Raco yaşadığı bölgənin adət-ənənəsinə uyğun olaraq evlərinə elçiliyə gələn adamlara atasının "Hə" cavabı verməsindən sonra taleyi ilə razılaşdı.

Az sonra nişan, bir qədər keçəndə də toy oldu.
Beləcə, Raco Verma ərə verildi. Raconun indi 21 yaşı və 5 əri var.

O, 5 qardaşın tək, daha doğrusu, ümumi arvadıdır.
Raconun dediyinə görə, kiçik oğlunun atasının kim, yəni ərlərindən hansı biri olduğunu bilmir.

Milli.Az The Daily Mail-ə istinadən bildirir ki, Raco Verma hər gecə ərlərindən biri ilə yatır.
Qardaş paliandriyası Hindistanın şimalındakı bu məkanda, Dehradun şəhəri yaxınlığındakı bölgədə adi məsələdir.

18 aylıq oğlu olan Raco deyir: "Oğlumu və ərlərimi çox sevirəm. Amma onlardan hansı birinin oğlumun əsl atası olduğunu bilmirəm. Beş kişinin tək arvadı olmaq asan iş deyil".

21 yaşlı Raconun ərləri - 28 yaşlı San-Ram Verma, 32 yaşlı Bajju Verma, 26 yaşlı Qopal Verma, 21 yaşlı Quddu Verma və 19 yaşlı Dineş Vermanın dediklərinə görə, onlar da balaca Cey Vermanın atasının kim olduğunu bilmirlər.

Kiçik kənddəki adətin səbəbi yerli sakinlərin ailədəki qardaşların hər birinə ayrı arvad almağa çalışmamasıdır. Çünki hər qardaşın öz arvadı olanda, atadan miras qalan torpaq qardaşlar arasında bölünməlidir.
Torpağın bölünməməsi üçün də qardaşların hamısına bir arvad alırlar.

Raconun "ilk" əri Quddu olub və toy da 4 il əvvəl baş tutub.
Toydan iki gün sonra isə Raco yenidən gəlin paltarı geyib, ərinin qardaşları Baycu, San Ram, Qopal və Dineşə ərə gedib.

"Arvadımın hər gecə bir qardaşımla yatmasına normal baxıram. Burada nə var ki?! Arvad mənim, yatdığı kişilər də qardaşlarımdır", - Quddu deyir.

Beş qardaşın evində çarpayı yoxdur. Ailə üzvlərinin hamısı yerdə, döşək əvəzinə döşəməyə atılmış nazik adyalların üstündə yatırlar.

Ailə çox kasıbdır.
Buna rəğmən Raco Verma bəxtəvərdir.
"Başqa yerlərdə qadının bir əri var və o, bir kişidən diqqət alır. Mən isə daim beş kişinin diqqətindəyəm. Səni sevir, oxşayır, əzizləyirlər", - Raco Verma söyləyib.

Ekspertlərin dediklərinə görə, poliandriya ənənəsi Hindistanın şimalındakı sakinlər arasında qədim hind eposu "Mahabharata"dan qaynaqlanır.
Həmin eposda hökmdar Pançanın qızı Draupadi 5 qardaşın arvadı idi.

... Raco deyir ki, həyatından razıdır. Axı o, yaşamını tam normal sayır.
Raconun anası da 3 qardaşın tək arvadı idi...

Milli.Az