Sıralarında 50-dən çox qeyri-hökumət təşkilatını birləşdirən QHT Əməkdaşlıq Alyansı Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyi ilə Şuşanın işğalının 21-ci ildönümü münasibətilə “Şuşaya Azadlıq” adlı kampaniyaya start verib.
Bu münasibətlə may ayının 8-i, “28 Mall” Ticarət Mərkəzində saat 15.00-da gənc rəssamların Şuşanın işğalına həsr edilmiş əsərlərinin sərgisinin keçirilməsi mərasimi və ildönümlə bağlı geniş tədbir keçiriləcək.
Tədbirə Azərbaycan Respublikasının Prezident Adminstrasiyası, Şuşa rayon icra hakimiyyəti, “Dağlıq Qarabağın azərbaycanlı icması” İB-i, QHT-lər, mətbuat nümayəndələri, deputatlar, dövlət qurumları, xarici nümayəndəliklərin iştirakı nəzərdə tutulub.
Qeyd edək ki, hazırda “Şuşaya Azadlıq” kampaniyası çərçivəsində internet üzərindən azərbaycan və ingilis dillərində irimiqyaslı kampaniya aparılır. Artıq Şuşanın görkəmli yerləri və şəxsiyyətləri haqqında virtual posterlər hazırlanaraq Facebook üzərindən yayılır. Bununla bərabər, Şuşanın zəngin musiqi mədəniyyətinin erməni işğalçıları tərəfindən dağıdılması, onun zəngin mədəniyyətinə böyük ziyan vurulması barədə 1000-ə yaxın müraciətlərin QHT Əməkdaşlıq Alyansının təşkilatçılığı ilə UNESCO-ya göndərilməsi də davam edir.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.