Azərbaycanda Avropa Oyunlarına hazırlıq tam sürətilə davam edir. Bunu Azərbaycanın istənilən sferasında rahat şəkildə görmək mümkündür. Bütün bunlarla yanaşı möhtəşəm tədbirə yerli ulduzlarımız da cəlb olunub. Məlum olub ki, yerli məşhurların bir neçəsi Avropa Oyunlarının ulduz səfiri kimi çıxış edəcəklər.

Onların sırasında Azərbaycana “Eurovision” qalibiyyəti qazandıran Eldar və Nigar cütlüyü, əməkdar artist Tünzalə Ağayeva, “Bakılı oğlanlar”dan Bəhram Bağırzadə, Tahir və Cabir İmanovlar, “Bu şəhərdə”nın simaları Coşqun Rəhimov və Rafael İsgəndərov, əməkdar artist Murad Dadaşov, müğənni Röya Ayxan və reper Miri Yusif, teleaparıcı İlkin Həsəninin də adı var.

Ulduzların hər biri bir idman növünü təmsil edəcək.

Tədbirdə bildirilib ki, ulduz elçilər iyunun 12-də başlayacaq idman tədbirləri haqqında müraciətlərini və mesajlarını bölüşmək məharətindən istifadə etməklə Bakı 2015 Avropa Oyunlarının Azərbaycan və Avropada geniş tamaşaçı kütləsinə çatdırılmasına imkan yaradacaq.

Avropa Oyunları Əməliyyat Komitəsinin Əməliyyatlar üzrə baş direktoru Saymon Kleq oyunların təbliğ olunmasında iştirak edən elçilərə uğurlar arzulayıb:

“Bizə göstərdikləri dəstəyə görə ulduz elçilərimizin hər birinə təşəkkür edir və qarşıdan gələn aylarda onlarla birgə işləməyi səbirsizliklə gözləyirik”.

İdman növləri üzrə seçilən ulduz səfirlər:

Eldar Qasımov və Nikki Camal badminton üzrə ulduz səfiri

Dj Shock atletika üzrə ulduz səfiri

Miryusif basketbol üzrə ulduz səfiri

Röya avarçəkmə üzrə ulduz səfiri

Tünzalə Ağayeva atıcılıq üzrə ulduz səfiri

Murad Dadaşov su idmanı üzrə ulduz səfiri

İlkin Həsəni velosiped idmanı üzrə ulduz səfiri

Cabir İmanov və Tahir İmanov ulduz səfiri

Rafael İsgəndərov və Coşqun Rəhimov ulduz səfiri

Bəhrəm Bağırzadə çimərlik futbolu üzrə ulduz səfiri