Qoç - bu gün hazır olmadığınız dəyişikliklər, qəfil hadisələr olacaq. Lakin narahat olmayın və təmkinli davranın. Səbrli olsanız, hər şey istədiyiniz kimi olacaq.
Yeni layihələrə başlamağa tələsməyin. Əvəzində çoxdan başladığınız işləri başa vurun, sonra isə bir qədər dincəlin. İfrat yük və zəhmət zərərlidir.
Günün ikinci yarısı qonaq qəbul etmək üçün yaxşı vaxtdır. Mühüm saydığınız məsələləri dostlarla müzakirə edin. Maraqlandığınız məsələlərə gözlənilməz cavablar alacaqsınız. Alış-verişi şər qarışana qədər edin.
Buğa - ətrafınızdakı insanlar sizdən çox işlər tələb edirlər və siz də kimsəni pərişan etməmək üçün çalışırsınız. Gün sizi yetərincə yorsa da, məhsuldar olacaq. Artıq tanış olan işlərlə yanaşı, yeni problemlərin də öhdəsindən gələcəksiniz.
Təcrübə mübadiləsi üçün yaxşı gündür.
Gəlir əldə edə bilərsiniz. Layihəniz kimisə maraqlandıra bilər.
Arzularınızı reallaşdırmaq üçün təşəbbüs göstərir, ilk addımı atın.
Əkizlər - təmaslar, ünsiyyət və əməkdaşlıq üçün əlverişli gündür. İstənilən adamla anlaşacaq, gərəkli sözləri tapacaqsınız. Yeni müttəfiqlər və dostlar tapa bilərsiniz. Amma unutmayın ki, onlar sizdən lider keyfiyyətləri, dəstək və nikbinlik gözləyirlər.
Yeni tərəfdaşlarla əlaqələr, qısamüddətli səfərin üçün əlverişli gündür. Dəyişikliklərdən qorxmayın, onlara can atın. Belədə qarşınızda yeni imkanların qapıları açılacaq. Şansı əldən verməyin.
Xərçəng - sizə yardım etmək iqtidarında olan və bunu istəyən adamları tapsanız, bu gün işləriniz rəvan olacaq. İşgüzar danışıqlar uğurlu, məhsuldar olacaq. Mövqeyinizdən geri çəkilməyin, tərəfdaşların və dostların narazılığına səbəb olmadan inad edin, daha yaxşı şərtlərə nail olun.
Görüşlər və danışıqlar pis nəticə verməyəcək. Cəmiyyətdə özünüzü narahat hisss etməyəcək, tənha olanda da darıxmayacaqsınız. Günün ikinci yarısında gəzintiyə çıxın.
Axşam saatlarında kompüter qarşısında çox oturmayın.
Şir - bu gün işlər həddən ziyadə çoxdur və onların arasında vurnuxursunuz. Amma şikayətlənməyin - bütün işləri başa vurmalısınız. Özünüzə yardımçılar axtarın. Bütün işləri təkbaşına görmək istəsəniz - heydən düşəcəksiniz.
Yeni ideyaları həyata keçirin, yaxşı düşünülmüş eksperimentləri reallaşdırın və gün uğurlu olacaq.
Bu gün başlanacaq romantik münasibətlər parlaq, qeyri-adi olacaq. Artıq romantik münasibətlər varsa, həmin təmaslarda yenilik olacaq. Sevdiyiniz insanlarla səmimi olmaqdan utanmayın, istəkləriniz və gözləntiləriniz barədə açıq danışın.
Qız - ciddi problemlərin yaşanma ehtimalı az olsa da, kiçik problemlər istisna deyil. Hər şeyə rəğmən, təmkininizi pozmayın, emosiyaların əsiri olmayın. Məhz belə davranışın sayəsində çox çətin situasiyalardan çıxa biləcəksiniz. İşdəki münaqişələrin çözülməsi üçün çox əlverişli gündür. Nüfuzlu insanlarla dil tapa bilərsiniz.
Zərərli vərdişlərdən əl çəkmək üçün əsl vaxtdır. Axşam saatlarında qonaq qəbul etməyiniz, dostları başınıza yığıb dincəlməyiniz pis olmaz.
Bu gün sonradan uzun romantik münasibətlərə dönə biləcək tanışlıq istisna deyil.
Tərəzi - enerjili, qətiyyətli, inadkarsınız. Sadalanan məziyyətləriniz bu gün sizi birmənalı olmayan situasiyalar, işdə həmkarlarınızla münasibətlərdə problemlərlə qarşılaşdıra bilər. Gələcəklə bağlı planlarınıza düzəlişlər etməyə imkan verən yeni informasiyalarr alacaqsınız.
Günün ikinci yarısında əhvalınız dəyişəcək. Daha sakit olacaq, aramla davranacaqsınız. İndiyədək sizə çox mühüm iş təsir bağışlayan işlər arxa plana keçəcək. Gözlənilməz, amma xoş təkliflərin alınması istisna olunmur.
Belə təklifləri rədd etməyin.
Əqrəb - özünüzün və başqalarının problemlərinin həlli üçün əlverişli gündür. Mühüm işlərlə ikinci dərəcəli məsələləri qarışdırmayın, gərəkli məqamlara diqqət yetirin. Fəaliyyətinizin effektiv olmasına çalışın.
Gəlir əldə edə bilərsiniz.
Mübarizə istəyi güclü olduğundan düşünülməmiş addımlar atmayın. Lakin qətiyyətli mübarizəyə başlasanız, qələbə şansı az deyil. Bununla bahəm, sizə yaxın insanların hissləri barədə düşünün.
Oxatan - işgüzar görüşlər, əməkdaşlıq perspektivlərinin müzakirəsi üçün əlverişli gündür.
Cəsarətli, qeyri-ordinar ideyalarla çıxış edən insanlara diqqət verin. Onların sizin dəstəyinizə ehtiyacı var. Köməyin nəticəsi isə uğurun bölüşdürülməsi ola bilər. Gənc, təcrübəsiz adamla işə başlayaraq birgə nəticəyə nail olmaq mümkündür.
Şəxsi həyatınızda qəfil dəyişikliklər, taleyüklü görüşlər olar. İntuisiya sizi aldatmayacaq. Sizə gərəkli insanı dərhal tanıyacaq və səhv etməyəcəksiniz.
Oğlaq - gələcəklə bağlı yeni planlar qurun, qarşınıza yeni məqsədlər qoyun. Ən kiçik, cüzi informasiya belə əldə etsəniz, hadisələrin necə inkişaf edəcəyini təxminləyə bilərsiniz. Yeni layihələrlə bağlı işə başlaya bilərsiniz. Həyata baxışlarınızı bölüşən insanları bu işə cəlb edin. Əməkdaşlıq həm məhsuldar, həm də xoş olacaq.
Alış-veriş, daşınmaz əmlaka pul yatırmaq üçün əlverişli gündür. Lakin maliyyə imkanlarınızı olduğundan artıq dəyərləndirməyin.
Bu gün heç bir halda, əsla kredit almayın.
Dolça - bu gün yaradıcılıq potensialınız çox yüksəkdir. Tamamilə yeni, son dərəcə orijinal nə isə fikirləşə bilərsiniz. Yetər ki, bir qədər səy göstərəsiniz. Ən çətin və ağır işi sizinlə birlikdə görəcək adam tapsanız, gün asan keçəcək.
Anlaşmalar əldə etmək, uzunmüddətli əməkdaşlıqla bağlı razılaşmalara nail olmaq mümkündür. Bu gün qəbul etdiyiniz qərarlara sonradan heyfislənməyəcəksiniz.
Yeni romantik münasibət yarana bilər.
Balıqlar - gün gözlənilməz hadisələr və sürprizlərlə dolu olacaq. Sakit və təmkinli davranmaq çətin olsa da, bunu edin. Əks təqdirdə yanlış qərarlar verəcəksiniz. Bir işdən başqasına sürətlə keçməyə çalışın və beləcə, rəqiblərlə düşmənlərinizi təssüfləndirin.
Münasibətlərinizin rəvan olmadığı insanlarla görüşün, onlarla danışın. Güzəştli həllin əldə olunacağı, ümumi maraqların yaranacağı istisna deyil.
Məsləhətlərə qulaq asın. Bu gün məsləhətlər faydalı və ağıllı olacaq.
Telefon, kompüter və s. qacetlər almaq üçün əlverişli gündür.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.