"Sevgilimi Orxan Zeynalov qətlə yetirib" - VİDEO

Azərbaycan vətəndaşı Orxan Zeynalov Moskva sakini Yeqor Şerbakovu xuliqanlıq niyyəti ilə öldürüb. Rusiya İstintaq Komitəsinin bəyanatında belə deyilib. Komitənin rəsmi nümayəndəsi Vladimir Markin deyib ki, Orxanı 8-12 illik , ya da ömürlük həbs gözləyir.

Orxan Zeynalov isə dindirilmə zamanı özünü günahkar hesab etmədiyini bir daha bəyan edib. Yeqor Şerbakovun sevgilisi Kseniya Popova isə qətl baş vermiş yerdə məhz Orxan Zeynalovu gördüyünü deyib. Eyni zamanda Popova bildirib ki, bu hadisəyədək Orxanla heç vaxt üz-üzə gəlməyib. Baxmayaraq ki, bir qədər &¨ncə yayılan məlumatlara görə, Kseniya Orxanı çoxdan tanıyıbmış və ona külli miqdarda pul borclu idi.

YEGOR ŞERBAKOVUN SEVGİLİSİ: "MƏHKƏMƏ BU İNSAN ÜÇÜN ƏDALƏTLİ CƏZA VERƏCƏK, ÇÜNKİ HƏR KƏS ÖZ HƏRƏKƏTİNƏ GÖRƏ CAVAB VERMƏLİDİR". "ƏGƏR O, BUNU EDİBSƏ, ONDA QOY O, TƏQSİRİNİ BOYNUNA ALSIN VƏ LAYİQLİ CƏZASINI ÇƏKSİN" YEQORU HƏMİN BU, ADAM ÖLDÜRÜB , AMMA DƏQİQLƏŞDİRİM Kİ, BU HADİSƏDƏN ƏVVƏL MƏN "BU ADAMI HEÇ VAXT GÖRMƏMİŞƏM. "

Azərbaycan diplomatları isə Orxan Zeynalovla hələ də görüşə bilməyiblər. Azərbaycanın Moskvadakı səfirliyindən bildirilib ki, Rusiyanın Xarici İşlər Nazirliyinə təkrar nota göndərilib. Qurum Orxanla əlaqə saxlamaq üçün müəyyən tədbirlər görsə də, onunla görüşmək hələ mümkün olmayıb.

Orxan Zeynalovu ömürlük həbs gözləyir

Rusiyanın paytaxtı Moskva şəhərindəki Biryulovo rayonunda qətl törətməkdə ittiham olunan Orxan Zeynalov ömürlük həbs edilə bilər. Həmyerlimizin işini araşdıran müstəntiqlər onun ömürlük həbs cəzasını nəzərdə tutan rəsmi ittiham irəli sürüblər.

Qeyd edək ki, Orxan Zeynalov ilkin ifadəsi zamanı Yeqor Şerbakovu qətlə yetirdiyini boynuna alsa da, sonradan bunu təzyiq altında deməyə məcbur olduğunu açıqlayıb.