Qoç - bu gün uğur əldə edəcəyiniz, tamamilə yeni işdə irəliləməyiniz mümkündür. Hissiyatınıza əsaslanın, etibarlı və yaxşı müttəfiqlər seçin, şübhəli təsir bağışlayan insanları yaxına buraxmayın. 

Diqqət, dəqiqlik tələb edən işlərlə məşğul olmaq olar.
Gün ərzində aktiv olun. İşlə ciddi məşğul olun, şəxsi həyatı hələlik unudun.
Yaxınlarınız və ailə üzvləriniz inciməyəcəklər. Onlar təşəbbüskarlığınız, enerjiniz, fəallığınızı təqdir edəcəklər.

Qohumlarınızın dəstəyinə və yardımlarına bel bağlaya bilərsiniz.

Buğa - asan olmayan, amma məhsuldar gündür.  Yaranmış problemlərə görə kefinizi pozmayın, bütün diqqəti onların çözülməsinə yönəldin. Bədxahlarınızın sizi yoldan sapdırmasına imkan verməyin.

Ən çətin vəziyyətlərdə belə emosiyaların və hisslərin məntiqi üstələməsinə imkan verməyin.
Soyuqqanlı olsanız, bu sizinlə yanaşı, yaxın ətrafınızdakı insanların xeyrinə olar.
Tərifə, təqdirə meylli olmayın. Sizə yaltaqlanmaq istəyən adam tapılacaq. Lakin ona inanmayın. Bəşər tarixi göstərir ki, yaltağa inanan sonda pərişan qalır.

Əgər yaltaqlar və bədxahlar yaranmış vəziyyətdən faydalanmağa, etibarınızdan sui-istifadə etməyə çalışsalar, onları dərhal ifşa edin.

Əkizlər - bu gün əvvəlcə danışacaq, sonra fikirləşəcəksiniz. Fikirlərinizlə ətrafdakıları yormayın, kimsənin xətrinə dəyməyin. 

Əzizləriniz, dostlarınız və hətta iş yoldaşlarınız belə anlayacaqlar ki, insanlar arasındakı münasibətlərdə səmimiyyət mütləq vacib olan şərtdir. 

Səmimi olsanız, qarşılıqlı və adekvat cavab alacaqsınız.
İşləyəndə də, istirahət edəndə də yaradıcı olun. Hər iki halda sizə yoldaşlıq etmək istəyənlər tapılacaq. 

Cəmiyyət üçün faydalı işlə də məşğul ola bilərsiniz. Dünyanın düzəlməsində sizin də əməyiniz ola bilər: niyə də yox?!

Xərçəng - bu gün hər şey əhval-ruhiyyənizdən asılı olacaq. Məhz emosional durumunuz həyatınıza hansı insanlar və hadisələrin daxil olacağını müəyyənləşdirəcək. Narahat, nigaran, təlaşlı fikirləri uzaq qovun. Sevinmək və əziz bildiyiniz insanları sevindirmək üçün ən kiçik imkandan belə, yararlanın.

Gələcəkə maksimal nikbinliklə baxın. Çünki perspektivdə qarşınızda maraqlı imkanlar yaranacaq.
Günün ikinci yarısında sakit olun, xəyalən özünüzü meditasiya edən insan kimi hiss edin.
İşdə həmkarlarınızı və yoldaşlarınızı sərt tənqid etməyin.

Onları tərifləməyə çalışın - layiq olmasalar belə...
Bu gün hər şey sizdən asılıdır.

Şir - bu gün baş verəcək hadisələr, yaşanacaq olaylar sizi bir qədər narahat edəcək. Çünki yaşananların adi qayğılar və işlər məhvərindən çıxdığını düşünəcəksiniz. Sağlam məntiqdən daha çox fantaziya, xəyallar və illüziyalara inanmayın. Yalnız görmək istədiyiniz mənzərəni görməyə çalışmayın.

Ağıllı məsləhət verə biləcək insanlar yanınızdadır. Onların sizə yardım etmək, arxa durmaq cəhdlərindən imtina etməyin. 

Ciddi, fəsadlarının aradan qaldırılması çox çətin səhvlər buraxmamağa çalışın. Əgər bu gün işlər istədiyiniz kimi getməsə, yaşananlara təsir edin, hadisələri daha əlverişli məcraya yönəldin.
Yalan danışmaq, hiyləgərlik etmək, ədalətsizlik etmək olmaz.

Qız -  bu gün yaxın ətrafınızdakı insanların, ailə üzvləri, yaxınlarınızın dəstəyinə xüsusi ehtiyacınız var. Yardım adacaqsınız, amma istədiyiniz həcmdə yox. Özünüzü tərifləməkdən çəkinməyin. Belədə əhvalınızı yaxşılaşdıra bilərsiniz. Müttəfiqləriniz və dostlarınızla diqqətli olun.

Onlara qarşı laqeyd davranmamağınız ümumi işlə yanaşı, münasibətlərinizə də müsbət təsir edəcək.
Sirli, mistik, müəmmalı nəsnələrə diqqətiniz artacaq. Lakin unutmayın ki, bütün bunların çox real, adi izahı var. 

Yeganə istisna sevdiyiniz insanla aranızda olan münasibətlərdir.
Axşam saatlarında normal istirahət əvəzinə gərgin saatlara üstünlük verməyin.

Tərəzi - işdəki həmkarlarınız və ya tanışlarınızın bacarmadıqları, öhdəsindən gəlmədikləri problemləri asanlıqla həll edirsiniz. 

Karyera pilləkəni ilə irəliləmək, qalxmaq imkanlarınız var. 
Yeni işgüzar təklif ala bilərsiniz ki, bu da qarşınızda yeni üfüqlər açacaq.
Uğurlarınız diqqətsiz qalmayacaq. İşdə sizə paxıllıq edənlərə fikir verməyin.

Ailə-məişət qayğılarını arasında ən mühüm olan məsələni həll edin və bu günün işini sabaha qoymayın.
Təxirəsalmaların əvvəli varsa, sonu olmur.

Əqrəb - gün uğurlu alınacaq, sevinc bəxş edəcək. 
İşdə qətiyyətli və effektiv addımlar təqdir olunmalıdır. Vaxtında qəbul edilmiş qərarla çox yaxşı nəticələrə nail olmaq mümkündür.

Anlaşma və danışıqlar müsbət sonucla başa çatacaq. Təmkinli olun, tələsməyin, hadisələrə süni təkan verməyə can atmayın.
Əvvəllər gördüyünüz işə görə mükafat və ya gəlir əldə edə bilərsiniz.

Ünsiyyətdə olacağınız insanlarla sərt danışmayın. Onların nöqsan və ya səhvləri olsa belə, hər şeyi tam aşkar və konkret söyləməyin. Həmişə və hər yerdə acı həqiqəti demək dostlarınızla müttəfiqlərinizin sayını çətin ki, artırsın. 

Ailəli olanlara axşam saatlarında uşaqlara daha çox diqqət ayırmaq, onları gəzintiyə çıxarmaq məsləhətdir.

Oxatan - bu gün istənilən maneəni dəf etmək gücünə maliksiniz. İşlərin sayı çox, həllini gözləyən problemlərin həcmi böyük olsa belə, yorulmayacaqsınız. 

Həyat potensialınız və məhsuldarlığınız az deyil.
Yaxın ətrafınızdakı insanlar, iş yoldaşları sizdən geri qalırlar.

Amma eqoist olmayın, ehtiyac yarandığı təqdirdə onlara yardım edin.
Bu gün görüləcək işlərin əksəriyyətinə görə ödəniş və ya mükafatı sonra alacaqsınız.
Rəhbərlik və nüfuzlu insanlarla anlaşma ehtimalı çox yüksəkdir.

Yaxınlarınız, ailə üzvlərinizlə münasibətləriniz əla olacaq.
Yaradıcılıqla məşğul olun. Axşam saatlarında isə doyunca əylənə bilərsiniz.

Oğlaq - bu gün yetərincə ağır və mürəkkəb olacaq. Ciddi səhvlərə yol verməməyə çalışın. Xoşagəlməz hadisələr, anlaşılmazlıqlar, yanlışlıqların yaşanması ehtimalı böyükdür. Bədxahlarınız bu gün xüsusilə məkrli və fəal olacaqlar.

Ona görə də etibarına şübhə etmədiyiniz, sadiq olduğuna əmin olduğunuz insanla çalışın.
Günün ikinci yarısında çoxdan bəri küsülü olduğunuz insanla münasibətlərin bərpası mümündür.
Ətrafdakı insanların həyatları və işləri ilə qədərindən artıq maraqlanmayın. Başqasının həyatına və işlərinə qarışmayın. Buna ehtiyac yoxdur. 

Bu gün borc almaq, kredit götürmək, maliyyə səciyyəli məsləhətlər vermək və belə məsləhətlərə riayət etmək gərək deyil.

Dolça - ciddi və məsuliyyətli iş üçün əlverişli gündür. Çətin, mürəkkəb iş sizi qorxutmasın: istənilən tapşırığın öhdəsində müvəffəqiyyətlə gələcəksiniz.

Günün ikinci yarısında iş yerini və ya təhsil aldığınız müəssisəni tərk etməli olacaqsınız. Bu işin nəticəsi gözləniləndən də yaxşı ola bilər.

Ümidlərinizin doğrulması şansı böyükdür.
Maraqlı, cazibədar təklif ala bilərsiniz.

Günün ikinci yarısında bir qədər yorulacaqsınız. Axşam saatlarında isə başağrısı yarana bilər. Buna görə də yatmazdan əvvəl bir qədər açıq havada olun.
Yatmağa yaxın yeməyin.

Balıqlar - gərgin, mürəkkəb gündür. Tələskənlik və qaçaqaç şəraitində özünüzü narahat hiss edəcəksiniz. Neqativ emosiyaların, ruh düşkünlüyünün əsiri olmayın.

Bütün diqqəti işə yönəldin. Çünki diqqətsiz olsanız, ciddi səhvlərə yol verə bilərsiniz.
Əvvəlki günlərlə müqayisədə yanlışlıqların sayını artırıb ətrafdakı insanlarda sizin haqqınızda mənfi rəyin formalaşmasına imkan verməyin.

Maliyyə itkiləri etməyin, bədxərcliyə qapılmayın. Bahalı əşya almayın, müqavilə imzalamayın.
Səfər, səyahət və ya gəzintini təxirə salın.
Axşam saatlarında günün yorğunluğunu çıxarın.