Bu gün dünyaca məşhur «World Music Awards» mükafatlandırma mərasimi baş tutacaq.
Monakoda keçiriləcək gecədə müsabiqənin nominantları arasında azərbaycanlı müğənni-bəstəkar Emin və ifaçı Röya Ayxan da yer alıb.
Emin mərasimdə  «Best Male Artist», «World's Best Live Act» və «Best Entertainer» nominasiyaları üzrə namizəddir. Röya isə “Ən yaxşı qadın ifaçı” nominasiyasına namizəd olub. Emin müsabiqəyə qatılmaq üçün artıq Monakoya yollanıb. R.Ayxan isə «World Music Awards»a qatılmayacaq. Bu haqda sənətçinin prodüseri Kənan Bayramov əməkdaşımızla söhbətində deyib:

“Röyanın həm işləri çoxdur, həm də orada mükafat almağımız qeyri-realdır. Buna görə də qatılmağı düşünmürük”.
Qeyd edək ki, namizədlər arasında dünya ulduzları Rihanna, Beyonc, Britni Spirs, Ledi Qaqa, Cenifer Lopes və başqaları var.

"Mənə varlı qız kimi baxırlar" - Röya

Müğənni Röya Ayxan «World Music Awards» yarışmasında nominant olmaq üçün yüz min ödəməsi ilə bağlı gəzən söz-söhbətlərə son qoyub.
Sənətçi “Onlar” verilişinə açıqlamasında məsələylə bağlı bunları deyib:
“Söz vermirəm ki, mən harasa gedəcəm, nəsə alacam. Gərək Murad Ariflə danışım, hərəmiz 50 min qoyub gedək ora. Mənə varlı qız kimi baxırlar. Yəqin ona görə adımı nominantlar siyahısına yazıblar. Fikirləşiblər ki, yüz min verib, mükafat alacaq. Yəqin, bu xəbəri çıxaranın özü verə bilmir deyə belə söz yayır. Bura vətəndir, nə qazanırıqsa, burda da xərcləyirik. Gülşənlə layihəmə həmin məbləğdən daha çox xərcləyirəm. Mənə başqa heç nə lazım deyil”.

Gülşənin Bakıda solo konserti baş tutub
Türkiyənin tanınmış müğənnisi Gülşənin Bakıda solo konserti baş tutub.
Heydər Əliyev sarayında baş tutan konsertə ifaçı “Yatcaz kalkcaz” mahnısı ilə start verib.
“Mən azərbaycanlıları çox sevirəm. Siz təsəvvür edə bilmərsiniz ki, mənə necə doğmasınız. Bu konsertə ciddi hazırlaşmışam, bu günü çoxdan gözləyirdim. Rəqslərimlə və mahnılarımla sizi ovsunlayacağıma inanıram. Bu gün çoxlu əylənəcəyik”-, deyə sənətçi təəssüratlarını bölüşüb.
Cəsur geyimi və rəqsləri ilə tamaşaçıları təəccübləndirən ifaçı sonda Röya ilə “Sarışınım” mahnısını duet oxuyub.
Konsertdə Zamiq Hüseynov, Eldar Qasımov, Abbas Bağırov, şoumen Murad Dadaşov, aparıcı Kamilə Babayeva və başqa tanınmış simalar iştirak edib.

Gülşən Röyanın qonağı olub
Bakının qonağı olan Türkiyənin məşhur müğənnisi Gülşən Heydər Əliyev adına sarayda konsert proqramı ilə çıxış edib.

Konsertdə iştirak edən məşhurlar arasında Röya və oğlu da olub. Konsertdən sonra müğənni Gülşən Röyanın qonağı olub.

Məşhurların birgə çəkdirdikləri fotoları təqdim edirik.