Qoç - Böyük gəlir vəd etməyən, amma sizdə maraq doğuran layihə üzərində işləmək üçün münasib gündür. Bu gün asanlıqla qeyri-standart qərarlar qəbul edəcək, əvvəllər mümkünsüz təsir bağışlayan işləri görəcəksiniz. Bəzi hərəkətləriniz ətrafınızdakı adamları təəccübləndirəcək. Lakin məqsədə çatmaq istəyinizdə qətiyyətli olun.
Xanımlar arasında etibarlı müttəfiqlə yanaşı, uzaq durulması gərəkən adamlar da var.
Buğa - bu gün sizə yeni perspektivlər vəd edir. Karyera inkişafı ilə bağlı şanslar böyükdür. Əvvəllər sizi dəstəkləməyən şəxslərdən yardımın alınması ehtimalı az deyil. Hələlik tanımadığınız adamlarla ünsiyyət xeyirli olacaq.
Xarici dillərin öyrənilməsində daha aktiv olun.
Alış-veriş də edə bilərsiniz. Yeni tanışlıqlar istisna deyil, lakin ciddi münasibətlərlə bağlı şanslar çox azdır. Yaxın adamlara diqqət yetirin. Onların arasında sizin yardımınıza ehtiyacı olan, amma bunu demək istəməyən şəxslər ola bilər.
Əkizlər - son vaxtlar sizi narahat edən sualların çoxuna bu gün cavab ala bilərsiniz. Aldığınız məlumatların hamısı sizi sevindirməsə də, bəd xəbərləri də sakit qəbul edin. Günün emosional fonu stabildir. Gün ərzində kefiniz pozulmayacaq.
Axşam saatlarına yaxın vəziyyət dəyişə bilər. Yaranan perspektivlər sizdə əvvəlki planlardan imtina etməklə bağlı fikirlər yarada bilər.
Xərçəng - gün asan, yüngül və xoş keçəcək. Hadisələr çox olsa da, vaxtınıza doğru sahiblik etdiyinizdən yorulmayacaqsınız.
İşgüzar məziyyətlərinizin aşkar olduğu bu gündə sərfəli anlaşmalara nail ola bilərsiniz. Uzunmüddətli əməkdaşlıqla bağlı yaxşı təkliflər ala bilərsiniz.
Qısa səfər və gəzinti üçün əlverişli gündür. Sizə maraqlı olan insanların diqqətini cəlb edə biləcəksiniz. Xoşagəlməz görüşlər ehtimalı azdır.
Şir - çalışın ki, bu gün etibarınızdan sui-istifadə etməsinlər. Aldadılmağınıza imkan verməsəniz, böyük uğurlara nail olacaqsınız.
Uzunmüddətli planlar qurmaq, habelə iş axtarmaq üçün əlverişli gündür. Səfərlər, qısamüddətli səyahət, mühitin dəyişməsinə ehtiyac var.
Gün ərzində çox söhbətlər olacaq və onların bəziləri sizə mənasız təsir bağışlayacaq. Həmsöhbətiniz sizi anlamasa da, qıcıqlanmayın. Təmkinli və səbrli olun, yaxınlarınıza səmimiyyət göstərin.
Qız - nüfuzlu insanlarla görüş, ideyalarınızın açıqlanması üçün əlverişli gündür. Orijinal, hətta ekstravaqant olmaqdan qorxmayın - özünüzə nə qədər çox diqqət cəlb etsəniz, bir o qədər yaxşıdır.
Peşə və şəxsi həyatınızda təmaslara çox ciddi diqqət verin.
Zəhmət, fiziki iş faydalıdır. Gözəllik salonuna, ya da bərbərxanaya yollana bilərsiniz.
Günün ikinci yarısında spirtli içkilər içməyin.
Tərəzi - bu gün müstəqillik və qərarlarda qətiyyət xüsusi əhəmiyyət kəsb edəcək. Ətrafınızdakı adamların söylədiklərindən asılı olmayaraq yalnız öz məqsədinizə doğru irəliləyin. Dostlarla yanaşı, düşmənlərə də sizi yoldan sapdırmağa imkan verməyin.
İşdəki dəyişikliklər müsbət səciyyəli olsa da, hadisələr istədiyiniz kimi inkişaf etmir.
Maliyyə işlərinizi qaydaya salın, ödənişləri edin, borcları qaytarın. Daşınmaz əmlakla bağlı sənədləşmə əməliyatlarında anlaşılmazlıq yarana bilər.
Əqrəb - gün çox gərgin keçəcək, amma usanmayacaqsınız. Baş verən hadisələrin sayı artdıqca, işləriniz daha rəvan gedəcək. İstənilən dəyişikliklərə qorxmadan yanaşsanız da, hərdənbir onların həyatınızı problemlərlə zənginləşdirəcəyini düşünürsünüz. Belə nikbinlik ətrafınızdakı adamların diqqətini cəlb edəcək.
Şən anlar istisna deyil.
Ailə üzvləri, qohumlar və ya tanışlardan biri ilə köhnə anlaşılmazlıqların dəf edilməsi istisna deyil. Əvvəlki təki inadkar və güzəştsiz olmadığınızdan kompromis variant seçməyə meylli ola bilərsiniz.
Oxatan - xoş ünsiyyət və maraqlı görüşlərin istisna olunmadığı gözəl gündür. Hətta işdə belə gərəksiz rəsmiyyətdən uzaq duraraq qarşılıqlı anlaşamya nail ola biləcəksiniz. İş adamları və ticarətdə işləyən şəxslər üçün əlverişli gündür.
Xoş sürprizlər, o cümlədən romantik təmaslar mümkündür. Ailə üzvlərinizlə gözəl anlar yaşayacaqsınız.
Oğlaq - ətrafınızdakı insanların yaşamı ilə daha aktiv maraqlanacaq, hətta bəzilərinin işlərinə müdaxilə etməyə çalışacaqsınız. Bunu etməyin, amma problemlərdən tamamilə qurtulmaq üçün nəzakətli olun. Yalnız belə halda münaqişə və incikliklər yaranmayacaq. Hamının sizin məsləhətlərə əməl etməməsi, mövqeyinizlə barışmaması ilə barışın.
İşdə sakit olun, münaqişə axtarmayın. Lakin unutmayın ki, problemlər varsa, onları həll etmək gərəkdir.
Dolça - bu gün sürprizlər və gözlənilməz hadisələrlə bol olacaq. Əvvəllər mümkünlüyünü ağlınıza belə gətirmədiyiniz situasiya ilə qarşılaşacaqsınız. Pərişan olmayın, özünüzü itirməyin. Nə baş verdiyini anlayaraq effektiv hərəkət edin.
Şəxsi həyatda istənilən problemi həll etmək üçün uğurlu gündür. Situasiyanın bütün aspektlərini dəqiq qiymətləndirin və səhih nəticələrə varın. Yaxşı gəlir əldə edə bilərsiniz. Pulu ailəyə xərcləyin.
Balıqlar - qətiyyət bu gün işinizə yarayacaq. Kiçik problemlərə fikir verməyin, şayiə və dedi-qoduların önəmini olduğundan artıq saymayın. Başqaları işlərinizə çox qarışmağa cəhd göstərsə də, təmkinli olun.
Günün ikinci yarısında köhnə tanışlar yada düşəcək. Onların sizinçün yeni, maraqlı xəbərləri var. Bu gün məsləhətlərə diqqətlə qulaq asın. Baş verən hadisələrlə bağlı mövqeləri sizdən fərqli olanlar faydalı sözlər deyə bilərlər.
Günün ikinci yarısında başağrısı və ümumi halsızlıq mümkündür.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.