"UNICEF" Uşaqları Müdafiə Təşkilatı və Qantas aviaşirkəti Avstraliyada kasıblığın aradan qaldırılmasına yönələn xeyriyyə aksiyası keçiriblər. Aksiya çərçivəsində köməyə ehtiyacı olan insanların fiqurları əks olunan tematik qəpiklər seriyası buraxılıb. Təşkilatçılar layihə ilə bağlı bunları deyiblər: "Bir çox ölkələrdə fikirləşirlər ki, 5 sent tamamilə faydasız qəpikdir. Ancaq bu, heç də belə deyil. Biz əminik ki, bu qəpik dünyada ən güclü pul ekvivalentidir. Ortastatistik avstraliyalı üçün 5 sentin heç bir əhəmiyyəti olmasa da, alimlərin hesablamalarına görə, bu pula bir uşaq iki gün ərzində təmiz su içə bilər".
Qeyd edək ki, son 23 ildə aviaşirkət analoji xeyriyyə layihələrindən 28 milyon dollar gəlir əldə edib. Onlar bu vəsaiti Avstraliyanın kasıb vətəndaşlarına yardıma yönəltmək qərarı veriblər. Sidneydə yaradılan xüsusi "5Fund" fondunun lozunqu isə "5 sentin köməyi ilə uşağı xilas etmək"dir.