Elxan Şahinoğlu: “Neft hasilatında payının 75 faiz artması bp şirkətinin ölkədə neft hasilatına marağını azaldıb”
BP-nin Azərbaycandakı fəaliyyəti sual altına düşə bilər. Böyük Britaniyanın məhşur beynəlxalq iqtisadi-siyasi qəzeti olan “Financial times” belə bir məlumat yayıb.
Azərbaycan prezidenti İlham Əliyevin son 3 il ərzində öhdəliklərini yerinə yetirmədiyinə görə, bp şirkətinə irad bildirməsi şirkətin Azərbaycandakı fəaliyyətini sual altında qoya bilər. Qəzet Nazirlər Kabinetinin iclasında səslənmiş “Azəri”, “Çıraq” yataqları üzrə fəaliyyət göstərən konsorsiuma başçılıq edən bp şirkətinin kobud səhvləri nəticəsində neft hasilatında gözlənilməyən tənəzzül baş verdiyi məlumatını da verib.
Bu da Azərbaycanda bp-nin verdiyi proqnozları yerinə yetirmədiyini və dövlət büdcəsini 8,1 milyard dollarlıq gəlirdən məhrum etdiyinə gətirib çıxarıb.
''RBS Kapital Markets”in nümayəndəsi Piter Xatton qəzetə açıqlamasında bp şirkətinin Azərbaycan hökuməti ilə çox yaxşı münasibətdə olduğunu və bp şirkətinin əsas fəaliyyət sahəsi barədə tənqidi fikirlərin şirkət üçün gözlənilməz olduğunu deyib.
Siyasi şərhçi Elxan Şahinoğlunun fikrincə, bp-nin fəaliyyətində qeyri-qənaətbəxş vəziyyət yaranıb. Onun sözlərinə görə, Azərbaycanın neft hasilatında payının 75 faiz artması bp şirkətinin ölkədə neft hasilatına marağını azaldıb. Bununla belə, bp-nin daha çox Azərbaycan qazına marağı artırıb.
Onun sözlərinə görə, bp şirkəti kontrakt öhdəliklərini yerinə yetirmədiyi və hasilatında dönüş yaratmadığı təqdirdə şirkətlə bağlı müəyyən tədbirlər görülməlidir.
E. Şahinoğlu bp şirkətinin rəsmi Bakının iradlarına aydınlıq gətirməli olduğunu və ortaya mövcud olan rəqəmləri qoymasını zəruri saydı.
Xatırladaq ki, prezident İlham Əliyev Nazirlər Kabinetinin 2012-ci ilin 9 ayının sosial-iqtisadi yekunlarına həsr olunan iclasında Azərbaycanda neft hasilatının azalmasına görə, BP şirkətini günahlandırmışdı.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.