Qoç - Bu gün çətinliklər istisna deyil. Amma o problemlərin öhdəsindən asanlıqla və çox tez gələ bilərsiniz. Gün ərzində sizə yardım edə biləcək, işlərinizdə dəstək duracaq insanlarla xoş münasibətlər qurun, onları öz tərəfinizə çəkin. Təşkilati işləri vaxtında və tam başa vurun, liderlik keyfiyyətlərinizi nümayiş etdirin.
Ailədə mübahisə yarana bilər. Fikir ayrılığını aradan qaldırmaq üçün güzəştə gedin, ehtiyac yaranarsa, vasitəçilik də edin. Axşam saatlarına yaxın problemlərin əksəriyyətinin çözülməsinin yaratdığı yorğunluğu çıxarmaq üçün istirahət edin. Eyni zamanda, ehtiyacı olan yaxınlarınız və əzizlərinizə həyan olun.

Buğa - Bu gün əldə edilə biləcək ən kiçik uğurlar və nailiyyətlər belə, peşəkar karyeranızın inkişafında mühüm amillərə çevriləcək. İrəliləyişinizin məhvərini indidən yaradın, parlaq yolla irəliləməyə çalışın. Birgə layihələrə başlamaq üçün uğurlu gündür. Perspektiv saydığınız işə və ya layihəyə pul yatıra bilərsiniz.
Ailə üzvləri və ya qohumlarla münasibətlərdə sərinlik yarana bilər. Hətta sayğı bəslədiyiniz, hörmət etdiyiniz insanlar belə, sizi yoracaqlar. Problemin dərin köklərini aramayın. Sadəcə, yorulubsunuz. Bir qədər tək qalın, tənhalıqda istirahət edin.

Əkizlər - Qarşınızda ciddi sədlər və aşılmaz saydığınız maneələr yaransa da, onları keçməyə çalışın. Ünsiyyət, danışıqlar və təmaslar üçün əlverişli gündür. Yaxınlarınızı, həmkarlarınızı, dostlarınızı planlarınıza və niyyətlərinizə inandırın. Onların arasında birini və ya bir neçəsini layihənizə cəlb edə bilərsiniz.
Danışıqlar, anlaşmalar, kommersiya fəaliyyəti üçün uğurlu gündür.
Axşam saatlarında yaxın bildiyiniz insanlarla birgə istirahət edin. Sevdiyiniz adama hədiyyə verin. Bu hədiyyə münasibətlərinizə fayda ola bilər.

Xərçəng - Sakit, xoş, rahat bir gündür. İdeyalarınız çox olmasa da, başqalarının təşəbbüslərindən və ya ideyalarından bəhrələnərək həmin planları uğurla həyata keçirə bilərsiniz.
Təhsil üçün əla gündür. Fənn nə qədər mürəkkəb, verilən tapşırığı yerinə yetirmək üçün sərf etdiyiniz vaxt nə qədər çox olarsa, uğurlar da bir o qədər əhəmiyyətli olacaq.
Bütün problemləri həll edə bilməyəcəksiniz. Amma onların adi müzakirəsi belə, xeyirli olacaq. Öz problemlərinizi həll etməklə yanaşı, yaxın ətrafınızdakı insanlara da yardım edə bilərsiniz.
Qiymətli hədiyyə ala bilərsiniz. Zinət əşyaları almaq üçün münasib gündür.

Şir - Bu gün həyatınızın bütün sahələrində böyük dəyişikliklər və nailiyyətlərin təməli qoyula bilər. Ulduzlar sizi dəstəkləyir, bütün təşəbbüslərinizi qəbul edir. Sizdən tələb olunan isə ciddilik, qətiyyət və təcrübədən, bilikdən, məlumatlardan yararlanmaqdır.
Romantik münasibətin təməlini qoymaq istəsəniz, bilin ki, yaranacaq münasibət əvvəlki təmaslardan tam fərqli olacaq.
Sizə xas olmayan addımlar atmayın, eksperimentlərə aludə olmayın, riskə getməyin.
Gün ərzində əldə ediləcək təcrübə gələcəkdə karınıza gələ bilər.

Qız - Uğurlu davranış və xüsusilə də hadisələrin məqsədəuyğun axarı gün ərzində irəliləyişinizə səbəb ola bilər. Riskdən çəkinməyin, eksperimentlərdən yararlanın, yeni yollar arayın.
Bu gün birgə çalışacağınız insanlar ətraflarındakı şəxslərin düşündükləri təki sadəlövh deyillər.
Sadə və səmimi görünməyə çalışan, amma belə olmayan adamların mahiyyətini, batinini anlamağa çalışın. Son vaxtlara qədər bədxahlarınız arasında olan adam indi sizi dəstəkləyə bilər.
Yeni tanışlıq, çoxdan bəri görmədiyiniz insanla qarşılaşma mümkündür.
İfrat dərəcədə həssas olmayın, amma başqalarının laqeyd qaldığı hadisələri də görməməyə can atan adam olmayın.

Tərəzi - Maliyyə işlərində uğurlar mümkündür. Bu gün əldə edilən anlaşma, sövdələşmə və ya imzalanan müqavilələr xeyirli olacaq.
Əks cinsin mənsubu olan tərəfdaşla, yaxud da işinizin asılı olduğu adamla danışıqlar yaxşı ola bilər.
Yeni tanışlar sizi zahiri görkəminizə görə dəyərləndirəcəklər. Ona görə də mühüm görüşə yollananda bu məqamı unutmayın. Ekstravaqant addımlar atmayın.
Sizə çox yaxın insan qeyri-adi, gözlənilməz xəbərlə sevindirəcək. Planlarınızda müəyyən dəyişikliklər etməli olacaqsınız. Qıcıqlanmayın. Axşam saatlarında rahatlıqla istirahət edin.

Əqrəb - Maraqlandığınız işlə məşğul olmaq üçün sərfəli gündür. Praktik, praqmatik, ciddi olun. Kimsəyə imkan verməyin ki, sizi yoldan çıxarsın, məqsədə çatmağınızda əngəlləri sıralasın.
Söz-söhbət çox olacaq. Belə söhbətlər ifrat vaxt alacaq, amma mühüm informasiya yükünə malik olmayacaq. Söhbətlərdən yayınmayın və danışan adamlarda sizə gərəkli təəssüratı yaratmağa səy göstərin.
Şəxsi həyatda ciddi dəyişikliklər isisna deyil. Onlar hətta o qədər ciddi ola bilər ki, bütün başqa işləri unudarsınız. Başqa şəhərdə və ya çox uzaqda yaşayan qohumdan pis xəbər gələ bilər.

Oxatan - Qarşınızda yeni perspektivlər açılır və onları dəqiq, səhih dəyərləndirməyə can atın. Hisslərinizə inanın, hissiyyatınıza və ehtimallarınıza xor baxmayın. Bununla yanaşı, ətrafdakı insanların məsləhətlərini də qulaqardına vurmayın. Maliyyə məsələlərini həll etmək, əmlak bölgüsü ilə problemləri həll etmək olar.
Ailədə mübahisə, mənasız məqama görə dartışmalar mümkündür. Səhvlərinizi etiraf etməkdən çəkinməyin. Belədə, vəziyyətin sonradan mürəkkəbləşməsinin qarşısını ala bilərsiniz.
Mümkün qədər təmkinli olmağa çalışın.

Oğlaq - Bu gün başladığınız hər işi böyük müvəffəqiyyətlə başa vura bilərsiniz. Çətin problemlərin həllinə, mürəkkəb tapşırıqların həyata keçirilməsinə başlayın. Uğursuzluq və çətinliklərdən qorxmayın. İdeyalarınız yaxşıdır və ətrafınızdakı insanların da onları bəyənməsinə təəccüblənməyin. İşinizə dəstək verəcək insanlar, nüfuzlu hamilərin tapılması istisna deyil.
Gün qeyri-rəsmi şəraitdə ünsiyyət üçün çox əlverişlidir. Əvvəllər sırf işgüzar məcrada inkişaf edən münasibətlər indi romantik məziyyət ala bilər. Sənədlərlə iş düşündüyünüzdən də artıq vaxt ala bilər.

Dolça - İşgüzar təmaslar, əlaqələr, danışıqlar, sövdələşmələr və müqavilələr üçün əlverişli gündür. Təşkilati məsələlərin həllindən qaçmayın, onları həll edin.
Həllini gözləyən işlərin və yerinə yetiriləsi tapşırıqların çoxluğuna rəğmən, tələsməyin, soyuqqanlı olun, heç nəyi nəzərdən qaçırmayın, səhvlər buraxmayın.
Gəlir əldə edə bilərsiniz.
Ailədə sərt davranmayın. Hər şeyə, baş verən ən kiçik olaylara belə ifrat tənqidi yanaşmayın, sevimli insanların yanlışlıqlarını bağışlamağı bacarın. Ailə üzvləriniz tənqidlərinizdən usansalar, haqlı olacaqlar.

Balıqlar - Son vaxtlar xeyli qüvvə və güc sərf etdiyiniz işdə irəliləyiş ola bilər. Sizi narahat edən suala cavab almaq, az sonra gərəyiniz ola biləcək informasiyanı əldə etmək imkanı var.
İşgüzar tərəfdaşlarla, iş yoldaşları ilə münasibətlər çox yaxşı olacaq. Harmoniyaya nail olmaq üçün kompromis həllərə üstünlük verin.
Məhsuldar və ən başlıcası, sərfəli tərəfdaşlığa üstünlük verin.
Həyatınızda yeni mərhələ başlaya bilər. İrəliyə doğru hərəkətə mane olan hər şeydən uzaq olun. Köklü dəyişikliklər və yeniliklər uzaqda deyil.