Binə Ticarət Mərkəzində kütləvi zəhərlənmə (VİDEO)
Bu gün Binə Ticarət Mərkəzində baş vermiş kütləvi zəhərlənmə baş verib. Zəhərlənənlərin sayı 80 nəfərə çatıb. Bu barədə APA-ya Klinik Tibbi Mərkəzdən məlumat verilib. Məlumata görə, hazırda 65 nəfər Klinik Tibbi Mərkəzə yerləşdirilib, daha 15 nəfər isə paytaxtın digər xəstəxanalarına sövq edilib. Zəhərlənən şəxslərdən bir neçəsinin vəziyyəti ağır qiymətləndirilir.
Hazırda hadisə yerində araşdırma aparan Qaradağ rayon prokurorluğunun müstəntiqi Akif Tağıyev APA-ya deyib ki, hadisə nəticəsində ölüm halı qeydə alınmayıb: “Çoxlu sayda zəhərlənən var, lakin ölüm faktı olması barədə məlumatlar həqiqətə uyğun deyil. Araşdırmanın sonunda fakta hüquqi qiymət veriləcək”.
Qeyd edək ki, ilkin ehtimala görə, zəhərlənmə elektrik enerjisinin kəsilməsi ilə bağlı ticarət mərkəzində quraşdırılmış generatorun texniki nasazlığı ucbatından baş verib.
18.16
ANS-in əməkdaşları Bina Ticarət Mərkəzində baş verən hadisə nəticəsində zərərçəkənlərin yerləşdirildiyi Kliniki Tibbi Mərkəzdə olub. İlkin məlumatlara görə, zərərçəkənlərin sayı artıb. Təkcə Toksikologiya Mərkəzinə 60-dan çox insanın yerləşdirildiyi bildirilir. Məlumata görə, Toksikologiya Mərkəzində yerlər dolduğundan yeni gətirilən zərərçəkənlər digər şöbələrə yerləşdirilir. Bu saatlarda da xəstəxanaya zəhərlənmə diaqnozu ilə insanlar gətirilir.
*** 17.21
Bakının Qaradağ rayonunda yerləşən Binə Ticarət Mərkəzində kütləvi zəhərlənmə hadisəsi qeydə alınıb. Hadisə şahidlərinin dediyinə görə, zəhərlənməyə səbəb ticarət mərkəzində quraşdırılmış generator olub. Belə ki, ticarət mərkəzində elektrik enerjisi kəsildiyi üçün generator işə salınıb. Generatorda yaranmış nasazlıq isə insanların kütləvi zəhərlənməsi ilə nəticələnib.
Respublika Kliniki Tibb Mərkəzindən verilən məlumata görə, Binə Ticarət Mərkəzindən xəstəxanaya zəhərlənmə diaqnozu ilə 50-yə yaxın şəxs gətirilib. Onlardan bir neçəsinin vəziyyəti ağırdır.
Hörmətli ziyarətçi, Siz qeydiyyatdan keçməmiş istifadəçi kimi sayta daxil olmusunuz.
Biz Sizə qeydiyyatdan keçməyi və ya öz adınz ilə sayta daxil olmağı məsləhət görürük.