Qoç - Özünüzü nazlandırır və bundan həzz alırsınız. Bu, yaxşıdır, amma işlərə də diqqət ayırmaq lazımdır. Bir işə yaradığınızı ətrafınızdakılara sübut edin. İşləri bitirməyənə gəzmək yoxdur - bunu gün ərzində bir neçə dəfə özünüzə təkrar edin. Rəhbərliklə, eləcə də sizin karyeranıza hansısa təsiri olan digər insanlarla münasibətləriniz birmənalı deyil: sizi sanki anlayır və dəstəkləyirlər, amma təəssüf ki, sözdə.
Bütün çətinliklərə baxmayaraq, gün uğurlu ola bilər, məsələn, maliyyə sahəsində. Xeyli pul ala bilərsiniz. Sövdələşmələr bağlamaq olar.

Buğa - Ciddi qələbələrlə öyünməyə imkan olmayacaq. Çünki vaxtınızı boş, mənasız söhbətlərə və məzmunsuz müzakirələrə həsr edəcəksiniz. Yeni işlərə entuziazmla başlayır, amma yarımçıq tullayırsınız. Bir çox Buğalar işdə diqqətsizlik göstərir, səliqəsizlik edirlər, bunun cəzası gecikməyəcək.
Qadınlarla ümumi dil tapmaq çətindir: onlar çox şey vəd edir, amma sözlərini yerinə yetirməyə tələsmirlər. Ziyafətlərə getmək, kütlə qarşısında çıxışlar etmək olar. Yaxşı təşkil olunmuş davranış gözlədiyiniz bəhrəni verəcək.

Əkizlər - Uğurlu gündür. Cazibəniz güclüdür və məqsədinizə çatmaq üçün ondan ustalıqla istifadə edirsiniz. Əkizlər danışıqlarda uğurlara, həm işgüzar, həm də şəxsi xarakterli maraqlı təkliflər almağa ümid edə bilərlər. Özünüzün qayğınıza qala, kosmetik və sağlamlaşdırıcı prosedurlar yerinə yetirə bilərsiniz.
Maliyyə perspektivləri də yaxşıdır: bağladığınız sövdələr böyük gəlir gətirəcək. Zinət əşyaları, kosmetika və parfümeriya, həmçinin əntiq əşyalar ala bilərsiniz. Peşəkar və yaxud yaradıcı sahədə əməkdaşlıq üçün münasib gündür.

Xərçəng - Dolğun, maraqlı və məhsuldar gündür. Sizin çox şeyə qadir olduğunuza kimsə şübhə etmir. Düşmənləriniz suyu süzülmüş sizin yolunuzdan çəkilirlər, çünki bilirlər ki, sizinlə toqquşmanın axırı pis olacaq. Nüfuzlu adamlarla son nəticədən çəkinmədən mübahisəyə girə bilərsiniz.
Enerjiniz çoxdur. İdman, aktiv istirahət, fiziki iş faydalı olacaq. Bu gün qədərindən artıq romantiksiniz, yeni bir eşqə düşə bilərsiniz. İntuisiyanıza güvənin, o sizi yanıltmayacaq.

Şir - Böyük qələbələr qazana bilərsiniz. Əgər ambisiyalısınızsa, diqqətinizi işə yönəldin, qazanacağınız nailiyyətlər karyeranın ən yüksək pilləsi üçün bütün yollarınızı açacaq. Tərəfdaşı düzgün seçmək çox vacibdir: unutmayın ki, bu gün həyatınızda peyda olan insanlar orada vacib rol oynayacaqlar.
Şəxsi münasibətlər baxımından da gözəl gündür. Şirlər özləri üçün qiymətli olan insanlarla yaxşı anlaşır, yalqız olanlar isə asanlıqla maraqlı tanışlar tapırlar. Səfərlərdən imtina etməyin: yolda sizi xeyli romantik məqam gözləyir.

Qız - Ətrafınızdakılardan istifadə edərək əla nailiyyətlər qazanırsınız. Maraqlısı odur ki, insanların sizə işlədiklərn heç xəbərləri də yoxdur. Sizin məlahətiniz diqqətsiz qalmır, bu gün kimin istəsəniz, rəğbətini qazana bilərsiniz, hətta yalnız özüylə maraqlanan insanların da.
Kosmetik prosedurlar, imicin dəyişdirilməsi üçün münasib gündür. Peşəkarlardan da yaxşı bilirsiniz ki, sizə nə yaraşır. Geyim, kosmetika, aksessuar ala bilərsiniz.

Tərəzi - Yüksək işgüzar aktivliyinizlə seçilmirsiniz. Məşğul olduğunuz heç bir iş sizdə maraq doğurmur. Çox böyük məmnuniyyətlə öz vəzifələrinizi kiməsə tapşırardınız, ancaq belə bir «hədiyyə»ni xoşluqla qəbul edəcək adam yoxdur.
İşgüzar danışıqlar, ümumiyyətlə ciddi məsələlərin həlli üçün münasib gün deyil. Məişət texnikasının qırılması, rabitə vasitələrinin sıradan çıxması mümkündür. İri alış-veriş məsləhət deyil.

Əqrəb - Asan gün olmayacaq. İşlər elə də yaxşı getmir. Xeyli qayğı və problemləriniz yaranacaq, üstəlik, bunları təcili həll etməli olacaqsınız. Müstəqil hərəkət etməyə çalışın, nə ənənələrə, nə də ətrafınızdakıların məsləhətinə əhəmiyyət verin. Fikirlərinizdə və hərəkətlərinizdə sərbəstlik mənfi tendensiyalara qalib gəlmək üçün əsas şərtdir.
Nəzərə alın ki, bu günün hadisələri dramatik həddə çata bilər: böyük qalmaqallar, emosiyaların çılğın təzahürü mümkündür. Sizin vəzifəniz baş verənlərin əsas səbəbini tapmaqdır.

Oxatan - Hər şey qarışıq və anlaşılmazdır, yaranan vəziyyətdən baş tapmaq üçün böyük dözüm tələb olunur. Körpüləri yandırmayın, unutmayın ki, aktual sualların birmənalı cavabı yoxdur. Özünüzü ələ alın, əgər əsəblərinizi cilovlamasanız, çətin ki, şəraiti yaxşıya doğru dəyişəsiniz.
Bu gün qəlbinizlə ağlınız bir-birini anlamır. Siz bu gün çox vacib bir qərar qəbul etməlisiniz və təəssüf ki, heç kim sizə yaxşı məsləhət verə bilmir. Bircə şey yaxşıdır: əgər səhv etsəniz, onu düzəltmək imkanınız olacaq.

Oğlaq - İntellektual potensialınız yüksəkdir. Ciddi mövzularda düşüncələrə dalmaq, mürəkkəb məsələləri həll etmək olar. Dünyagörüşünüzü genişləndirin, elmi ədəbiyyat oxuyun. Ağıllı, yüksək təhsilli insanlarla təmaslarda fayda var. Yaradıcılıq gecələri və s. mədəni tədbirlərdə iştirak etməyə çalışın.
Sevdiyiniz adamla münasibətləri yoluna qoymaq, fikir ayrılıqlarını aradan qaldırmaq üçün yaxşı gündür. Hisslərinizi etiraf etməkdən çəkinməyin - sizi düzgün başa düşəcəklər.

Dolça - Çox gərgin, mürəkkəb, bəzi hallarda hətta açıq-aydın uğursuz gündür. Vacib işlər görməyə, özünüzə gərəksiz diqqət yönəltməyə çalışmayın. Kölgədə qalmağa çalışın, zəhmətinizin təcili qiymətləndirilməsini gözləməyin. Riskli sövdələşmələrdən qaçın. Sizin üçün vacib olmayan əşyalara pul sərf etməyin.
Xırdalıqlara diqqət edin. İlk baxışdan əhəmiyyətsiz görünən bir amil həlledici ola bilər. Unutmayın: vacib qərarları müstəqil surətdə verməli, üstəlik, etdiklərinizə görə məsuliyyət daşımalısınız.

Balıqlar - Uğurlu gündür. Əlinizi atdığınız bütün işlər uğurlu olacaq. İri sövdələr bağlaya bilərsiniz - onlar çox gəlir gətirəcək. İşgüzar və şəxsi ünsiyyətlərdə diqqətli olun: sizə tərəf çoxları can atır, ancaq bunlardan çox az qismi diqqətə layiqdir.
Bu gün ambisiyalı Balıqların xoşuna gələcək. Onlar bir neçə karyera pilləsini birdəfəyə adlaya bilərlər. İş yerini dəyişməkdə fayda var. Rəhbərliklə maaşın qaldırılması barədə müzakirələr aparmaq olar.