Azərbaycanda dəhşətli qəza: 3 nəfər həlak olub, 15 nəfər yaralanıb 

12:46

Daxili İşlər Nazirliyi Ağdaşda baş verən dəhşətli yol qəzası ilə bağlı məlumat yayıb. APA-nın nazirliyin saytına istinadən verdiyi məlumata görə, noyabrın 23-də saat 18:00 radələrində Ağdaş rayonunun Şıxlı kəndi ərazisində, rayon sakinləri Mürvət Əliyevin idarə etdiyi BMW markalı minik maşını Elbrus Əyyubovun idarə etdiyi "Mercedes" markalı mikroavtobusla toqquşub.
Nəticədə M.Əliyev və sərnişinlərindən Maarif Məmmədov, Azər Orucov hadisə yerində ölüblər. BMW-nin digər sərnişini, habelə Ə.Eyyubovun sərnişini isə xəstəxanaya yerləşdirilib, vəziyyətləri orta-ağırdır. 

08:19
Cümə günü Ağdaş rayonunda mikroavtobus minik maşını ilə toqquşub, nəticədə üç nəfər həlak olub, 15 nəfər isə xəsarət alıb.
Trend-in FHN-in rəsmi saytına istinadən verdiyi məlumata əsasən, Ağdaş-Mingəçevir yolunun 15-ci km-də Şıxı kəndi ərazisində Ağdaş-Mingəçevir marşurutu ilə hərəkət edən vətəndaşa məxsus "Mercedes" markalı mikroavtobusu "BMW" minik avtomobili ilə toqquşması nəticəsində yol-qəza hadisəsi baş verib. Nəticədə mikroavtobusun sürücüsü, mikroavtobusda olan 14 nəfər sərnişin və minik avtomobilində olan sərnişinlər müxtəlif bədən xəsarəti alıblar.
Yanğınsöndürən-xilasedicilər hadisə yerinə çatana kimi xəsarət alanlar təcili yardım xidməti və vətəndaşlar tərəfindən Ağdaş Rayon Mərkəzi Xəstəxanasına aparılıblar.
Minik avtomobilinin sürücüsü A. X. Orucov və avtomobildə olan sərnişinlər 1960-cı il təv. Məmmədov Maarif Möhsüm oğlu və 1967-ci il təv. Əliyev Mürvət Həmid oğlu aldığları ağır bədən xəsarətlərindən hadisə yerində vəfat ediblər.
Sıxılmış vəziyyətdə qalmış meyitlər yanğınsöndürən-xilasedicilər tərəfindən müxtəlif alətlərdən istifadə olunmaqla avtomobildən çıxarılaraq aidiyyatı üzrə təhvil verilib. Hadisə ilə əlaqədar müvafiq qurumlar tərəfindən təhqiqat aparılır. Əməliyyat 18.35-də başa çatıb.

Azərbaycanda yanacaqdaşıyan maşın qəzaya düşdü: ölən və yaralanan var

Milli.Az-a Fövqəladə Hallar Nazirliyinin saytına istinadən xəbər verir ki, hadisə Karrar kəndində Bakı-Qazax yolunun 158-ci kilometrliyində baş verib. 

“KAMAZ”  markalı yanacaqdaşıyan avtomobil və "SHACMAN" markalı yük avtomobili toqquşub. 

Nəticədə, “KAMAZ” markalı yük avtomobilin sürücüsü hadisə yerində ölüb, digər avtomobilin sürücüsü yaralanıb. Yaralı xəstəxanaya aparılıb. 

Yanğınsöndürən-xilasedicilər hadisə yerində müvafiq təhlükəsizlik tədbirləri görüblər. Əməliyyat  saat 05:10-da başa çatıb. Hadisə ilə əlaqədar müvafiq qurumlar tərəfindən təhqiqat aparılır.

Bu günün hava proqnozu

Milli.Az AzərTAc-a istinadən xəbər verir ki, Bakıda və Abşeron yarımadasında havanın dəyişkən buludlu olacağı gözlənilir. Noyabrın 23-dən 24-nə keçən gecə yarımadanın bəzi yerlərində çiskinli olacağı ehtimalı var.

Temperatur gecə 6-10 dərəcə, gündüz 10-14 dərəcə isti olacaq.

Bakıda gecə 7-9, gündüz 11-13 dərəcə isti olacaq.
Atmosfer təzyiqi normadan yüksək 767 millimetr civə sütunu təşkil edəcək, nisbi rütubət gecə 85-95 faiz, gündüz 65-75 faiz olacaq.
Naxçıvan Muxtar Respublikasında gecə və səhər bəzi yerlərdə az yağış yağacağı gözlənilir.
Temperaturun gecə 2-6, gündüz 10-15 dərəcə isti olacağı gözlənilir.
Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən, Gədəbəy rayonlarında bəzi yerlərdə duman, çiskin olacağı gözlənilir.
Temperaturun gecə 1 dərəcə şaxtadan 2 dərəcəyədək isti, gündüz 3-8 dərəcə isti olacağı gözlənilir.
Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl rayonlarında bəzi yerlərdə duman, çiskin olacaq.
Temperaturun gecə 5-8, gündüz 9-13 dərəcə isti olacağı gözlənilir.
Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən-Şabran, Quba-Qusar-Xaçmaz rayonlarında bəzi yerlərdə duman, çiskin olacaq.
Temperaturun gecə 1-5, gündüz 6-10 dərəcə isti, dağlarda gecə 4 dərəcə şaxtadan 1 dərəcəyədək, gündüz 1-5 dərəcə isti olacağı gözlənilir.
Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında bəzi yerlərdə duman, çiskin olacaq.
Temperaturun gecə 4-9, gündüz 10-14 dərəcə isti olacağı gözlənilir.
Masallı-Lənkəran-Astara-Lerik və Yardımlı rayonlarında bəzi yerlərdə yağış yağacağı gözlənilir. Səhər dağlarda duman olacaq.
Temperaturun gecə 5-10, gündüz 10-14 dərəcə, dağlarda gecə 0-4, gündüz 4-9 dərəcə isti olacağı gözlənilir.