən maraqlısı isə odur ki, qardaş ölkədə onun azərbaycanlılara oxşamadığını deyiblər.
Röya Türkiyəyə son səfərində mediadan bir məsələni gizlətdiyini açıqlayıb. Bu sirri açmamasına səbəb isə onun planının alınmamasıdır. O, bildirb ki, burununu əməliyyat etdirmək istəyib. Lakin onun bir müddət tərpənməməsi tapşırılıb və gərgin iş rejiminə görə bu fikrindən daşınıb.
Bu qədər ciddi iş rejimi olmasına baxmayaraq, Röya konsert verməyi də planlaşdırır.
Dünyaca məşhur müğənniyə Azərbaycandan 500 min dollarlıq təklif
Tarkana Yeni il gecəsində çıxış etmək üçün həm Azərbaycandan, həm də Dubaydan təklif gəlib. Hər iki konsert üçün dünya ulduzuna 500 min dollar təklif ediblər. Lakin Tarkan imtina edib.
Bununla yanaşı, müğənniyə İstanbulda 5 ulduzlu oteldən 300 min dollarlıq konsert proqramı ilə çıxış etmək təklif edilsə də, Tarkan bu təklifi də qəbul etməyib.
O bildirib ki, 2013-ün qədəmini basdığı anı anası ilə birgə keçirtmək istəyir.
Ayan 10 min ziyana düşdü
Gənc müğənni Ayan Babakişiyeva, Əməkdar artist Ədalət Şükürov, əməkdar incəsənət xadimi Baba Vəziroğlu, bəstəkar Xanım İsmayılqızı - hamısı eyni məkanda…
Maraqlıdır, onların eyni məkanda toplaşmasına səbəb nədir? Ayan desin, biz də agah olaq. Sən demə səbəbkar Ayanmış.
Növbəti klipinə start verib, sadaladığımız yaradıcı insanları bir yerdə- Ayanın yeni klipinin çəkiliş prosesində yaxaladıq. Sözləri Baba Vəziroğluna, musiqisi Xanım İsmayılqızına məxsus olan «Mən olacağam» adlı mahnı Ceyhun Kərimovun rejissor yozumunda ərsəyə gələcək.
Rejissorun dediyinə görə, klip mini film formasında təqdim olunacaq və konkret süjet xəttinə malikdir: «Film maraqlı bir ssenari üzərində qurulur. Adi məşiətdə baş verən bir hadisə klipin süjetini təşkil edir. Belə ki, bir kişi eyni vaxtda iki qadını sevir; biri həyat yoldaşıdır, o biri də sevdiyi qız. İkisini də əlində saxlamaq niyyətində olan bu kişi sonda tək qalır. Klipdə qəhrəmanın-yəni Ayanın xəyalları yer alır. O gəlinlik paltarında özünü təsəvvür edir və s.»
Elə ideya da Ayandan gəlib. O mahnının yaradıcı heyətini klipdə görmək istəyib. Həmçinin də Ədalət Şükürovu tərəf müqabili kimi görmək arzusunda olub.. Qeyd edək ki, klipdə Ədalət Ayanın sevdiyi kişi obrazındadır. Ayan bildirdi ki, klip yeni ildə pərəstişkarlarının ixtiyarına veriləcək. Klipin bücdəsi ilə də maraqlandıq. Müğənni xanım söylədi ki, bu klip Azərbaycanda çəkilən kliplərdən ən bahalısı olacaq: «Mən deyə bilmərəm bəlkə də bu qiymətə kimsə klip çəkdirib, amma son vaxtlar mənim kliplərimin büdcəsi 10 min manatı keçib.
Bu klipin də büdcəsi 10 mini arxada qoyub. Ən bahalı kliplərin sahibi mənəm.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
- Ümit Sayın ft. Zarina -Kader Utansın
- Ayan Babakişiyeva- Məni Anla / Klip
- Türk Ulduzlarından xəbər var
- Ayan Babakishiyeva - Telefonum Susub 2013
- Şou Maqazin-Xəbərləri
Forumda son mövzu | Baxış | Cavab | Müəllif | Sonuncu |
İzləyicilər | (0): |
Ziyarətçilər | (89): |
Botlar | (1): |
Hal-hazırda saytda: 90 |
|