Qoç - Haumea və Plutonun münasibətləri yaxın ətrafınızda olan insanların ehtiyaclarına, qayğılarına diqqətlə yanaşmağınızı tələb edir.
Unutmayın ki, yetim - valideynləri olmayan yox, əql və vicdanını unutmuş kəsdir. Sizə məsləhət üçün müraciət edənə yardım göstərin, həmin adam üçün psixoanalitik olun. Mübahisə etməyin, ətrafınızdakı insanları kənara itələməyin.
Qulaq asın, dinləyin, söhbətə qatılın.
Qarşılıqlı münasibətlərdə, xüsusilə də psixoloji çətinliklərin yaşandığı müstəvidə problemin həlli üçün yeni imkanlar yaranır. Müşkülün birbaşa və ya dolayı yolla həlli sizin üçün önəmli, maraq kəsb edən başqa münasibətlərə də sizi təşviq edəcək.

Buğa - Saturn və Sereranın münasibətləri maraqlı ideyalar, faydalı görüşlər vəd edir. İşdə tərəfdaşlıq, əməkdaşlıq və birgə işlə bağlı məsələləri yoluna qoyun. 
Şərik və ya tərəfdaşla həllini tələb edən məqamı nəzərdən keçirin.
Ünsiyyət və təmaslar harmonik olacaq. Günün uğurlu keçməsi üçün başlıca şərt tələskənliyə yol verməməkdir. Xüsusilə də ətrafınızdakı insanların dəyərləndirilməsi və tənqidində ehtiyatlı olun.
Romantik səciyyəli təhriklərə qapılmayın. Mühüm məsələləri axşama saxlamayın.
Axşam saatlarında hiss və istəklərinizdəki anlaşılmazlıq sizi narahat edə bilər.
Ən yaxşısı odur ki, sakit şəraitdə istirahət edəsiniz.

Əkizlər - Makemake və Neptunun münasibətləri hissiyyatı gücləndirir. Bir çox problemləri intuitiv hiss edə bilərsiniz. Aktivliyi səngidərək yaşananların önəmini anlamağa çalışsanız, həmin problemləri çözmək olar.
Evdə görüləsi çox iş var.
İstirahət, orqanizmin qayğısına qalmaq, xarici görkəminizi normal vəziyyətdə saxlamaq üçün vazt tapın. Çoxlu su, çay və ya şirə için.
Səhhətiniz üçün asan olmayan dövrdür. Bu gün bir qədər passiv çalışsanız, sonrakı günlərdə yaxşı işləyəcəksiniz. Axşam saatlarında gəzintiyə çıxa bilərsiniz.

Xərçəng - Venera və Merkurinin münasibətləri sizə uğurlu gün vəd edir. Yaradıcı yöndə istənilən iş, ictimai və mədəniyyət səciyyəli tədbirlərə qatılmaq, uşaqlarla ünsiyyət sizə ruh rahatlığı verəcək. Emosiyalarınızı sakitləşdirin, xoş təəssüratlar əldə edin.
Ailə üzvləriniz, qohumlarınız və sizə yaxın insanların işləri ilə maraqlanın. Sözlə kifayətlənməyin, əməli iş görün.
Təxəyyül, ideyalarınızdan bəhrələnə biləcəyiniz məşğuliyyət tapın.
Maliyyə vəsaitiniz imkan verərsə, alış-veriş üçün uğurlu gündür.
Axşam saatlarında qonaq gələ bilər.

Şir - Sinope və Pasifenin münasibətləri sizə gərgin gün vəd edir. Mühüm işlərə günün ilk yarısında başlayıb onları mümkün qədər tez qurtarmağa çalışın. Bu gün ünsiyyət dairənizi genişləndirərək yeni təəssüratlar qazana bilərsiniz.
Əksər işlərdə yoldaş, dost, tərəfdaş və iş yoldaşlarının dəstəyini almağa çalışın.
Gəzinti, səfərdə xeyir var.
Dəvət aldığınız tədbirlərə qatılın.
Evdə təmirə ehtiyac duyulan nəsnələri qaydaya salmaq üçün əlverişli gündür.

Qız - İor və Himaliyanın münasibətləri şəriklə tərəfdaşın dəstəklənməsini istəyir. Bu gün bütün mühüm məsələlər onların iştirakı ilə görüləcək. Hadisələrin inkişafı sizin dəstənin təşəbbüs və aktivliyindən asılıdır.
Əsas məsələ gərəkli şərait yaratmaq, əlaqələrdən bəhrələnmək, iş prosesini optimal şəkildə idarə etməkdir.
Dedi-qodu, qeybət və şayiələrə qatılmayın.
İşdə və evdə qayda yaradın, şəraiti rahatlaşdırın. Hisslərdə tələsməyin, fasilə edin, önəmi nisbətən az işlərlə də məşğul olun.
Axşam saatlarında emosiyaları sakitləşdirib gərginliyi azalda biləcək işləri planlaşdıra bilərsiniz.

Tərəzi - Lisiteya və Deymosun münasibətləri bu gün təşəxxüs, eqoizm, maraq və təkəbbürünüzü artıracaq. Düşünülməmiş addımlar atmayın. Tələsik qərarlar planlarınıza çox mənfi təsir edə bilər. Ehtiyatsızlıq ucbatından nəyisə korlaya bilərsiniz.
Tərəfdaş, iş yoldaşı və ya şərikin dediklərinə qulaq asın. Perspektivləri hərtərəfli təhlil edəndən sonra təmkinli qərarlar verin. Eqoizm və təkbaşına qərar vermək istəyi istənilən situasiyada yarımçıq həllə səbəb ola bilər.
Sizə yaxın insanların dəstəyini alın. Mühüm işə başlasanız, həmkar və ya şəriklə məsləhətləşin.

Əqrəb - Mimas və Tefeyanın münasibətləri bu gün sizə çoxlu iş vəd edir. Səhər saatlarından etibarən aktiv çalışmağa başlayın. Ani fikirlər, maraqlardan uzaq olun. Ambisiyalarınızı təmin etməklə yanaşı, maliyyə imkanlarınızı artıra biləcək məqsədi müəyyənləşdirin.
Daxili narazılıq hissi hadisələrin əlverişli fonu ilə müşayiət oluna bilər.
İşdə müəyyən məqamlar və hədəflərə nail olmaq üçün əlverişli vaxtdır. 
Şəxsi münasibətlərdə sizdən təşəbbüs və diqqət gözlənilir.
Qeyri-müəyyənliyi təzyiq yolu ilə aradan qaldırmağa, tərəfdaşdan cavaba və ya konkret fəaliyyətə nail olmağa çalışmayın.
Çevik, intuitiv hərəkət edin.

Oxatan - Erida və Uranın münasibətləri güclü təəssüratlara aludə olmamağı məsləhət bilir. Vaxtınızı sevdiyiniz insanla keçirin, nəticəsi sizə həzz və razılıq hiss verən işi görün.
Çoxdan bəri unutduğunuz insanı yada salın.
Evdə və işdə qayda yaradın. Vaxtı keçən, mənasını itirən, köhnələn hiss və əlaqələrdən, əşya və gözləntilərdən qurtulun. Sizi maraqlandıran suallara indi cavab ala bilərsiniz. Müxtəlif mənbələrdə məlumatalar arayın, yazışmanı bərpa edin.
Axşam saatlarında səhhətiniz üçün faydalı şəkildə dincəlməyə çalışın.

Oğlaq - Yupiter və Saturnun münasibətləri informasiya və xəbərlərlə yaxşı iş günü vəd edir. Fəaliyyətinizə yeni ideyalar əlavə edə bilərsiniz.
Təmaslar və əlaqələrin sayını artırın. Səfərə yollanmaq, tədbirlərə qatılmaq, məlumat axtarışı ilə məşğul olmaq üçün düşərli gündür.
Fiziki və emosional yüksəliş hiss edə bilərsiniz. Prioritetləri düzgün müəyyənləşdirin, enerjinizi yanlış istiqamətə yönəltməyin. Dostluq səviyyəsində ünsiyyət bu gün xoş keçəcək. 
Qəfil, gözlənilməz anlar ola bilər.

Dolça - Yer və Marsın münasibətləri təzyiq və sərt təsir olmadan davranmağınızı tələb edir. Qərarları müstəqil, muxtar şəkildə qəbul edin. Bəzi qərarları razılaşdırmaq məcburiyyəti yaranarsa, bu gün istənilən yaxşı işi korlaya biləcək emosional fonu nəzərə alın.
Fiziki iş ünsiyyətlə müqayisədə daha çox razılıq hissi yarada bilər.
Mübahisələrlə diskussiyalardan yayınmaq cəhdləri baş tutmayacaq.
Şəxsi münasibətlərdə aktiv maraq hissi yarana bilər. Amma əvvəlcədən nəzərdə tutulmuş davranış xəttindən kənara çıxmayın, yaxın insana daha çox vaxt və diqqət ayırın.
Axşam yaxşıca dincəlin. Maraqlı filmə baxın, fikrinizi dağıdın.
Ünsiyyəti bir qədər məhdudlaşdırmaq olar.

Balıqlar - Merkuri və Veneranın münasibətləri biliklərinizlə bacarıqlarınızı tam nümayiş etməyə imkan verəcək. Yaxın ətrafınızdakı insanlar sizdən təşəbbüs, təşkilatçılıq məharəti və ümumi məqsədlərə pozitiv münasibət gözləyirlər.
Əhvalınızda ciddi dəyişikliklər olacaq.
Səhhətlə bağlı problemlər yarana bilər.
Gün emosiyalarla boldur. Hiss və emosiyalarınızı işə yönəldin. Nəyisə təşkil edin, danışıqlar aparın, vasitəçilik edin. İşləsəniz də, həddən ziyadə yorulmayın.
Bir qədər dincəlin.
Köhnə dostlardan kimsə yenidən marağınıza səbəb ola bilər.