İrina Messinin formasını kəsmədi.

"Real Madrid" və Portuqaliya yığmasının ulduz futbolçusu Kriştiano Ronaldonun sevgilisi, dünyaşöhrətli model İrina Şeyk Yunanıstanda keçirilən tədbirlərdən birinə qatılıb.
Top modellə reportaj hazırlayan müxbirlərdən biri modelə qayçı uzadaraq sevgilisinin rəqibi Lionel Messinin formasını kəsməyi təklif edib. Lakin Şeyk müxbirin bu istəyini mədəni formada rədd edib.

Müğənni Azəri qızı Günel Bakıya gəlib.
 “Hər şey daxil” verilişinə qonaq olan sənətçi hər dəfə Azərbaycana gələndə xəstələndiyini deyib:
“Nə vaxt bura gəlirəm, xəstələnirəm. Bu ya hava dəyişikliyindən irəli gəlir, ya da nəzərdir. Bir də ki, Bakıya gələndə kökəlirəm. Əvvəl 45 kilo idim. İndi 2 kilo artmışam. Bütün günü kolbasa-çörək yeyirəm”.
Atasından danışan G.Zeynalova onunla heç vaxt küsülü qalmadığını söyləyib:
“Atamla küsülü qala bilmirəm. Hərdən hirslənirəm, otağımda oturub, yemək yemirəm. Başlayır əsəbləşməyə... Mənə deyir ki, gəl yemək ye, meymuna oxşayırsan. Arıqlayıb nə günə qalmısan”.

Aygün Kazımova: "Əlimi açıb dilənəcəm"

Aygün Kazımova Mustafa Ceceli ilə reallaşdırmaq istədiyi layihənin ona baha başa gəldiyini bildirib.
“10LAR” verilişinə açıqlamasında xalq artisti mahnının hələ aranjman olunmadığını, hazır olan kimi mahnıya klip çəkdirməyi düşünür. Mustafa Ceceli ilə “Təsadüf” adlı mahnını duet oxuyan Aygün Kazımova klipə görə ondan çox pul istədiklərini söyləyib.
“Mən artıq söküldüm. Məni görəndə elə bilirlər, pul gəlir, neft buruqları gəlir. İstədiyim klipi ortaya qoyuram, sonda elə bir qiymət ortaya çıxır ki, şoka düşürəm. Mən artıq pul ödəməkdən soyuldum. Bir azdan əlimi açıb dilənəcəm, deyəcəm ki, incəsənət üçün...”
Xalq artisti son günlər onun haqqında ölüm xəbəri yayanları da “şeytan” adlandıraraq, bu sənətdən getməyəcəyini bildirib.

“Eşidəndə tüklərim biz-biz oldu”

Müğənni Miri Yusif “Ehtiyac” adlı mahnısına klip çəkdirəcək.
Sənətçi bu haqda “Star life” verilişinə açıqlamasında deyib. O, ekran işi üçün maraqlı ssenari fikirləşdiyini söyləyib:
“Başqa kliplərimin hamısı qeyri-adi ssenaridə çəkilib. Bu da maraqlı, fərqli, gözəl duyğularla dolu olacaq. Ssenarini eşidəndə tüklərim biz-biz oldu”.
Miri Yusif növbəti konsertini “Crystal Hall”da verəcəyini bildirib: “Bu il yox, onu gələn ilə düşünmüşük. Dəqiq tarixi təşkilatçılar bilir”.