Qoç - bu gün sizin üçün həddən ziyadə məhsuldar olacaq. Enerjili olmaqla yanaşı, məntiqlisiniz. İstəmədiyiniz işi sizə gördürə bilməyəcəklər. Tapşırıq nə qədər çətindirsə, onu bir o qədər şövqlə yerinə yetirmək istəyirsiniz.

Yeni tanışlarınız sizdən razı qalacaqlar.
İnsanlar barədə tələsik qərar verməyin, onlara diqqətlə baxın. Yeni münasibətlərin başlanması istisna deyil.

Lakin həmin münasibətlər istədiyiniz məcrada və formada inkişaf etməyəcək.

Buğa - bu gün çətin problemi həll etmək istəməyəcəksiniz. Yaxşı tanış olduğunuz, nə yaradıcı yanaşma, nə də orijinal ideyalar tələb etməyən işlə məşğul olmaq daha yaxşıdır. Maliyyə məsələlərini qaydaya salmaq, büdcəni planlaşdırmaq olar. İşdə rəhbərliyin sözlərinə diqqətlə qulaq asın.

Dostlarla görüş xoş təsir bağışlayacaq, ailə üzvləri ilə keçirilən vaxtda dincələcəksiniz. Bu gün yeni təssüratlar və hisslərə səbəb olmayacaq. Amma günün axarından narazı qalmayacaqsınız.

Əkizlər - günün ilk yarısı təmaslar və ünsiyyət üçün əlverişlidir. Ətrafınızdakı insanları yaxşı anlayır, onların gizli istəkləri və gerçək məqsədlərindən tez agah olursunuz. Şəraitin necəliyindən asılı olmayaraq, situasiyadan öz xeyrinizə istifadə edə bilərsiniz.

Günün ikinci yarısı daha çox düşüncələr, təhlillər, fərdi fəaliyyət üçün əlverişlidir. Əvvəl başladığınız işləri bu zaman başa vura bilərsiniz. Yeni işə başlamayın.

Spirtli içkilər, yağlı və istiotlu yeməklərdən imtina edin.

Xərçəng - gün heç asan olmayacaq. Baş verən hadisələrin məğzini anlamaq, habelə mənfi emosiyalarınızın mənbəyini dərk etmək üçün səy göstərməli olacaqsınız.

Hisslərinizə çox qapılmayın, əks təqdirdə maraqlı imkanı əldən verə bilərsiniz.
Qeyri-adi həllərə əl atın. Məhz belə addımların sayəsində rəqiblərlə düşmənlərinizi pərişan edəcək, məqsədə çatacaqsınız.

Günün ikinci yarısında hədiyyə, diqqət istisna deyil.

Şir - ətrafdakı insanların niyə və niyə etdiklərini anladığınız üçün həyat bu gün asan olacaq. Öz addımlarınıza gəldikdə isə, onların heç də hamısını izah edə bilmirsiniz.

Barı, istəklərinizi aydınlaşdırın. Yoxsa bu əlverişli gün sizin üçün tamamilə faydasız keçəcək.
Bu yaxınlarda vacib qərar qəbul edərək onu reallaşdırmaq istəyirdinizsə - uğurlu gündür.

Konkret işlərlə məşğul olun. Xoş sürprizlər, hadisələrin uğurlu axarı mümkündür.

Qız - yeni ideyalar, planlar və işlər peyda olur. Onlar həyatınızı daha maraqlı edə bilər. Genişmiqyaslı planların reallaşdırılması zamanı çətinliklər mümkündur.

Kiçik işlərin öhdəsindən isə asanlıqla gələcəksiniz. Xərclər istisna deyil. Sərf ediləcək məbləğ böyük olsa da, xərc sonradan doğrulacaq.

Təmkin, özünüzə nəzarət münaqişələrdən qurtulmağa imkan verəcək, çətin situasiyalardan çıxış yolunu göstərəcək.

Addımlarınızın doğruluğuna şübhə edən yaxınlarınız bu gün sizi dəstəkləyəcəklər. Uşaqlar və yeniyetmələrlə danışanda xüsusilə təmkinli, diqqətli olun.

Tərəzi - bu günün hadisələrinə mənəvi baxımdan çoxdan bəri hazırlaşırdınız. Hiss edirsiniz ki, qarşınıza qoyduğunuz məqsədə çatmaq üçün yetərincə qüvvəniz var və əgər dərhal başlamasanız, qarşınızda ciddi səddlər yarana bilər.

Maraqlı tanışlıqlar, görüşlər, həyatınıza təsir edə biləcək hadisələr mümkündür.
Səbrli, soyuqqanlı olun.

Özünüzün və başqalarının hərəkətlərinin dəyərləndirilməsində nə qədər təmkinli olsanız, gün ərzində qarışıqlıq, tələsiklik və çaşqınlıq bir o qədər az olacaq.

Günün ikinci yarısında sizi sınaqlar gözləyir. Həmin çətinliklərin öhdəsindən asanlıqla gələcəksiniz.

Əqrəb - gün ev işləri, mənzil, təsərrüfat və məişət qayğıları ilə bağlı olacaq. Darıxdırıcıdır? Darıxmayın. İstənilən işi maraqlı məşğuliyyətə, ən trivial tapşırığın çözülməsini yaradıcılığa çevirə bilərsiniz.

Yaxın ətrafınızdakı insanlar sizə yardım təklif etsələr də, qəbul etməyin. Fərdi fəaliyyət daha effektiv olacaq.

Dostlarla görüş yaxşı nəticə verə bilər, ünsiyyətlər möhkəmlənə bilər. Yeni tanışlıqlar zamanı isə ehtiyyatlı olun. Çünki ətrafınızda xeyli adam var ki, sizin səxavət və həlimliyinizdən dərhal yararlanmaq istəyəcək.

Oxatan - çox sakit, rəvan bir gündür. Emosinal fon stabildir, mənfi emosiyalardan və qıcıq yarada biləcək hadisələrdən çəkinməyə bilərsiniz.

Xırdalıqlara daim ciddi diqqət yetirirsiniz və bu məziyyət çox faydalıdır.
Bu gün alış-veriş üçün əlverişlidir.

Dostlar, yaxınlar, əziz adamlarla ünsiyyət üçün yaxşı gündür. İmpulsiv və emosional insanlarla söhbət sizi yora bilər. Lakin səbr kasanız dolmasın.

Oğlaq - yaxın ətrafınızdakı insanlar üçün faydalı işlər görsəniz də, özünüzü yaddan çıxarmayın. Münaqişələrin aradan qaldırılması, anlaşılmazlıqların çözülməsi üçün uğurlu gündür.

Bəzi adamların addım və qərarlarını bəyənməsəniz də, qıcıqlanmayın. Sadəcə, həyatın qəribəliyi və insanların da müxtəlif olmaları barədə düşünün.

Bu gün müttəfiq axtarışları üçün əlverişlidir. Nüfuzlu tanışlar və etibarlı yardımçılar peyda ola bilər. Sizdən alınmış borcların bir qismi qaytarıla bilər. Gəlirlər də istisna deyil. Kredit almaq üçün müraciət etmək olar.

Dolça - sizdən yardım istəyən adamların dadına çatın. Çətin vəziyyətə düşmüş dost, yaxın və ya tanışa kömək edərkən təmənna gözləməyin.

Bu əməlləriniz cavabsız qalmayacaq, çünki başqasına yardım edən heç zaman yardımsız qalmaz. Sizin üçün mühüm olan işdə irəliləyiş, çətin məsələlərin uğurlu həlli mümkündür.

Şəxsi həyatınızda yaxşılığa doğru dəyişikliklər ola bilər. Romantik tanışlıq da istisna deyil.
Günün ikinci yarısında diqqətli olun. Axşam saatlarında yaxşıca dincəlin.

Balıqlar - alış-veriş etmək istəyən insanlar üçün uğurlu gündür. Aldığınız əşya işinizə yarayacaq və xərclədiyiniz pula heyfislənməyəcəksiniz.

Yeni tanışlıqlar istisna deyil. Tanış olmaq istədiyiniz insanın davranış və sözlərinə ciddi diqqət yetirin - aldana bilərsiniz.

Yeni işlərə ehtiyatla başlayın - axı onlar ilk baxışdan göründüyü təki sadə deyil. Fəqət bu gün maraqlı işlər beyninizi məşq etdirmək və yeni, böyük işə başlamaq üçün hazırlıq ola bilər.