Azərbaycanlı deputatın həyat yoldaşı və iki övladı həlak olub
İranın Şərqi Azərbaycan vilayətinin Qaradağ mahalının Vərzigan şəhərindən ölkə parlamentinə seçilmiş azərbaycanlı deputat Allahverdi Dehqan avtomobil qəzasına düşüb.
APA-nın məlumatına görə, hadisə noyabrın 21-də axşam saatlarında Zəncan-Təbriz yolunda baş verib. Qəza nəticəsində millət vəkilinin həyat yoldaşı, 15 yaşlı qızı və 12 yaşlı oğlu hadisə yerindəcə keçiniblər. A. Dehqan avtomobilini özü idarə edirmiş. Millət vəkilinin və 2 yaşlı oğlunun isə qəzada ağır yaralandığı bildirilir. Hər iki yaralı komada vəziyyətindədir, onlardan birinin vəziyyəti ağırdır.
Ağsuda ev partladı, ölənlər var
Azərbaycanın Ağsu rayonunda yaşayış evində partlayış olub.
Bu barədə Ağsu Rayon Prokurorluğundan bildirilib.
Hadisə rayonun Natəvan küçəsi, ev 1/1 ünvanında qeydə alınıb. Həmin ünvanda yerləşən yaşayış evinin hamamında baş verən partlayışa qaz sızması səbəb olub. Nəticədə orada yaşayan, 42 yaşlı Elşən Nuriyev ağır xəsarətlə xəstəxanaya yerləşdirilib. Həkimlərin səyinə baxmayaraq, onun xilas etmək mümkün olmayıb.
Faktla bağlı araşdırma aparılır.
Bakıda ticarət mərkəzi yandı
Bakıda böyük ticarət mərkəzlərindən birində yanğın olub.
Hadisə Bakı şəhəri, Sabunçu rayonunda hər mərtəbəsi 1500 kv.m olan üçmərtəbəli "Park Plus" ticarət mərkəzinin 2-ci mərtəbəsində yerləşən ümumi sahəsi 210 kv.m olan sağlamlıq mərkəzində qeydə alınıb. Mərkəzin saunasının taxta üzlüyü 12 kv.m sahədə, dəhlizin və 3 otağın tavanı 102 kv.m sahədə yanıb. Sağlamlıq mərkəzinin qalan hissəsi və digər kabinetlər yanğından mühafizə olunub. Yanğın yanğınsöndürənlər tərəfindən söndürülüb
Azərbaycanda yağış gözlənilir
Ekologiya və Təbii Sərvətlər Nazirliyi Milli Hidrometeorologiya Departamentindən Trend-ə bildiriblər ki, Bakıda və Abşeron yarımadasında noyabrın 23-də gün ərzində buludlu hava şəraitinin üstünlük təşkil edəcəyi, axşama doğru yarımadanın bəzi yerlərində çiskinli olacağı gözlənilir. Şimal-şərq küləyi əsəcək.
Havanın temperaturu gecə 6-9, gündüz 10-14 dərəcə isti olacaq.Azərbaycanın rayonlarında noyabrın 23-də bəzi yerlərdə duman, çiskin olacağı, cənub rayonlarında yağış yağacağı gözlənilir. Şərq küləyi əsəcək.Havanın temperaturu gecə 6-10, gündüz 10-15, dağlarda gecə 1 dərəcə şaxtadan 2 dərəcəyədək isti, gündüz 3-8 dərəcə isti olacaq.
Noyabrın 23-də Abşeron yarımadasının yüksək atmosfer təzyiqi sahəsinin təsiri altında olması və meteoroloji amillərin normal sutkalıq gedişi meteohəssas insanlar üçün əlverişlidir.
Noyabrın 24-25-də atmosfer təzyiqinin xeyli enməsi bəzi meteohəssas insanlarda diskomfort hissi yarada bilər.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
və ya öz adınz ilə sayta daxil olmağı məsləhət görürük.