Elşadla Oksananın toylarının bilinməyən tərəfləri - FOTO
- Niyə məhz 27 mart? Bu tarix sizin üçün nəsə ifadə edir?
Elşad: Xeyr. Sadəcə, belə alındı. Əvvəlcə toyumuzu martın ilk günlərində eləmək fikrində idik. Amma bizi bundan çəkindirdilər. Dedilər ki, 8 Mart Qadınlar Günü ərəfəsində hər kəs məşğul olacaq. Daha sonra Novruzdan əvvəl toy etmək qərarına gəldik, amma yenə də bayram hazırlıqları araya girdi. Odur ki, toyu martın 27-nə keçirməli olduq.
Oksana: Martın 27-i bayram tətilindən sonra ilk iş günü idi və həmin gün şəhərdə dəhşətli, ağlasığmaz tıxaclar var idi. Biz özümüz belə avtomobil tıxacında ilişib qalmışdıq, üstəlik, bir çox qonaqlarımız da toya gecikmişdi.
- Toy ərəfəsində hansı çətinliklərlə qarşılaşdınız?
Elşad: Aləm bir-birinə dəymişdi. Toy mərasiminə hazırlıqdan sonra hələ də özümə gələ bilməmişəm. İşin bütün ağırlığı bizim çiyinlərimizə düşmüşdü. Hər şeyi sevgilim Oksana ilə özümüz edirdik və ümidvarıq ki, toyumuza gələn qonaqlar razı qalıblar. Baxmayaraq ki, biz özümüz bəzi məqamlardan narazı qaldıq, çünki vaxt azlığından çox şeyi çatdıra bilmədik.
Oksana: Bəli, vaxtımız, doğrudan da, az idi. Toya hazırlıqdan sonra Elşadda da, məndə də xroniki yuxusuzluq əmələ gəlib. İndiyədək doyunca yata bilmirik. Başımız toy hazırlığına elə qarışmışdı ki, yuxu barədə düşünmür, sutkada cəmi bir-iki saat yatırdıq. Vaxt sürətlə uçurdu. Məsələn, bizim tanışlığımıza həsr olunmuş videoçarx rejissor Ceyhun İbrahimoğlu tərəfindən bir neçə saat ərzində çəkilərək, yalnız toy günü səhər saatlarında montaj edilib. Bu çarxa Elşadla mən ancaq toy günü baxa bildik – buna görə Ceyhuna minnətdarlığımızı bildiririk! Çarx nəinki bizim, o cümlədən qonaqların da çox xoşuna gəldi, gurultulu alqışlarla qarşılandı. Amma bir daha qeyd etməliyəm ki, bəzi məqamlar bizi qane etmədi. Zala saat 7-də daxil olmalı idik, amma tıxaclar ucbatından yalnız saat 9-da çata bildik, odur ki, tərtib etdiyimiz ssenari işə yaramadı. Başqa xoşagəlməz nüanslar da oldu, amma bu barədə danışmaq istəməzdim.
Milli.Az
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.