Füzuli 39 ünvanındakı tarixi binada sürüşdürülmə prosesi artıq başa çatıb. 18 min ton ağırlığı olan binada yaşayan sakinlər isə öz mənzillərinə yaxın günlərdə köçəcəklər.
Xatırladaq ki, sürüşdürülmə prosesinə aprelin 23-dən başlanılıb. Bina 10,5 metr geri sürüşdürülüb və bünövrəsi bərkidilib. Binanın sürüşdürülməsi prosesi 210 ədəd hidravlik qurğu ilə həyata keçirilib və sürüşdürülmə prosesinin sürəti saatda 8 sm olub.
İş icraçılarının sözlərinə görə, binanın bundan sonrakı ömrü, indikiyə kimi olandan heç də az olmayacaq.
Qeyd edək ki, adıçəkilən bina hələ 1908-ci ildə neft maqnatları İsa və Kazım bəy Hacınski qardaşları tərəfindən inşa olunub.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.