Qoç - bu gün müsbət təmayüllərin təsiri çox güclü olacaq. Başladığınız istənilən işdə uğurlara nail ola bilərsiniz.
Lakin öz emosiyalarınız, heç gərək olmayan məqamlarda sizi çulğayan hisslər maneələr yarada bilər.
Məhz emosiyalar və hisslər sizin üçün önəmli insanla danışıqlar zamanı dil tapmağa problemlər yaradacaq.
Çoxdan bəri gerçəkləşdirmək istədiyiniz planla bağlı müşküllər yaşana bilər.
Alış-verişdə ehtiyatlı olun, israfçılıq etməyin.
Maliyyə ilə bağlı problemlər yarana bilər. Amma bu müddət qısa olacaq.
Buğa - çox sadə, asan və xoş bir gündür. Yaşanan hadisələrin nə üçün baş verdiyini anlamağa çalışın, doğru davranış modeli seçin.
Qələbənizə həddən ziyadə əmin olaraq bu yaxınlara qədər sizin üçün önəmli və nüfuzlu olan insanların məsləhətləri ilə dediklərini qulaqardına vurmayın.
Gün çoxlu informasiya vəd edir. Həmin məlumatların hamısı xoş olmayacaq. Problemlərə göz yummayın. Çətinliklərdən qaçmaq sizə yaxşı heç nə vəd etmir.
Daha məsləhətli yol odur ki, problemləri dəf etmək və maneələrdən keçməyin yollarını fikirləşəsəniz.
Narahat olmayın, çıxış yolunu mütləq tapacaqsınız.
Əkizlər - bir qədər aktiv və təşəbbüskar olsanız, gün uğurlar vəd edəcək. Dünən çox güclü olan mənfi emosiyaların təsirinin izləri hələ də qalıb. Amma prinsipial baxımdan tam yeni işə başlamaq, hələ getmədiyiniz yolla addımlamaq həmin izləri, ümumiyyətlə, yox edə bilər.
Bu gün ailə üzvləri və yaxınlarınızla münasibətlərdəki soyuqluğu, sərinliyi aradan qaldıra bilərsiniz. Çox sərt və aqressiv olmayın.
Eyhamlar və işarələr pərdəsinin altında gerçək hisslərinizi gizlətməyin.
Xərçəng - səbrli olun. Bu gün yeni ideyalar və planların dönəmi olsa da, onları həyata keçirməyə tələsməyin. Tələskənlik başağrısı və problemlərdən savayı heç nə vəd etmir.
İfrat dərəcədə diqqət tələb etməyən işlərlə məşğul olmayın.
İşiniz hesabatların tərtibi və sənədləşdirmə ilə bağlıdırsa, hər şeyi iki dəfə yoxlamağa tənbəllik etməyin.
Tapşırıqların yerinə yetirilməsində, səfərlərdə ehtiyatlı olun. Maliyyə itkiləri və ya gecikmələrə səbəb ola biləcək problelər yarana bilər.
Hüquq-mühafizə orqanlarının mənsubları ilə məcburi təmaslar istisna deyil.
Şir - rəsmi olmayan ünsiyyət, istənilən qeyri-rəsmi görüşlər üçün əlverişli gündür. Hətta rəsmi danışıqlarda və işdə belə, səmimi, dostyana mühit yarada bilərsiniz,
Yaxın ətrafınızdakı insanlar sizinlə maraqlanacaqlar. Ehtiyatlı olun, bu maraq səmimi deyil. Kimə inanmalı olduğunuzu hissiyatınız xəbər verəcək.
İş yerini dəyişmək, təhsildə yeni mərhələyə başlamaq üçün əlverişli gündür. Dünyagörüşün artmasına səbəb olacaq istənilən biliklər xeyirlidir.
Ağıllı və savadlı insanla tanışlıq mümkündür. Ondan çox maraqlı nəsnələr öyrənəcəksiniz.
Qız - bu gün uğursuzluqlar dönəmidir. Yaxın ətrafınızdakı insanların sizə qarşı irəli sürdükləri tələblərə cavab vermək asan deyil.
İşdə həmkarlarınız və rəhbərliklə fikir ayrılığı, mübahisələr mümküdür.
Rəhbərlik sizi etimadı doğrultmamaqda suçlayacaq.
Maliyyə itkiləri istisna deyil.
Üstəlik, insanlara çox inandığınızdan zərərli ola biləcək vədlər verir, müqavilələr imzalayır, öhdəliklər götürürsünüz.
Ailə üzvləri və yaxınlarınızla bağlı xəbərlərə sevinəcəksiniz Şəxsi həyatınızda dəyişikliklər mümkündür.
Hadisələri tələsdirməyin. Hər şeyin öz məcrası ilə inkişafına mane olmayın.
Tərəzi - başlayanda uğur əldə edəcəyinizə əsla ümid etmədiyiniz işi bitirə bilərsiniz. İşdə həmkarlarınız və ya rəhbərliklə fikir ayrılıqlarına son qoymaq imkanları yaranıb. Kollektivdəki mövqelərinizi möhkəmlədə bilərsiniz
Gərəksiz risk etməyin, emosiyaların köləsinə çevrilməyin.
Bu gün istəklərinizin çoxu reallaşacaq.
Bir qədər gözləmək, səbr etmək yetər.
Romantik görüş, sevdiyiniz insanla istirahət üçün əla gündür.
Toy və ya ad günlərinə qatılmamağa çalışın. Dəvət olduğunuz yerə getsəniz, yorulacaqsınız, başağrısı başlayacaq.
Əqrəb - gün uğurlu alınacaq. Nailiyyətləri sıralamaq üçün bir qədər fəal olmağınız bəsdir. İşgüzar aktivlik səviyyənizi artırın.
Rəqibləri qabaqlayın, bədxahları üstələyin.
Alış-veriş, danışıqlar, razılaşmalar, anlaşmalar və müqavilələr üçün əlverişli gündür.
Öz işinizə başlaya bilərsiniz.
Bu gün ulduzların şəxsi həyatınıza təsiri çox güclüdür.
İstənilən anlaşılmazlığı asanlıqda aradan qaldırın. Son vaxtlar münaqişədə olduğunuz və ya danışdırmadığınız insanlarla münasibətləri normallaşdıra bilərsiniz.
Oxatan - bu gün tənbəl, astagəl olmayın. Əks təqdirdə günün yaratdığı bütün imkanları əldən verə bilərsiniz.
İşdə həmkarlarınız və ya şəriklərlə münasibətlərdə çətinliklər istisna deyil.
Yaxın ətrafınızdakı insanlar və tanışlar sizdən narazılıq edirlər.
Siz isə komplimentlər və tərifdən savayı, heç nə eşitmək istəmirsiniz?
Ailədəki problemləri sürətlə həll etmək imkanı yaranır. Fəqət, sizin metodlar yaxınlarınızın xoşuna gəlməyə bilər.
Sərt, aqressivsiniz.
Bahalı əşyanın sınması, sıradan çıxması və ya itməsi mümkündür.
Oğlaq - əla və məhsuldar gündür. Məqsədə nail olmaq, yaxud hədəfə çatmaq imkanları var. Heç nədən və heç kimdən qorxmayın. Doğrudur, yolda maneələr yarana bilər - amma ulduzlar o sədləri aşmaqda sizə yardım edəcəklər.
Çox sərfəli əməkdaşlığa başlaya bilərsiniz.
İş və problemləriniz barədə çox, ailə üzvləriniz və yaxınlarınız barədə az düşünürsünüz. İnciklik, anlaşılmazlıq istisna deyil. Problemlərdən yan qaçmaq istəyirsiniz? Sevdiyiniz insanlara diqqət yetirin.
Dolça - bu gün bədxahlarınız və sizi gözləri götürməyən yaramazlarla mübarizəyə başlayın. Onları tezliklə məğlub edərək pərişan vəziyyətə salmağa çalışın. Ambisioz istəklər və planlarınızı reallaşdıra bilərsiniz.
İşdə rəhbərliyə qarşı qiyama başlamaq olar.
Əvvəllər gördüyünüz işə görə mükafat və ya pul istisna olunmur.
Bir zamanlar məhsuldar əməkdaşlıq etdiyiniz insanlardan dəyərli hədiyyələr ala bilərsiniz.
Hər hansı formada riskdən, o cümlədən uzaq səfərlərdən uzaq durun. Alış-verişdə qənaətcil davranın, almağı nəzərdə tutmadığınız əşyaları almayın, bahalı əyləncələrə tamah salmayın.
Balıqlar - bu gün özünüzə elə tələ qura bilərsiniz ki, bədxahlarınız və düşmənlərinizə yalnız xısın-xısın gülərək sevinmək qalacaq.
Səbəb isə eqoizm, təşəxxüs, xudpəsəndlik və riskləri yetərincə dəyərləndirə bilməməyinizdir.
Soyuqqanlı, məntiqli olun, emosiyalara və tamaha uymayın.
İnsanlara inam və etibarınız ifrat olmasın.
Yaxın ətrafınızdakı insanların hamısını yaxşı və etibarıl saymayın. Bu hisslərin reallıqla heç bir əlaqəsi yoxdur.
Romantik münasibətə başlamaq olar. Lakin həmin münasibət sevincdən daha çox, qayğı və problemlər vəd edir.
Ailədə münaqişələr mümkündür.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
- Günün qoroskopu: [24.11.12]
- Günün qoroskopu: [03.12.12]
- Günün qoroskopu: [30.11.12]
- Günün qoroskopu: [27.11.12]
- Günün qoroskopu: [09.12.12]
Forumda son mövzu | Baxış | Cavab | Müəllif | Sonuncu |
İzləyicilər | (0): |
Ziyarətçilər | (36): |
Botlar | (1): |
Hal-hazırda saytda: 37 |
|