May ayının sonuna qədər 500-dən çox marşrut avtobusunda kart sisteminin tətbiqi nəzərdə tutulur. Nəqliyyat Nazirliyinin ictimaiyyətlə əlaqələr şöbəsinin müdiri Namiq Həsənovun sözlərinə görə, yeni sistemə keçid marşrut avtobuslarında yaşanan bir sıra xoşagəlməz halların qarşısını alacaq. Avtobusda iki aparat yerləşdiriləcək - biri sürücünün yanında, digəri isə qarşısında. Bu zaman marşruta minən sərnişinin ödəniş edib-etmədiyi bəlli olacaq. Artıq kartlar hazırlanır. Azı 500 min kart olmalıdırkı onlar dövriyyəyə buraxılsın. Marşrut kartları metro kartlarından fərqlənəcək.
Sürücülər də kart sisteminə keçməyin müsbət nəticə verə biləcəyini düşünürlər.
Kart sistemi tam tətbiq olunduqdan sonra ikinci mərhələdə həm marşrutların, həm kartların, həm də satış yerlərinin sayı artırılacaq.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.