Qoç - işlərdə daimilik və mətinlik tələb edən gündür. Dostlar və tanışların yardımlarından imtina etməyin, əks təqdirdə başladığınız işlər yarımçıq qala bilər.

Yeni işə, yeni layihəyə başlamayın. Sədlər və maneələrlə qarşılaşa bilərsiniz.
Ünsiyyətə can atırsınızsa, səbrli olun və axşam saatlarını gözləyin.

Məhz bu vaxt romantik təklif və çox maraqlı xəbər ala bilərsiniz.

Buğa - bir qədər əvvəl başladığınız işləri başa vurmaq üçün uğurlu gündür. Yetərincə təmkin və qətiyyət nümayiş etdiribsinizsə, mövqeləriniz zəifləməyəcək - əksinə, daha da güclənəcək.

Məslən, rəqiblə sakit qarşıdurma bərabərlkilə başa çatacaq və kimsəyə zərər verməyəcək.
Əgər daimi tərəfdaş və ya dostunuzla münasibətləriniz çat veribsə, vəziyyəti təhlil edin, gərəkli nəticələrə varın. Bunu kimsə sizin əvəzinizə edəsi deyil.

Günün sonuna yaxın, axşam saatlarında şübhəli qərarlar qəbul etməyin.
Yarıyuxulu, yorğun vəziyyətdə heç nə etməyin.

Əkizlər - səhər saatlarında və günorta işlərinizi təkbaşına görün. Bu zaman aktivliyiniz çox olmasa da, fəal işlərə qatılmayın. Məhsuldarlıq yüksək olmayacaq.

Gündəlik, rutin işlərlə məşğul olun. Başlanmış işləri başa vurun, yeni hadisələrə hazırlaşın. Bu gün intriqa və ya şübhəli yazışmaya cəlb olunmağınız istisna deyil. Qəribə yerdə, qeyri-adi şəraitdə də ola bilərsiniz.

Fikriniz dağınıq olmasın. Gərəksiz xülyalara dalmayın, şübhəli adamlarla əlaqələr qurmayın.

Xərçəng - gün ərzində ağıllı, təmkinli, səbrli olun, başlanan işləri səbrlə başa vurun. Gələcəklə bağlı fikirlərə dalmayın. Maliyyə və əmlak məsələləri ilə bağlı problemlər ola bilər. Həmin problemləri uğurla həll etdiyinizi düşünsəniz də, belə deyil.

Axşam saatlarında gərginlik və nigaranlıq yarana bilər.

Sizə qəfil zəng, ya da elektron poçtla məktub gələcək. Gələn məlumatın zarafat olmadığına əmin olun.

Şir - bu gün çox qətiyyətli və inadkarsınız. Çoxdan bəri sizi narahat edən problemi bilmərrə həll etmək üçün bütün vasitələri işə salın. Axşam saatlarında bir qədər dincəlin. İstirahət sizə qüvvələri bərpa etmək, yeni işlərə hazırlaşmaq üçün gərəkdir.

Günün sonunda telefonla rahat danışmaq, virtual dostlarla təmasda olmaq, dostlarla şam yeməyinə qatılmaq olar.

Rahat yatmaq üçün xəyallara dalın, sentimental filmə baxın, ya da gözəl musiqini dinləyin.

Qız - gün ərzində davranış və hərəkətlərinizin standart modelindən kənara çıxmayın. Bu gün işləri başa vurmaq, kiminləsə maliyyə haqq-hesabı çəkmək üçün əlverişlidir.

Axşam saatları romantik olsa da, sakit deyil. Təhlükəli şərait, intriqalar, şübhələr, yalanlar, boş ideyalar istisna deyil.

Reallıqla əlaqəni itirməyin. Real və virtual əlaqələrdə özünüzə sərt nəzarəti itirməyin.

Tərəzi - gün ərzində maliyyə və maddi problemlərinin, biznes və tərəfdaşlıq münasibətlərinizin, iş və təhsildəki məsələlərinizin əsiri olacaqsınız. Dostlarınızla söhbətləşmək, dincəlmək istəsəniz də, alınmayacaq.

Maraqlı ideyalar və fikirlər üçün axşam saatlarını gözləyin.
Axşam saatlarında başlayan görüş və ya söhbət gecədən xeyli keçmişə qədər davam edə bilər.

Romantik təmaslar, sosial şəbəkələrdə ünsiyyət, ədəbi əsər oxumaq üçün yaxşı vaxtdır.

Əqrəb - səhər saatlarından axşama qədər inadkar olacaqsınız. Bununla yanaşı, ətrafdakı insanların, dost və tərəfdaşların valideynlərin fikirləri ciddi maraqlandıracaq. Şərait və ya əhvalın ciddi dəyişikliyi yalnız axşam saatlarında olacaq.

Axşam saatlarında daha asudə, söhbətcanlı, aktiv olacaqsınız.
Yenilik, gözəllik, macəra axtarışları sizi macəralara sövq edəcək.

Reallıqda olmasa da, virtual aləmdə məqsədinizə çatmağa çalışacaqsınız.

Oxatan - səhər saatlarından etibarən dəqiq, zəhmətkeş, çalışqan olun. İş yerində rəhbərlik sizdən məhz bu məziyyətləri tələb edəcək.

Gün ərzində fikrinizi ikinci dərəcəli məsələlərə yayındırmayın.
Axşam saatlarında bir qədər dincələ biləcəksiniz.

Dostlarla təmaslar, ya da internetdə vaxt keçirmək üçün əlverişli zamandır.
Lakin ehtiyatlı olun: ikiüzlü adam etibarınızdan sui-istifadə edərək sizi aldada bilər.

Həmin adamın əlində muma çevrilmək, bunu hiss etməmək qədər aciz qalmamaq üçün sərvaxt olun.

Oğlaq - bu gün "qaçdı-qovdu" ilə məşğul olmayın, tələsməyin. Həyat öz axarı ilə davam etsin. Sərt rejimə ehtiyac yoxdur. Yaradıcılıqla məşğul olanlar yeni layihələrini, biznes və ya istehsalatda çalışanlar isə həmişəki işlərini gerçəkləşdirə bilərlər.

Yaxın ətrafınızdakı insanların davranışı və ya sözləri sizdə qıcıq yaratmasın. Hər şeyi gülərüzlə, yumor hissi ilə qarşılayın.

Baş verənlər sizi sinirləndirməyə başlayanda kənara çəkilin.
Kənar müşahidəçi mövqeyi tutun.

Dolça - gün ərzində fəaliyyətinizi bütünlüklə həyat bazasının möhkəmlənməsinə yönəldin. Yorulsanız, evdən savayı yaxşı istirahət məkanı olmadığını bilin.

Axşam saatları əhvalınızın hansı səviyyədə və vəziyyətdə olmasının əla testi olacaq. Bu zaman təmaslarda və baş verənlərdə romantik heç nə tapmasanız, deməli, baş verənləri görmürsünüz.
Bədbinlik və ruh düşkünlüyündən mütləq şəkildə qurtulun.

Axşam saatlarında iş barədə düşünməyin, dostlarla daha çox ünsiyyətdə olun.

Balıqlar - səhər saatlarında yeni xəbərlər gözləməyin. Gün ərzində hissiyat və təhtəlşüurunuzu işə salın. Gizli istəkləriniz və fikirlərinizin faş olmaması üçün konkret addımlar atın, yüz ölçüb, bir biçin.

Dostların və tanışların əhatəsində bir qədər dincələ bilərsiniz.

Evdən, ailədən uzaqsınızsa, izafi avantürizm, gərəksiz illüsiyalardan və istənilən formada vədlərdən uzaq durun.