Rusiyada çayda batan 3 rus qızı xilas edərkən ölən Salaməddin Nağıyevin valideynləri Orxan Zeynalova görə Rusiyada antiazərbaycan əhval-ruhiyyəsinin artmasından təəsüflənirlər. “Mənim xalqım pis deyil. Mən istəyirəm ki, rus xalqı bunu başa düşsün. 
Məişətdə baş verən ayrı-ayrı neqativ hadisələrə görə, bütün xalqı pis etmək lazım deyil”. Bunu Salaməddin Nağıyevin valideynləri “İnterfaks-Azərbaycan”ın region bürosuna müsahibəsində deyib. 

Salaməddinin anası ölən Yeqor Şerbakovun anasına da baş sağlığı verib: “Oğlunu itirmiş bir ana kimi mən onun kədərini başa düşürəm”.

Salaməddinin atası Həmdulla Nağıyev oğlunun çaya düşünmədən qızları xilas etmək üçün özünün atdığını deyib.
Onun sözlərinə görə, Azərbaycan xalqı qəhrəmanlığı ilə seçilir, başqalarının həyatını xilas etmək üçün ölümə belə hazırdırlar. Mərhumun atası bildirib ki, iyulun 10-da - oğlunun öldüyü gün yerli hakimiyyət orqanları laqeydlik göstəriblər. Belə ki, ailə öz hesabına xilasedicilər tutaraq oğlunun cəsədini axtarışı ilə məşğul olub. 3 rus qızı xilas edən gəncin cəsədi hadisədən 3 gün sonra,22 yaşı tamam olan gün aşkar edilib. 

“Biryulevdəki hadisədən sonra baş verənlər xalqımıza qarşı təmiz provokasiyadır. Biz istəyirik ki, ruslar üçün Azərbaycan xalqını təcəssüm etdirən Salaməddin kimi insanlar olsun”,-deyə Salaməddinin əmisi qeyd edib.