Meksikada bir tarlada 1100 il əvvəl qurban edilmiş insanlara aid kəllə sümükləri aşkarlanıb. Bu 150 nəfərin məhsulların bərəkətli olması və yağışın yağması üçün qurban kəsildiyi bildirilir.
Meksikanın mərkəzi bölgələrində tapılan sümüklərin Kolumbdan əvvəlki dövrə aid olduğu deyilir.
Arxeologiya qazıntılarına rəhbərlik edən Corciya Ştat Universitetindən arxeoloq Kristofer Morhart kəllə sümüklərinin paytaxt Mexikodan 50 kilometr aralıdakı bir məbəddən tapıldığını bildirib.
Morhartın sözlərinə görə, bu məbəd indiyə qədər Meksikada tapılan ən böyük insanı qurban kəsmə yeridir. Tapılan sümüklər karbon testindən keçirilib və onların 1100 il əvvələ aid olduğu aydınlaşıb.
Bu sümüklər Teotihuakan Krallığını əhatə edən su kanalıları tədqiq edilərkən tapılıb. Qazıntılar zamanı bölgədə su allahına aid heykəllər, tüstü qabları və s. tapılıb.
“Burada əkinçiliklə məşğul olan bir icmanın yaşadığını güman edirik. Məhsulların bərəkətli olması və yağışın yağması üçün insanları qurban kəsirmişlər”. – Morhart deyib.
”Latin American Antiquity” jurnalından çap olunan məqalədə bildirilib ki, tapılan sümüklərin böyük əksəriyyəti kişilərə məxsusdur.
Qeyd edək ki, Meksikada qurulan sirli dövlətlərdən biri olan Teotihuakan insanların qurban kəsilməsi kimi mərasimlər təşkil edən edən Asteklərdən min il əvvəl qurulub. Kolumbdan əvvəlki sivilizasiyaların bəziləri insan qanına kainata nizamverici bir qüvvə kimi baxır və qan axıtmaq üçün insanları qurban kəsirdilər.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.