Qoç - Titaniya və Ledanın münasibətləri yaşanan olayların ciddi dəyərləndirilməsini tələb edir. Yeni işlərə başlamaq, təşəbbüs göstərmək, istənilməyən yerdə fəallıq göstərmək vaxtı deyil.
Daxili narazılıq perspektiv olmayan iş və əlaqələrdən imtinaya səbəb ola bilər. Batininizdəki üsyan uğur və nəticə vəd edən işlərlə məşğul olmağınıza təkan verəcək.
Gələcəyinizi dəqiq planlaşdırın. Proseslər sürətlənəcək, mental dəstək alacaq.
İdeyalar səviyyəsində olan işlər iki ay sonra gerçəkləşəcək.
İntuisiyanıza güvənin.
Buğa - Umbriel və Mirandanın münasibətləri yeni güc, ideya və dəstəklə başlanan işlərdə uğur vəd edir. Zəif bəndi qaydaya salmasanız, indi sürətlə inkişaf edən işdə problem yarana bilər.
Yaxın ətrafınızda olan insanların müdrikliyiniz və səbrinizə ehtiyacları var. Kollektiv fəaliyyətdə öhdəliklər, müqavilələr və iş bölgüsünə yenidən baxılmalıdır.
İşlərdəki durum sizi yeni ideyaya vadar edəcək. Münasibətlərdəki dəyişiklikləri münaqişə üzə çıxaracaq. Prosesdə özünüz üçün məna və sərfəli məqamlar arayın.
Nisgil ruhlu görüş üçün xoş vaxtdır.
Əkizlər - Yupiter və Haumeanın münasibətləri mühüm işlərin gerçəkləşəcəyi gün vəd edir. Sərfəli və əlverişli saydığınız işi ikinci dərəcəli, o qədər də önəmli olmayan məsələdən üstün tutun. Yeniliklər, yeni məkan və müstəvi axtarışına ehtiyac yaranır. Fəaliyyət sahəsinin rekonstruksiyası ilə məşğul olun.
Səhvlər aşkarlanarsa, düzgün qərarlar qəbul edin. Yeni əməkdaşlıq və iş imkanları yaranacaq. Olanları təkmilləşdirin, tərəfdaş münasibətlərində qarşı tərəfi diqqətlə dinləyin. Gərəkli məlumat sizə dolayı yolla gələ bilər.
Bir sual verib başqa cavab almaqla kifayətlənməyin.
Xərçəng - Lisiteya və Fobosun münasibətləri planların qəflətən dəyişməsi ilə kənardan gələn təsir və təzyiqlərə sakit yanaşmağınızı istəyir. Bu gün dəyişikliklər günüdür. Bir işdən başqasına keçməyiniz, əvvəllər nail olmadığınız nəticəni əldə etməyiniz mümkündür. Cari işlərlə məşğul olun.
Həmkar və tərəfdaşların, iş yoldaşlarının punktual olmayan davranışı, unutqanlığı müəyyən çətinliklər yarada bilər. İşlərinizi vaxtı nəzərə alaraq planlaşdırın.
Təxirə saldığınız işlərin yaxşı perspektivləri var. Kiminsə sizə yardım etmək fikrində olmağı barədə xəbər alsanız, bu şansdan yararlanın. İş və ailə məsələlərində ciddi islahatlara, yenidənqurmaya başlamayın.
Gələcəklə bağlı planlar qurun. İndi formalaşmaqda olan ideya bir müddət sonra sizə xeyir verəcək.
Şir - Merkuri və Mikemakenin münasibətləri hər şeyi əvvəlcədən planlaşdırmağınızı istəyir. Mövqeyinizi başa salmaq və ya hansısa mövzuda razılaşma əldə etmək üçün səy göstərməyiniz gərəkdir. İşlərdə qayda yaradın, əks təqdirdə gərəkli nəsnələrin axtarışına vaxt və səylər sərf edəcəksiniz.
Emosional müstəvidə köhnə situasiyaya yeni reaksiya yarana bilər.
Ailədə problemlərin yaranmasına imkan verməyin, pula şirniklənməyin.
İşlək və mövcud maliyyə sxemlərinə önəm verin. Nəzərdə tutulmamış xərclər, ödənişlərin gecikməsi mümkündür. Məhdudiyyətlərin sizə ifrat maneələr yaratmaması üçün əzmlə çalışın, sədləri dəf edin.
Qız - Ay və Saturnun münasibətləri hadisələrin axarını zəiflədəcək. Lazımi səviyyədə və formada olmaq üçün səy göstərin. Sakit və təmkinlə çalışın. Belədə bütün işlərin öhdəsindən gələ biləcəksiniz. Eyni vaxtda çox işə başlamayın, çünki bu günün prioritetləri fərqlidir. Təfərrüatlar, yarımtonlar və başqalarını dinləmək bacarığı indi xüsusi əhəmiyyət kəsb edir.
Mühüm işlərdə dərində qalan, gizlənən problem üzə çıxacaq. Köhnə tanışlardan biri sizinlə əlaqə saxlayacaq.
Sevdiyiniz insanla münasibətlərdə indiyədək üstüörtülü saxlamağa çalışdığınız problem üzə çıxacaq. Əlaqələrinizi aydınlaşdırmaq üçün vaxtdan səmərəli istifadə edin. Təmaslarda istəyinizi dəqiq və səlis söyləməklə yanaşı, tərəfdaşın əhvalının nüanslarını anlamaq, onunla "eyni dalğa"da olmaq vacibdir.
Tərəzi - Pluton və Sereranın münasibətləri bu gün işiniz üçün xeyirli olan informasiya vəd edir. Məsləhətləşmələr, toplantı, yazışma, işgüzar tərəfdaşlar və ya şəriklə təmaslar üçün əlverişli gündür. Bəzi planlarınızdan və ya işinizdən yaxın ətrafınızdakı insanın xeyrinə imtina etməyiniz gərək olacaq.
Səfər, gəzinti, dostlarla görüş mümkündür. Gərgin situasiyada niyyətdən işə keçin, əndişələrini dağıdın, birmənalı cavab alın.
Başqa orientirlər seçmək üçün bəzi illüziyalarla vidalaşmaq lazımdır. Əhvalınızın pisləşməyə başladığını hiss etsəniz, dərhal səhhətinizlə məşğul olun.
Çəkinin azaldılmasına yönəlmiş pəhriz effektiv olacaq.
Əqrəb - Giperion və Arielin münasibətləri yaradıcı təşəbbüslər, yeni ideyalar vəd edir. Müxtəlif imkanları nəzərdən keçirin, sizə təklif edilən bütün variantlara baxın. Cari işlərdə aktivlik izharı üçün heç bir problem yoxdur.
Yeni ideyaların reallaşdırılmasını martın ortalarına saxlayın ki, məsələni dərindən təhlil edə biləsiniz.
Gün təfərrüat və xırdalıqlara ciddi diqqətlə yanaşma tələb edir.
Yarımçıq qalmış işlər həllini istəyəcək. Nəyisə dəyişmək, islah etmək gərəkdir.
İş prosesini daha rahat məcraya salmaq üçün vaxt var. Maraqlı təsir bağışlayan məsələ ilə məşğul olmaq mümkündür.
Axşam saatlarında səhhətinizlə bağlı profilaktiki tədbirlərlə məşğul olun.
Oxatan - Kallisto və Deymosun münasibətləri problemlərin gərginləşə biləcəyi gün vəd edir. Hər şey sizdən asılıdır. Soyuqqanlı, təmkinli, bir qədər də fəndgir olun, yarana biləcək çətinlikləri müdrikliklə qarşılayın.
Səbr kasanız dolanda anlayacaqsınız ki, nəyisə dəyişmək gərəkdir. Hələlik tez yoluna qoyulması və ya müzakirəsi mümkün problemləri həll edin. Köklü, ciddi dəyişiklikləri təxirə salın.
Cari işlərdə xaos, qarğaşa və anlaşılmazlıqların yaranmasına imkan verməyin.
Yaxın ətrafınızdakı insanlarla müzakirələrdə ortaq məxrəcə gəlmək asan olmasa da, səy göstərin. Yalnız özünüzə bel bağlayın. İşləri tələsmədən görün, imzalayacağınız sənədləri diqqətlə oxuyun.
Nəqliyyatda olarkən gecikmə, nasazlıq, texniki problemlər mümkündür.
Axşam saatlarında yaxşıca dincəlin.
Oğlaq - Yer və İonun münasibətləri maliyyə imkanlarınızın yaxşılaşa biləcəyi gün vəd edir. Məhdudiyyətlərə fikir verməyin, ruhdan düşməyin. Cari vəziyyət və yaşanan situasiyalardan fayda əldə etməyə çalışın.
Tərəfdaşlarla danışıqların bərpa olunması, köhnə mövzuya qayıdış, planların korreksiyası üçün yaxşı gündür.
Mühüm və ciddi məqsədin, planın reallaşmasının qarşısını ala biləcək, çətinlkiəlr yaradan sədlər üzə çıxacaq. Bir qədər tənəffüs edin, yavaşlayın, fəaliyyət perspektivlərinizi dəqiqləşdirin. İndi sizin üçün daha vacib məsələlər və işlər var. Onlara diqqət yetirin.
Xəbərləri diqqətlə izləyin.
Fikirlərinizə yeni istiqamət verə biləcək maraqlı məlumat ala bilərsiniz.
Dolça - Saturn və Marsın münasibətləri bu gündən maddi durumunuzu yaxşılaşdırmaq üçün istifadə etməyinizi istəyir. Fayda və xeyir gətirməyən, amma çoxlu qüvvə və vaxt aparan nə varsa, imtina edin. Borcunuzu qaytarsalar və ya çoxdan gözlədiyiniz məbləği versələr, pulu mənasız, məntiqsizcəsinə xərcləməyin.
Yaxın həftələrdəki işlərinizin və fəaliyyətinizin özülü indi qoyulur.
Dəvət olunduğunuz tədbirə və ya əyləncəyə qatılın, amma bədxərclik etməyin.
İstənilən ağır yük, ballast, asılılıq, köhnə əşyalar və ya əlaqələrdən qurtulmaq zamanıdır.
Daxili dünyanızı yeni dəyərlərlə yükləməyə tələsməyin.
İntuisiyanızı dinləyin: o, bu gün sizi bir çox problemlərdən xilas edə bilər.
Fikir və ya mövqeyinizi yaxın ətrafınızdakı insanlara zorla qəbul etdirməyə çalışmayın.
Ciddi mövzu diqqətinizi çəkə bilər.
Balıqlar - Merkuri və Veneranın münasibətləri köhnə situasiya qarşı yeni reaksiyaya səbəb olacaq. Kəskin narazılıq, protest, şərtlərə tabe olmamaq və boyun əyməmək istəyi əqli imkanlarınızı səfərbər edəcək, problemin yeni həll yollarının aranması ilə nəticələcək.
Bacarıq və biliklərinizi reallaşdırmaq üçün yeni imkanlara ehtiyacınız olsa da, hələlik irəliyə doğru hərəkətinizə mane olan sədlər çoxdur. Çox yəqin ki, iki həftədən sonra bəzi fəaliyyət sahələrini korrektə edəcəksiniz. Hələlik isə şəraitdən maksimum dərəcədə faydalanmağa çalışın.
İnformasiya, mühüm məlumatı arayın, addımlarınızı planlaşdırın.
Şəxsi münasibətlərdə təşəbbüskar olun, tərəfdaşa təzyiq göstərməyin.
Elə edin ki, iş yoldaşınız, həmkarınız və ya tərəfdaşınız sizin ideyalarınızı öz fikri kimi qəbul etsin.
Siz bunu bacarırsınız.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
və ya öz adınz ilə sayta daxil olmağı məsləhət görürük.