Yaxın gələcəkdə Bakının iri nəqliyyat obyektləri (vağzallar, limanlar) paytaxtın mərkəzindən kənarlara köçürüləcək. Bu istiqamətdə artıq işlər də həyata keçirilir. “publika.az” -ın verdiyi məlumata görə, Bakının mərkəzində, Azadlıq meydanının yaxınlığında yerləşməklə Neftçilər və Nobel prospektləri ətrafında xeyli ərazini tutun Beynəlxalq Dəniz Limanı Qaradağ rayonu ərazisinə köçürüləcək. Artıq xeyli müddətdir ki, Qaradağ rayonunun Ələt qəsəbəsi yaxınlığında möhtəşəm dəniz limanının tikintisi işləri həyata keçirilir.
Burada istənilən növ yüklərin gəmilərdən boşaldılması, yüklənməsi, qatarların bərələrə keçidi və.s mümkün olacaq. Limanda yerləşəcək bərə terminalının xarici görünüşü isə qeyri-adiliyi ilə seçilir.
Müasir üslubda tikiləcək terminal binası aypara formasında olacaq. Binanın ortasından nisbətən yüksək hissədən mayak yerləşəcək. Bərə terminalı həm də özündə bir neçə digər obyekti (istirahət yerləri, gözləmə zalı, otel və s.) cəmləşdirəcək.
Yaxın vaxtlarda limanın təhvil veriləcəyi və Bakı buxtasına yan alan iri gəmilərin buraya istiqamətləndiriləcəyi gözlənilir
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.