Bir müddət öncə sizlərə xəbər vermişdik ki, hər il milyonlarla müsəlmanın axın etdiyi Kəbədə təmir-tikinti işləri başlayıb. Kəbədə işlər bütün sürəti ilə davam etdirilir.
Kəbənin genişləndirilməsi səbəbi ilə başlayan layihə bitdiyində hazırkı meydandan üz qat daha geniş meydan ortaya çıxacaq. Bunun üçün Kəbənin Al-Bait qüllələrinin tam qarşısında olan Ümrə qapısı deyə bilinən bölümdə, Kəbənin ana qapısı kimi inşa edilən yeni minarənin önündəki iki köhnə minarə sökülür. Bax, bu da zəvvarları gözləyən növbəti sürprizdir...
Ramazan ayında əlil arabası ilə təvaf edən hacılar arasında izdiham yaşanmışdı. Eyni vəziyyətin bir daha yaşanmaması üçün Kəbənin ətrafında iki mərtəbəli - poladdan platforma yaradılmasına qərar verildi. Ancaq Ərəbistan rəhbərliyi tək mərtəbəin yetərli olacağını bildirərək, ikinci mərtəbədən imtina etdi. Əlil arabasında Həccə ziyarətə gələn zəvvarlara pis sürpriz isə izdiham halında Kəbəni bütöv halda görə bilməyəcəkləridir.
Qeyd edək ki, Kəbənin bərpa və təmir işləri bir türk şirkətinə həvalə olunub. Hansı ki, "Gülsoy Grup" daha öncə Süleymaniye və bir çox qədimi məscidləri uğurla bərpa edən şirkətdir. Bu layihə bitəndən sonra 50 min nəfərlik təvaf tutumu 200 min, 40 minlik namaz qılma tutumu isə 1.5 milyon nəfərə xidmət göstərə biləcək. Bab-u Səfa qapısı da əslinə uyğun bərpa ediləcək.
Təcili durumlarda hacıların təxliyəsi üçün xüsusi işlər də görülür. 5000 nəfərin əmək verdiyi proyekt 3 ildə tamamlanacaq.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.