Onun 21 yaşı olsa da, 7 il əvvəl ərə verilib və indi də 11 uşaq sahibidir

İnanılmaz təsir bağışlasa da, belədir. Fələstinin Qəzzə bölgəsində yaşayan Nimet əl Bətaş 7 övlad anasıdır və o, son doğuşunda beşəm dünyaya gətirib.
Milli.Az AA-ya istinadən bildirir ki, Nimet əl Bətaşın dediyinə görə, 14 yaşında ərə verilib.

"Dalbadal 4 dəfə doğdum və hər dəfə də bir qızımı dünyaya gətirdim. Ərim və ərimin ailəsi soyadımızı daşıyacaq oğlan istəyirdilər. Yenidən hamilə qaldım. Allah-təala mənə qardaş və bacıdan ibarət əkiz verdi. 6 uşaqdan sonra isə beşəm doğdum", - əl Bətaş söyləyib.

Onun sözlərinə görə, müayinə zamanı həkimlər Nimetin bətnində beşəmin olduğunu biləndə şoka düşüblər.
Qadın həddən artıq yoxsul yaşadıqları üçün bətnindəki uşaqlardan abortla qurtulmağa qərar verib. Lakin beşəmlər 3 aylıq olduqları üçün həkimlər abortu yasaqlayıblar, çünki Nimet belədə ölə bilərdi.

"Beşəmləri vaxtından əvvəl doğduğum üçün uşaqlarımın səhhəti yaxşı deyil. Yeni doğduğum 5 övladımın hər birinin əlahiddə, xüsusi qulluğa ehtiyacı var. Burada isə südün bir qutusu 13 dollardır. Ərimin maaşı 200 dollar, evdə də 11 uşaq. Yaşamaq çətindir", - Nimet əl Bətaş deyib.

Yardım almaq üçün yerli və beynəlxalq humanitar təşkilatlara müraciət edən əl Bətaş ailəsinə kömək edən olmayıb.

Nimetin əri Əhməd əl Bətaş deyir: "5 uşağımın durumu yaxşı deyil. Üstəlik, 13 il əvvəlki "Əl Əqsa intifazası" (intifaza - müqavimət, üsyan, inqilab) zamanı ayağımdan yaralandığım üçün əliləm. Vəziyyətimiz çox ağırdır".

O, Qəzzədəki Fələstin hakimiyyətinin baş naziri İsmayıl Haniyə və Fələstinin prezidenti Mahmud Abbasa üz tutaraq yardım istəyib.