Qoç - bu gün ünsiyyətlər və təmaslar bol olacaq. Müttəfiq axtarışı ilə bağlı problemlər yaranmayacaq: yaxın adamlarınızdan hər biri sizə yardım etməyə hazırdır. Lakin unutmayın ki, bu gün sizə yardım təklif edənlərin hamısı səmimi deyil. Sizin inamınız və etibarınızdan sui-istifadə etmək istəyənlər yetərincədir.
Diqqətli olun. İşgüzar danışıqlar uğurla başa çatacaq. Potensial iş yerinin sahibi və ya rəhbəri ilə söhbət də pis alınmayacaq. Seminar, konfranslar, toplantılara qatılmaq əlverişlidir.
Buğa - əqli əməklə məşğul olan insanlar üçün uğurlu gündür. Qarşınıza qoyulan mürəkkəb tapşırıqlar və məsələlərin öhdəsindən gələcəksiniz. Ətrafdakılar sizi dərhal anlamasalar da, səbrli olun, emosiyalara uymayın. Hətta bəzi məsələləri dəfələrlə izah etməli olsanız da, təmkinli davranın.
Danışıqlar aparmaq üçün pis gün deyil. Ehtiyatlı olun. Sirr saxlamaq istədiyiniz informasiyanı sizdən almaq istəyirlər.
Evdəki problemləri sürətlə həll edəcək, məişət qayğılarının öhdəsindən gələcəksiniz. Qonaq qəbul etmək üçün əlverişli gündür.
Əkizlər - hər şeydə nizama diqqət yetirmək vacibdir. İstənilən formada səliqəsizliyiniz, laqeydliyiniz və etinasızlığınız bədxahlarınızın xeyrinə olacaq. Çoxdan həll etdiyinizi saydığınız problemlər bu gün üzə çıxa bidər. Başqalarına həvalə etdiyiniz işlərlə özünüzün məşğul olmağınız gərəkə bilər.
Qərarlar və davranışda ehtiyatlı olun. Mürəkkəb münasibətlərdə olduğunuz insanlarla görüşə bilərsiniz. Bu gün onlarla dil tapmağınız istisna deyil.
Maliyyə baxımından gəlir ola bilər.
Xərçəng - enerji və qətiyyət bu gün qarşınıza qoyduğunuz məqsədlərə çatmaqda sizə yardımçı olacaqlar. Tənbəllik etməyin. Gün sanki sizin usanmadan zəhmət çəkməyiniz üçündür.
Zəhmətinizin bəhrəsi sizi çox gözlətməyəcək və gözləntilərinizdən də artıq olacaq. İşdə rəhbərliklə aranızdakı münaqişələr sizin üçün sərfəli şərtlərlə çözülə bilər.
Şəxsi həyatınızda müsbət dəyişikliklər ehtimalı az deyil. Ünsiyyət dairəniz genişlənəcək, yeni tanışlıqlar olacaq.
Yeniyetmələr və uşaqlarla tez dil tapacaqsınız.
Şir - çalışdığınız adamların rəğbətini qazanacaqsınız. Hətta bu yaxınlara qədər sizə pis münasibət bəsləyən adamlar belə, tərəfinizi tutacaq.
Geniş miqyaslı layihələrin reallaşdırılmasına başlamaq olar. Çətin işlərdən çəkinməyin - onları asanlıqla həll edəcəksiniz. Sərfəli anlaşmalar mümkündür.
Bu gün sizi kimsə aldada bilməyəcək. Əksinə, siz kiçik hiyləgərliklərə əl atacaqsınız. Səfərə çıxmaq olar.
Amma tənha, təkbaşına olmayın.
Qız - gün qeyri-adi olacaq və yaşanan proseslərdə sizin də əməyiniz yer alacaq. Yeni layihələr uğur gətirəcək.
Əvvəlki layihələri və işləri isə sonadək başa vura bilməyəcəksiniz. Səbrli, soyuqqanlı olun. Kiçik təxirəsalmalar ciddi problem deyil. Ətrafı diqqətlə müşahidə edin, başqalarının sezə bilmədiyi hadisə və faktlara fikir verin.
Beləcə, bədxahlarınızı üstələyə bilərsiniz.
Yaxın adamlarınıza yardım edin. Mümkünsə, xeyriyyəçilik edin. Yeni tanışlıqlar alına bilər. Romantik təmaslar istisna deyil.
Tərəzi - gün şəxsi problemlərin həlli və daxili maneələrin aşılması ilə bağlıdır. Emosiyalarınıza hakim olun.
Davranışınızda isə sırf soyuq məntiq və ağıla istinad edin. Belə olarsa, bir çox problemləri yaşamaqdan qurtula bilərsiniz.
Maliyyə baxımından əlverişli gündür. Sərfəli anlaşmaların əldə edilməsi istisna deyil.
Həmkarlarınız və tanışlarınızla ünsiyyətdə inadkarlıq etməyin. Münaqişələr yaratmayın, bütün anlaşılmazlıqları danışıqlarla həll edin.
Əqrəb - ünsiyyət üçün çox uğurlu gündür. Xeyli yeni məlumat alacaqsınız və onların arasında indiyədək sizdən gizlətməyə çalışılan informasiya da olacaq.
Qəti qərarlar qəbul edə bilərsiniz - onlar yanlış olmayacaq. Maraqlı işgüzar təkliflər alacaqsınız. İşdə karyera baxımından irəliləyiş mümkündür. Sövdələşmələr pis alınmayacaq.
Ailə üzvləriniz və dostlarınızla bağlı yaxşı xəbərlər alacaqsınız. Şəxsi həyatda müsbət dəyişikliklər mümkündür. Cəsarətli, təşəbbüskar olun. Bu, həm sizə, həm də yaxın ətrafınıza xeyirdir.
Oxatan - fantaziyanız sərhəd tanımır. Bu gün çoxlu yeni və maraqlı ideyalarınız olacaq. Yanınızdakılar darıxmayacaqlar. Ətrafdakıları heyrətlənmək istedadınız yaxınlarınızı təəccübləndirəcək.
Rəqiblər addımlarınızı təhlil edənə qədər məqsədlərinizə çatmağa, onları qabaqlamağa çalışın.
Alış-veriş üçün əlverişli gündür. Təsadüflərə diqqət yetirin, çünki taleyiniz bu minvalla sizə doğru qərarla bağlı işarə verir.
Oğlaq - bu gün qəfil, gözlənilməz hadisələrlə zəngin olacaq. Ciddi qərarlar qəbul etməyə tələsməyin, çünki baş verənləri dəqiq qiymətləndirmək üçün yetərincə informasiyanız yoxdur.
Köhnə bədxahlarınızdan biri sizi aldatmaq və yanlış məlumatlarla yoldan sapdırmaq istəyir. Etibarınızdan sui-istifadəyə can atan bu adamı ifşa edin.
Günün ikinci yarısı təmaslar, yeni tanışlıqlar üçün əlverişli vaxtdır. Mühüm məsələləri müzakirə etmək, güzəştlər aramaq mümkündür. Alış-verişə can atmayın.
Xərcləri minimuma endirin.
Dolça - ehtiyatlı, soyuqqanlı olun. Problem və anlaşılmazlıqlara can atmayın. Bu gün sizə əla məsləhətlər verəcəklər.
Həmin məsləhətlərə qulaq assanız, çox razı qalacaqsınız.
Problemlərin öhdəsindən istədiyiniz formada gələ bilməsəniz də, uğur əldə edəcəksiniz.
Kiməsə aşiq olduğunuzu düşünürsünüzsə, hissləriniz sizi yanıldır. Romantik təmaslar və hətta nikah vədi mümkündür.
Yaxın adamlarınıza diqqət ayırın. Bu gün onların sizin dəstəyinizə ehtiyacı var.
Balıqlar - həm iş, həm də əyləncə üçün ən əlverişli günlərdən biridir. Özünüz yaratmasanız, ciddi problemləriniz olmayacaq.
Qısamüddətli səfər, şərait dəyişiklikliyi mümkündür. Gün yeniliklərlə bağlıdır. Həmin yeniliklər sizi ilk əvvəl qıcıqlandıracaq, amma sonra onlara alışacaqsınız.
Maliyyə məsələləri ilə bağlı qərar qəbul edəndə tələsməyin. Bu gün xüsusilə diqqətli olmalısınız.
Günün ikinci yarısında hədiyyə ala bilərsiniz. Sürpriz də istisna deyil.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.