Rusiya prezidenti Vladimir Putin ölkədə miqrantlar bağlı yaranan problemləri həll etmək üçün öz təkliflərini səsləndirib. Ufada, Millətlərarası münasibətlərlə bağlı iclasda çıxış edən Putin əslində milli zəmində baş verən insidentlərin məsuliyyətini yerli məmurlar daşıdığını deyib. Rusiya lideri miqrantların əksər hallarda Rusiyaya uyğunlaşa bilmədiyini deyərək, Federal Miqrasiya xidmətinin işini tənqid edib.

 Rusiya prezidenti, Vladimir Putin: “Hazırda miqrantların adaptasiyası ilə Federal Miqrasiya Xidməti məşğul olur. Amma etiraf etmək lazımdır ki, burda müsbət dəyişiklik çox deyil. Bununla yanaşı yerlərdə çox fəal işləmək lazımdır. Bəlkə də federal ərazi vahidlərində əlavə işçi qüvvəsinə olan tələbatı əks etdirən əmək xəritələri hazırlamaq lazımdır. Amma əsas məsələ miqrantların sosial adaptasiyasıdır. Bunun üçün lazımı şərtlər yaradılmalıdır. Tamburda və Orenburqda belə adaptasiya mərkəzləri yaradılıb və ekspertlərin rəyinə görə yaxşı nəticələr verə bilər”. 

Bundan əvvəl hər kəsin vahid SSRİ-nin tərkibində yaşadığını deyən Putin miqrant probleminin də yaşanmadığını bildirib. Həmin vaxt sərhədlərin olmadığını xatırladan Rusiya prezidenti viza tətbiqi ehtimallarını da dəyərləndirib. 

Rusiya prezidenti, Vladimir Putin: “Bunun özü də problemli məsələdir ki, biz viza tətbiq etsək müsbət olacaq, yoxsa yox. Burada ədalətli olaraq qeyd etdilər ki, bu halda rüşvətxorluq bazarlardan sərhəddə keçə bilər. Əsas məsələ bizim bu gün danışdığımız problemləri həll etmək üçün savadlı, düzgün idarəetmədir”. 

Vəziyyətdən çıxış yolu kimi Putin əmək qanunvericiliyinin təkmilləşdirilməsini təklif edib. Həmçinin Putin millətlərası münasibətlərin möhkəmlənməsində xidmətlərə görə mükafat verməyi təklif edib.