Bakıda sərnişin avtobusu TIR-la toqquşdu, yaralılar var
Rayon Polis İdarəsindən Milli.Az-a verilən məlumata görə, bu gün səhər saatlarında Keşlə bazarının yaxınlığında 15 saylı sərnişin avtobusu ilə TIR toqquşub. Nəticədə avtobusda olan bir neçə sərnişin xəsarət alıb. Yaralılar təcili yardım maşınları ilə 1 saylı Şəhər Xəstəxanasına çatdırılıblar.
Xəstəxanadan Milli.Az-a bildirildi ki, qəza zamanı biri qadın, digəri kişi olmaqla iki yaralı gətirilmişdi. Hər iki yaralıya tibbi yardım göstərildikdən sonra ambulator müalicə təyin olunub.
16 yaşlı Bakı sakini bıçaqıandı
Bakının Suraxanı rayonunda qanlı hadisə baş verib. Anspress xəbər verir ki, hadisə zamanı Yeni Günəşli qəsəbəsi “D” massivi bina 9-da yaşayan 16 yaşlı Pırnaya Pərviz Aydın oğlu yaşadığı evin yaxınlığında naməlum şəxslər tərəfindən bıçaqlanıb. Çoxsaylı bıçaq xəsarətləri alan zərərçəkən hadisə şahidləri tərəfindən 3 saylı şəhər klinik xəstəxanasına çatdırılıb. Cərrahi əməliyyatdan sonra sol döş qəfəsindən bıçaq yaraları alan Pərvizin həyatını xilas etmək mümkün olub. Faktla bağlı isə dərhal Suraxanı Rayon Polis İdarəsi və 33-cü polis bölməsinə məlumat verilib. Hadisə ilə bağlı polislər hələlik zərərçəkənin izahatını ala bilməyiblər. Buna səbəb isə onun əməliyyatdan sonra hələlik özünə gəlməməsidir. Faktla bağlı Suraxanı Rayon Polis İdarəsində başlanan araşdırmalardan sonra 16 yaşlı Pərviz Pırnayanın hansı səbəbdən və kim tərəfindən bıçaqlandığına aydınlıq gətiriləcək
Bu günün hava proqnozu
Milli.Az AzərTAc-a istinadən xəbər verir ki, Bakıda və Abşeron yarımadasında tutqun hava şəraitinin üstünlük təşkil edəcəyi, yarımadanın bəzi yerlərində çiskinli olacağı gözlənilir.
Temperatur gecə 8-11, gündüz 11-14 dərəcə isti olacaq.
Bakıda gecə 9-11, gündüz 12-14 dərəcə isti olacaq.
Atmosfer təzyiqi normadan yüksək 769 millimetr civə sütunu təşkil edəcək, nisbi rütubət gecə 85-95 faiz , gündüz 65-75 faiz olacaq.
Naxçıvan Muxtar Respublikasında hava, əsasən, yağmursuz keçəcək. Gecə və səhər bəzi yerlərdə zəif duman, çiskin olacaq.
Temperaturun gecə 2-7, gündüz 9-14 dərəcə isti olacağı gözlənilir.
Yuxarı Qarabağ: Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən, Gədəbəy rayonlarında bəzi yerlərdə duman, çiskin olacağı gözlənilir.
Temperaturun gecə 0-4 dərəcə, gündüz 4-9 dərəcə isti olacağı gözlənilir.
Qazax-Gəncə, Goranboy, Tərtər-Ağdam-Ağcabədi-Füzuli-Cəbrayıl rayonlarında hava, əsasən, yağmursuz keçəcək. Gecə və səhər bəzi yerlərdə duman, çiskin olacaq.
Temperaturun gecə 6-10 dərəcə, gündüz 10-14 dərəcə isti olacağı gözlənilir.
Balakən-Zaqatala-Qax-Şəki-Oğuz-Qəbələ, İsmayıllı-Şamaxı-Ağsu-Xızı, Siyəzən-Şabran, Quba-Qusar-Xaçmaz rayonlarında bəzi yerlərdə duman, çiskin olacağı gözlənilir.
Temperaturun gecə 4-8, gündüz 8-13 dərəcə isti, dağlarda gecə 0-4 gündüz 3-8 dərəcə isti olacağı gözlənilir.
Mərkəzi-Aran: Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında hava, əsasən, yağmursuz keçəcək. Gecə və səhər bəzi yerlərdə duman, çiskin olacaq.
Temperaturun gecə 6-11 dərəcə, gündüz 12-17 dərəcə isti olacağı gözlənilir.
Masallı-Lənkəran-Astara-Lerik və Yardımlı rayonlarında bəzi yerlərdə yağış yağacağı gözlənilir. Səhər dağlarda duman olacaq.
Temperaturun gecə 8-11, gündüz 12-16 dərəcə, dağlarda gecə 1-5 dərəcə isti, gündüz 8-12 dərəcə isti olacağı gözlənilir.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.
- Bu gün qar yağacağı gözlənilir
- Bu günə olan son xəbərlər..[HADİSƏ]
- 30 dərəcə isti olacaq
- Sabah 24 dərəcə isti olacaq
- Bu günə olan Son xəbərlər
Forumda son mövzu | Baxış | Cavab | Müəllif | Sonuncu |
İzləyicilər | (0): |
Ziyarətçilər | (35): |
Botlar | (3): |
Hal-hazırda saytda: 38 |
|