Azərbaycan yığmasının sərbəst güləşçisi, Londonda keçirilən Olimpiya Oyunları - 2012-nin qalibi Şərif Şərifovun toyu olub.
Azərbaycan Güləş Federasiyasından verilən məlumata görə güləşçinin həyat yoldaşı Dağıstan Tibb Akademiyasının tələbəsi Aminat adlı xanım olub.
Şərif və Aminat eyni kənddəndirlər. Onlar Çarodin rayonunun Qenux kəndindəndirlər. Toy mərasimi “Rossiya” şadlıq evinin banket zalında baş tutub. Mərasimdə bir çox tanınmış atlet və məşqçilər, idman funksionerləri iştirak ediblər.
Toy mərasimində Güləş Federasiyasının birinci vitse-prezidenti Namiq Əliyev başda olmaqla Azərbaycandan olan nümayəndə heyəti də iştirak edib. Heyətdə Azərbaycan yığmasının baş məşqçisi, Olimpiya çempionu Saypulla Absaidov və ölkəmizin Güləş Federasiyasının vitse-prezidenti Maqomed Əliömərov da olub.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.