Hadisə Nərimanov rayon ərazisində baş verib.

Bakıda mağazaya silahlı basqın olub.

Bu barədə Bakı şəhər Baş Polis İdarəsindən məlumat verilib. Hadisə dekabrın 9-da gecə saat 01:35 radələrində paytaxtın Nərimanov rayonu ərazisində baş verib. İki naməlum şəxs Atatürk prospektində yerləşən mağazalardan birinə basqın edərək orada gəhlə işləyən Sərraf Hüseynovu bıçaqla hədələyib mağazanı qarət ediblər. Hadisə nəticəsində onlar satıcının cibindən 75 manat götürüb hadisə yerindən qaçıblar. Nərimanov rayon Polis İdarəsinin 16-cı polis bölməsi əməkdaşlarının keçirdikləri əməliyyat nəticəsində oğurluğu törədən Nemət Mamedov və Vüsal Məcidov dekabrın 17-də saxlanılıb.

Bakıda avtobus qəzası: ölən var.

Hadisə nəticəsində 70 yaşlı qadın ölüb.

Bu gün səhər saatlarında Bakı-Sumqayıt yolunun 8-ci km-də Xırdalan qəbirsanlığı yaxınlığında piyadanın ölümü ilə nəticələnən yol qəzası baş verib. Yol Polisindən “Hyundai” markalı avtobus 70 yaşlarında şəxsiyyəti hələlik dəqiqləşdirilməyən qadını vurub. Qəza nəticəsində yaşlı qadın hadisə yerində ölüb. Faktla bağlı araşdırma aparılır.

Bakıda metro polisi öldü.

Bakıda minik avtomobili ilə yük maşını toqquşub.

Bakının Xətai rayonu ərazisində baş vermiş yol qəzasının təfərrüatları məlum olub. Rayon Polis İdarəsindən verilən məlumata görə, yol qəzasında dünyasını dəyişən polis polkovnik-leytenantıdır.

Dünyasını dəyişən şəxs Bakı metropolitenində polis şöbəsinin rəisi, polis polkovniki Əflatun Həsənovun şəxsi heyət üzrə köməkçisi, polis polkovnik-leytenantı, 45 yaşlı Mais Əhmədovdur.

Ötən gecə saat 01 radələrinə M.Əhmədov idarə etdiyi “Mercedes” markalı avtomobillə avtobanla hərəkətdə olarkən qəzaya uğrayıb. “Mercedes” idarəetmədən çıxaraq yolun əks istiqamətinə çıxıb və "Nova" markalı yük maşınına çırpılıb. Nəticədə M.Əhmədov ölüb, onun 25-30 yaşlı qadın sərnişini isə ağır xəsarət alıb.

 Yenə dəm qazı yenə faciə.

 Bakıda iki nəfər dəm qazından boğularaq ölüb.

 Bu barədə Suraxanı Rayon Polis İdarəsindən bildirilib.

Hadisələrdən biri rayonun Yeni Günəşli qəsəbəsi, “AB” yaşayış massivi, ev 54, mənzil 39 ünvanında qeydə alınıb. Həmin ünvanda yaşayan, 12 yaşlı Rahib Pərviz oğlu Nəbiyev yaşadığı evin hamamında dəm qazından boğularaq ölüb. R. Nəbiyev 6-cı sinifdə oxuyurmuş.

Bundan başqa, Suraxanı rayon sakini 58 yaşlı Bəhruz Daşdəmirov da yaşadığı evdə dəm qazından boğularaq ölüb.

Hər iki faktla bağlı araşdırma aparılır.