Bakıda piyadanı vurub qaçmış şəxslər həbs edildilər

Bakı Şəhər Baş Polis İdarəsindən (BŞBPİ) Milli.Az-a verilən məlumata görə, oktyabrın 7-si saat 03:50 radələrində Bakı-Mərdəkan şossesində naməlum avtomobil Cəlilab

ad rayon sakini Fuad Ağayevi vurub. Nəticədə piyada aldığı xəsarətlər nəticəsində hadisə yerində ölüb. 

BŞBPİ cinayət-axtarış idarəsi əməkdaşlarının keçirdikləri əməliyyat tədbirləri nəticəsində müəyyən edilib ki, F.Ağayev “Qazel” markalı avtomobillə vurulub. Bundan başqa, həmin vaxt sükan arxasında Abşeron rayon sakini Elçin Cabbarovun olduğu, avtomobilin sahibi Binə qəsəbə sakini Qabil Hüseynovun isə onun yanında əyləşdiyi müəyyənləşib. Hər iki şəxs polis əməkdaşları tərəfindən yaxalanıb.

Azərbaycanda ağır qəza: 2 ölü, 2 yaralı

Milli.Az “Qafqazinfo”ya istinadən xəbər verir ki, Ağcabədi-Ağdam yolunun 7-ci km-də baş verən qəzada iki nəfər ölüb, iki nəfər isə yaralanıb. 

Belə ki, Hacıbədəlli kənd sakini 1987-ci il təvəllüdlü Muradov Sahib İnqilab oğlu idarə etdiyi "VAZ-21015" markalı 90 NM 389 dövlət nömrə nişanlı avtomobili ilə yağışlı yoldan yoldan çıxaraq ağaca dəyib. Avtomobildə 4 nəfər olub və hamısı da Hacıbədəlli kənd sakinləri olub. 

Artıq avtomobildə olan sərnişinlərin adları da açıqlanıb. Kəndin icra nümayəndəsinin müavini Məhərrəmzadə Elvin Əkbər oğluvə Qasımov Arif Cümşüd oğlu ölüblər. Digər iki nəfər Murtuzov Hüseyn və Muradov Sahib isə yaralanıblar. 

Yaralılar rayon xəstəxanasına yerləşdiriliblər, vəziyyətləri orta ağır qiymətləndirilir. 

Artıq Ağcabədi Rayon Prokurorluğunda 263.3 maddəsi ilə cinayət işi açılıb.

Azərbaycan Ordusunun əsgəri yaralandı

Müdafiə Nazirliyinin mətbuat xidmətindən  verilən məlumata görə, Füzuli rayonunun Qaraxanbəyli kəndi yaxınlığında əsgər 19 yaşlı Mahir Tahir oğlu Zərbiyev minaya düşüb. Əsgər ayağından yaralanıb və hospitala yerləşdirilib.

Zərbiyev ötən il Yardımlı rayonundan hərbi xidmətə çağırılıb/

Azərbaycanda hava müjdəsi

Ekologiya və Təbii Sərvətlər Nazirliyinin mətbuat xidmətindən çərşənbə günü verilən məlumata görə, Bakıda və Abşeron yarımadasında noyabrın 15-də buludlu hava şəraitinin üstünlük təşkil edəcəyi, yarımadanın bəzi yerlərində yağış yağacağı gözlənilir. Arabir güclənən şimal-qərb, şimal küləyi axşam mülayimləşəcək.

Havanın temperaturu gecə 6-9, gündüz 9-14 dərəcə isti təşkil edəcək.

Azərbaycanın rayonlarında noyabrın 15-də bəzi yerlərdə yağış yağacağı, gündüz qərb rayonlarından başlayaraq yağıntıların tədricən kəsiləcəyi gözlənilir. Qərb küləyi əsəcək.

Havanın temperaturu gecə 5-9, gündüz 9-14, dağlarda gecə 2 dərəcə şaxtadan 3 dərəcəyədək isti, gündüz 4-9 dərəcə isti olacağı gözlənilir.

Noyabrın 15-də Abşeron yarımadasında buludlu, rütubətli və küləkli hava şəraiti meteohəssas insanlarda diskomfort hissi yaratsa da, noyabrın 16-17-də oksigenlə daha zəngin və təmiz havaların üstünlüyü, meteoroloji amillərin zəif və mülayim tərəddüdü meteohəssas insanlar üçün əsasən əlverişlidir.