Qoç - Gün ərzində sizi uğurlu tapıntılarla bahəm, təəssüf doğuracaq uğursuzluqlar da gözləyir. Baş verənləri özünüzə dərd etməyin. Əgər hansısa mühüm işə başlamaq fikriniz varsa, o işin mənfi və müsbət yönlərini dəqiq dəyərləndirməyə çalışın. Axşam düşənədək hisslərinizə hakim ola bilməyəcəksiniz ki, bu da obyektivliyə rəvac vermir.
Günün sonunu gözləyin. Axşam saatlarında soyuqqanlı düşünməyə başlayacaqsınız.
Buğa - Gündüz vaxtınız qalmayacaqsa da, şər qarışana qədər başqalarının problemləri ilə məşğul olacaqsınız. Günün ilk yarısında yaxın ətrafınız, qohumlarınız və dostlarınızla həssas olun. Hirsli adamlardan uzaq durun, yoxsa davaya düşərsiniz. İşdə yüksəliş və populyarlıq imkanları var. Günün sonunda daha praktik olacaq, maliyyə və şəxsi məsələlərlə maraqlanmağa başlayacaqsınız.
Əkizlər - İnsanları olduqları kimi qəbul edin. Onların düşüncə və mövqeləri ilə barışın, bilin ki, siz insanları dəyişə bilməyəcəksiniz. Üstəlik, indi gərəkli sözlər tapmağa çətinlik çəkirsiniz. Gözəl ibarələr fikirləşib tapana qədər həmsöhbətinizin danışmaq istəyi yoxa çıxa bilər.
Ailəlisinizsə, ailə üzvlərinizə sayğı və sevginizi göstərin. Mübahisələrdən kənar durun.
Xərçəng - Səhhətiniz bilavasitə ətrafınızın yaratdığı emosional fondan asılıdır. Paxıllıq və hirs kimi hisslərin əsiri olmayın. Qəflətən nəyin bahasına olursa-olsun, mübahisə etmək istəyi yarana bilər. Halbuki zəif mövqelərinizi möhkəmləndirməyə çalışın. İnad etsəniz, çaşıb qalacaqsınız. Mənfi təəssüratlara çox fikir verməyin, onları unutmağa çalışın.
Şir - Enerji və yaradıcılıq hissi sizi axşam saatlarına qədər tərk etməyəcək. Bəzi istəkləriniz gerçəkləşməmiş qalacaq. Başqasının laqeydliyi, səlahiyyətsizlik, yarıtmazlıq, texniki problemlər sizə mane olacaq. Bütün bunlara rəğmən, sizə yaxın olan adamı dəstəkləməyi, ona ürək-dirək verməyi unutmayın. Sizə də sevdiyiniz adam dəstək olmalıdır. Unutmayın - bu fani dünyada əbədi heç nə yoxdur. Axşam saatlarında vəziyyət dəyişəcək və artıq başqa adamların dəstəyini aramalı olacaqsınız.
Qız - Ev qayğıları ilə bağlı olan hər işdə fantaziyanızı işə salın, ümid edin, yenilikləri sınaqdan çıxarın. İdeyalarınızın hamısı ətrafdakı adamlar tərəfindən dəstəklənməsə də, ailə mühitinə yeni hava qatın. Evdəki durum ağırdırsa, dəyişikliklərə can atın. Bu gün vətənpərvərlik, doğma yerlərə bağlılıq hissləri xüsusilə güclü olacaq.
Hisslərinizi bir qədər cilovlayın, tanımadığınız insanlara laqeyd qalmayın.
Tərəzi - Bu gün planlaşdırılmamış işlər, qısa səfərlərdən uzaq durun. Uzaqlarda yaşayan qohumlar, yaxınlar və ya dostlarla danışmaq, əlaqə saxlamaq istəyəcəksiniz. Qonşulardan biri ilə də danışa bilərsiniz.
Din ilə bağlı söhbət düşərsə, qatılın. Səyahətlər, təhsil ilə bağlı müzakirələr də sizi cəlb edəcək. Söhbətin qəflətən dəyişməsinə, qeyri-adi durum və qəribəliklərə hazır olun. Amma unutmayın ki, bir mövzunu araşdıran kimi başqa məsələ üzə çıxa bilər.
Əqrəb - Bu gün ərzində əsasən maliyyə, pul və əmlakla bağlı məsələlər vaxtınızı alacaq. Bu sahələrdə yeniliklərə başlamayın. İştah və ehtiyaclarınızı adekvat dəyərləndirin. Gün ərzində yanınızda sizi yanlış addımdan saxlaya biləcək dost olmayacaq. Eyni zamanda, maliyyə məsələləri ilə bağlı bəzi eksperimentlərə əl ata bilərsiniz.
Kollektiv işlərdə iştirak, başqalarının təcrübəsi ilə tanışlıq xeyirli olacaq.
Oxatan - Yaradıcılıq enerjiniz həddən ziyadə ola bilər. Uşaqlar, məşqlər, yaradıcılıqla bağlı məsələlər vaxtınızı alacaq. Axşam düşənə qədər təhlükəli situasiyaların yaranması, ailə üzvlərinizdən birinin problemlərlə üzləşməsi istisna deyil.
Bu gün ulduzlar sizə sınaqla yanaşı, müdafiə də vəd edir. Məişətdə elementar təhlükəsizlik tədbirlərini unutmayın. Günün sonunda səhhətlə bağlı problemlər aktuallaşacaq.
Oğlaq - Bu gün heç bir yeni işə başlamayın. Ailə, dostlar və tanışlarla bağlı yeniliyə cəlb olunsanız, həmişə gördüyünüz işlə məşğul olun. Bu gün tam mənada aktiv fəaliyyətə hazır deyilsiniz. Dünyagörüşünüzü artırın, İnternetdə "dolaşın", yeni ideya və düşüncələrlə tanış olun. Tənhalığa, tək qalmağa ehtiyac duyacaqsınız.
Bezdirici reallıqdan bir qədər kənarlaşsanız, pis olmaz.
Dolça - Yaxın ətrafla ünsiyyət sizdə xoş əhval-ruhiyyə yaradacaq. Lakin ünsiyyət zamanı sizi pəjmürdə edə biləcək sözlər də eşidə bilərsiniz. Bəzi adamların səmimiyyəti, bəzilərinin isə düşmənçiliyi ilə qarşılaşacaqsınız. Sinirlənməyin, hər şeyi olduğu kimi qəbul edin. Yaxın qohumlar və tanışlarla yeni işə başlamayın. Amma onlarla söhbət etməyə dəyər. Qısa səfərlərdə təhlükə istisna deyil. Axşam saatlarında mütləq evə tez qayıdın.
Balıqlar - Maliyyə məsələləri ilə bağlı işlərdə səhvlər ola bilər. İdeal situasiyalar nadir hal olsa da, maliyyə əməliyyatları aparıb nə isə ala bilərsiniz. Amma mümkün çətinliklərə hazır olun. Tələsik heç nə almayın: keyfiyyət yaxşı olmayacaq. Ailə büdcəsi ilə bağlı evdə mübahisə yarana bilər. Günün sonunadək bədxərclik etməyin.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə
qeydiyyatdan keçməyi və ya öz adınz ilə sayta daxil olmağı məsləhət görürük.