2 aylıq körpəsini evdə qoyub, 9 günlük istirahətə getdi
İddialara görə, 34 yaşlı Seçil M. D. 2 aylıq oğlunu evdə tək başına qoyub, özü isə 9 günlük istirahət etmək üçün məmləkəti Adanaya gedib. Tətildən qayıdanda aclıq və susuzluqdan ölən körpəni hərəkətsiz olduğu üçün xəstəxanaya aparıb. Həkimlər vəziyyəti polisə bildirdikdən sonra qadın nəzarətə aparılıb. Daha sonra onun haqqında həbs qərarı verilib.
Seçil M. D. istintaq zamanı ziddiyyətli fikirlər bildirib:
“Körpənin qarnını doyurub tətil üçün 9 günlük Adanaya getmişdim. Qayıdanda uşağa yemek yedirtməyə çalışdım. Yeməyəndə isə Dövlət Xəstəxanasına apardım. Orada öldüyünü dedilər. Sonra isə polisə xəbər verdilər”.
Qonşular ağlama səsi eşitməyib
Bina işçisi Mehmet Kaya məsələni polislərin gəlməsindən sonra öyrəndiyini ifadə edib:
“Hər gün təmizlik edir və iki dəfə mənzillərin qapısını döyürəm. Müəllimə Seçil xanımı bəzən səhərlər görürdüm. Heç körpə səsi də eşitməmişdim. Hər hansı bir problemi olub olmadığını da bilmirdim. Evində bir ara bir qadın da qalırdı. Körpəsini ölümə tərk etdiyini indi öyrəndik”.
Müəllim Seçil M. D-nin qapı qonşusu Necla Öztekin də “Özünü tanımıram. 1-2 dəfə görmüşəm. Evə gələndə dərhal qapını örtürdü. Heç salamlaşmamışıq. Ağlama səsi də eşitməmişəm. Bayramın 1 və 2-ci günü binada pis qoxu yaranmışdı” deyib.
Məktəb direktoru: “Gəlmədiyi üçün telefonla zəng etdim”
Müəllimə Seçil M. D-nin məktəbə gəlmədiyini söyləyən məktəb müdiri Orhan Merdanoğlu isə “Məktəbimizə bu il gəlib. Bu gün məktəbə gəlmədiyi üçün zəng etdim. Lakin əlaqə saxlaya bilmədim. Valideynlər də soruşanda gəlmədiyini dedik. Hadisə haqqında heç bir məlumatım yoxdur” deyib.
Dünən axşam müvəqqəti təcridxanaya aparılan Seçil M.D. polisdə verdiyi ifadəsindən sonra həbs olunub.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.