Astronomlar təxminən yarısı almazla örtülmüş olan yeni planet kəşf edib.
Azad.Az-ın “RT.com”-a istinadən verdiyi xəbərə görə, planet ölçüsünə görə Yer kürəsindən iki dəfə böyükdür və bizdən 40 işıq ili məsafədə yerləşir.
Atmosferi olmayan yeni planetdə temperatur 1.648 dərəcə selsiyə çata bilir və burada insan məskunlaşması mümkün deyil. “Cancri e” adlanan planetin çəkisi Yerdən 8 dəfə çoxdur və o Xərçəng bürcündə yerləşən bir ulduzun ətrafında fırlanır. “Cancri e” öz ulduzu ətrafında çox sürətlə dövrə vurur, burada bir il bizim cəmi 18 saatımıza bərabərdir.
Almazdan başqa planet karbon, dəmir, silisium və karbiddən ibarətdir. Tuluza şəhərində yerləşən “Institute de Recherche en Astrophysique et Planetologi” institunun amerikalı və fransız alimləri tərəfindən həyata keçirilən tədqiqata görə, yeni kəşf olunan planetinn çəkisinin 3-də biri almazdan ibarət ola bilər.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.