Qoç - Xoş, asan, maraqlı gündür. Ağlınıza maraqlı fikirlər gəlir və dərhal onlardan yararlanırsınız. Yaradıcı potensialınız çox yüksəkdir. Yeni bir işə başlaya bilərsiniz, uğur qazanacağınıza əmin olun. Ünsiyyət üçün münasib gündür, istənilən xarakterli görüş təyin edə bilərsiniz.
İnsanlarla ünsiyyətdən nəinki zövq alır, həm də bundan yaxşıca yararlanırsınız. Ətrafınızdakılar bundan duyuq düşmürlər və buna görə də aranızda inciklik yaranmır. Uzaqdan vacib xəbərlər ala bilərsiniz. Dəyərli hədiyyələr almağınız da mümkündür.

Buğa - Bu gün xeyli gözəl hadisə vəd edir. Özünüzə və uğurunuza inanın. Risk etməkdən çəkinməyin: siz ciddi təhlükə olmayan anda qətiyyətli hərəkət etmək üçün kifayət qədər ehtiyatlısınız. Təmaslarda diqqətli olun, sonradan sizə böyük ziyanı dəyən bir adamla işbirliyinə girə bilərsiniz.
Yaxınlarınızla əla dil tapırsınız. Ümumi məqsədlərə çata bilirsiniz. Hamının maraqlarını nəzərə alırsınız. Gələcək planları, alış-verişi, istirahəti müzakirə etmək olar. Planlaşdırılmamış səfərlər maraqlı və xoş keçəcək.

Əkizlər - Ciddi problemləri götür-qoy etmək üçün münasib gündür. Situasiyanı analiz etmək, başqalarının nəzərdən qaçırdıqlarını görmək iqtidarındasınız. Vacib işlərlə məşğul olmaq, uzunmüddətli təsiri olan qərarlar vermək olar. Həm öz gücünüzü, həm yaranan şəraiti düzgün qiymətləndirirsiniz.
Gün hüquqi məsələlərin həlli, hüquqşünaslar, məmurlar, hüquq-mühafizə orqanlarının əməkdaşları ilə ünsiyyət üçün münasibdir. Bir çox Əkizlər üzərlərinə müəyyən məsuliyyət götürür, vəd verir və onları sözsüz yerinə yetirirlər.

Xərçəng - Yaxşı, asan gündür. Arxayınlaşıb ümumi axına qoşulmaq olar: o sizi istədiyiniz yerə aparıb çıxaracaq. Əvvəllər aldığınız bilikləriniz və təcrübə köməyinizə gələcək. Vacib qərarları asanlıqla verirsiniz - siz sadəcə olaraq intuisiyanızı dinləyirsiniz, onlar da səhvsiz alınır.
Ətrafdakılarla münasibətlər ahəngdardır. Asanlıqla gözəl təəssürat yaradır, insanların rəğbətini qazanırsınız. Yaxın zamanda həyatınızı dəyişə biləcək bir insanla rastlaşa bilərsiniz.

Şir - Nikbinsiniz, hətta gərəyindən daha çox. Uğura səbəbsiz inamınız sizi bəzən düşünülməmiş hərəkətlərə təhrik edir. Yerinə yetirməyəcəyiniz vədlər verir, çoxdankı tərəfdaşlarınızın işinə pəl vurursunuz. İşgüzar səfərlər məsləhət deyil, əcnəbilərlə işlə bağlı görüşləriniz səmərəsiz olacaq.
Şəxsi problemlərdə ciddi problem yaranmır, yaxınlarınızla əla dil tapırsınız. Sizin yaxşı əhvalınız ətrafınızdakılara da keçir, ideyalarınız təqdirlə qarşılanır.

Qız - Xoş gündür. Gözlənilməz uğurlar, qələbələr mümkündür. Sırf maraq naminə girişdiyiniz işlər yaxşı gəlir gətirir. Eksperiment və risk etməkdən, qeyri-adi qərar qəbul etməkdən çəkinməyin. Bir çox hallarda məhz ekstravaqant hərəkətlər ən düzgün olacaq.
Yaradıcı potensialınız çox yüksəkdir. Qızlar gözlənilmədən qeyri-adi istedadlarını kəşf edəcəklər. Çox cazibədarsınız, sizə vurulmamaq çətindir, odur ki, diqqətin çoxluğuna təəccüblənməyin.

Tərəzi - Uğurlu gündür. Hadisələr məhz sizə sərf edən qaydada cərəyan edir. Peşəkar sahədə uğurlar mümkündür. Rəqiblərinizin üzərində qələbə qazana bilərsiniz. Düşmənləriniz nahaq yerə tələ qururlar. İndi sizə kimsə zərər yetirə bilməz. Vacib məlumat alacaqsınız, o sizə düzgün qərar verməyə imkan yaradacaq.
Romantik səfərlər üçün münasib gündür, xoş təəssüratlarınız çox olacaq. Yaxınlarınız üçün hədiyyələr ala, sevgilinizə sürpriz hazırlaya bilərsiniz. Sizin qayğınıza minnətdarlıqla yanaşacaqlar.

Əqrəb - Hansısa irimiqyaslı layihələrin reallaşdırılmasına başlamaq olar. Əvvəllər öhdəsindən gələ bilmədiyiniz işləri uğurla bitirə bilərsiniz. Ətrafdakılarla, həmçinin sizinlə heç vaxt yaxşı münasibətdə olmayanlarla da ümumi dil tapmaq asandır. Bir zamankı düşmənləriniz indi sizin tərəfinizə keçməyə hazırdırlar.
İctimai-faydalı işlə məşğul olmaq, xeyriyyə aksiyalarında iştirak etmək məsləhətdir. Ətrafınızdakıların qayğısına qalmaq xoşunuza gəlir, ancaq bəzən sərhədi aşır, başqalarının həyatına müdaxilə edirsiniz. Nəzakətli olun.

Oxatan - Özünüzə inamınız həddən artıq çoxdur, bu isə sizi yanılda bilər. Pulları havaya sovurmaq meylində də yaxşı heç nə yoxdur. Əgər ağlınızı başınıza toplamasanız, böyük itkilər qaçılmazdır. İşgüzar təmaslarda diqqətli olmağınız məsləhətdir. Yaxşı tanımadığınız insanlara etibar etməyin. Uğursuz səfərlər mümkündür.
Yaxınlarınızla dil tapmaq həmişə asan deyil, çox vaxt sizi anlamırlar. Xüsusilə də qadınlarla münasibətlərdə çətinliklər yaranır. Öz maraqlarınızı qoruyarkən nəzakəti unutmayın, yoxsa tək qala bilərsiniz.

Oğlaq - Ünsiyyət, xüsusilə də işgüzar təmaslar üçün münasib gün deyil. Sərt iradlar edir, sizə dəfələrlə köməyi dəymiş insanlar barədə xoşagəlməz sözlər deyirsiniz. Ətrafınızdakılarla münasibətləriniz korlanır, ancaq bunu görməməyə çalışır və günahınızı boynunuza almırsınız. Unutmayın, əgər həyatınızda dəyişikliklər istəyirsinizsə, özünüz dəyişməyə başlayın.
İstənilən tənqidə həssaslıqla yanaşırsınız. Hətta sizin xeyrinizə deyilən sözlərdən inciyirsiniz. Bu həm işgüzar, həm şəxsi münasibətləri mürəkkəbləşdirir. Yaxınlarınızla aranızda ciddi mübahisə yaşana bilər.

Dolça - Bu gün uğurlu olsa da, elə də xoşunuza gəlməyəcək. Çünki emosional fon gərgindir, baş verən hadisələrin hamısını qara fonda görürsünüz. Üstəlik, xoşunuza gəlməyən adamların yardım təkliflərini də rədd edir və problemlərinizlə baş-başa qalırsınız.
Evdə problemlər, xırda mübahisələr yaranır. Aranı sakitləşdirməyə çalışırsınız, amma bu işdə elə də uğurlu deyilsiniz. Bir çoxları artıq sevinc gətirməyən əlaqələri qırmağı düşünürlər.

Balıqlar - Ünsiyyətdə çətinliklər, evdə və işdə münaqişələr yarana bilər. Əvvəllər rahat dil tapdığınız insanlarla aranız soyuyur. Sizdən çox şey tələb edirlər, bu isə sizi əsəbləşdirir. Xoşagəlməz xəbərlər üzündən planlarınızı dəyişməli olacaqsınız.
Emosional fon stabildir, baş verənlərə sakit yanaşırsınız. İnanırsınız ki, hər şey gözəl bitəcək. Səliqə və diqqət tələb edən mürəkkəb işlərlə məşğul ola bilərsiniz.