Qoç - İşlər düzəlir, müsbət tendensiyaların təsiri artır. Əvvəllər etdiyiniz səhvləri aradan qaldırmaq şansı yaranır. Sizi intuisiyanız idarə edir, bu səbəbdən səhv etmir, yeni layihələrdə ehtiyatlılıq göstərirsiniz. Yaradıcı potensialınız artır, yaxşı ideyalar da çoxalır. İrəliyə doğru can atın və hər şeyin alınacağına şübhə etməyin.
Gücünüzü düzgün hesablayın, enerjiniz hələ istədiyiniz qədər çox deyil. Orqanizminizi yormayın, ağır fiziki işlə onu yükləməyin.

Buğa - Dedikcə sakit gündür, xoşagəlməz və gözlənilməz hadisələr baş vermir, narahatlığa əsas yoxdur. İşgüzar görüşlər yaxşı keçsə də, bugünkü razılaşmaların hələ dəfələrlə müzakirə olunacağından əminsiniz. Odur ki, məhsuldar əməkdaşlığa ümid etmirsiniz.
Yaxınlarınızla münasibətlər babatdır: siz heç də hamıdan razı deyilsiniz, amma bu, münaqişəyə əsas vermir. Alış-veriş üçün yaxşı gündür. İnsanların çox olduqları yerlərə, əyləncə mərkəzlərinə gedə bilərsiniz, bu əhvalınızı qaldıracaq.

Əkizlər - Ətrafınızdakılarda bu qədər güclü təəssürat yaratmağınıza özünüz də təəccüblənəcəksiniz. Kiminsə başını gicəlləndirmək sizin üçün su içimi kimi asandır. Ancaq məlahətinizdən belə əliaçıqlıqla istifadə edərkən işin sonunu heç fikirləşmirsiniz. Bu gün dərdinizdən ölənlər tezliklə zəhlənizi tökməyə başlayacaqlar.
Ciddi itki və problemlər olmasa da, xırda pərtliklər mümkündür. Təmkininizi qorumağa çalışın: bircə dəfə əsəblərinizi boş buraxsanız, axşama qədər qaş-qabağınız açılmayacaq.

Xərçəng - Günü işdəki və evdəki problemlərin həllinə, həmçinin istirahətə həsr edə bilərsiniz. Ən çətin vəziyyətdə özünüzü itirmir, şəraitə tez alışır, yaxşı əhvalı qoruyub saxlayırsınız.
Qarşınıza çata bilməyəcəyiniz məqsədlər qoymayın, yoxsa düz bir il gözləməli olarsınız. Xüsusi səy, hiyləgərlik, gərginlik tələb etməyən işlərlə məşğul olun. Uşaqlarla ünsiyyət üçün yaxşı gündür. Yaşlı nəslin nümayəndələri barədə isə eyni sözləri demək çətindir.

Şir - Gün gözlədiyinizdən də yaxşı keçir. Sizin üçün çox vacib olan layihənin gerçəkləşdirilməsində problem yaranmayacaq. İşlərinizə qarışacaqlarını gözlədiyiniz düşmənləriniz kölgəyə çəkilib susublar. Rəhbərliklə və yüksəkvəzifəli həmkarlarınızla münasibətləriniz düzəlir, sizə eyham vururlar ki, vəzifənizin yüksəlməsini çox gözləyəsi olmayacaqsınız. Kiçik məbləğdə pul ala bilərsiniz.
Yaxınlarınızla münasibətləriniz qanınızı qaraldır. Sizə elə gəlir ki, onlar nəyisə gizlədirlər. Ancaq tezliklə bütün sirlər açılacaq və anlayacaqsınız ki, əbəs yerə narahat olurmuşsunuz.

Qız - Emosional fon mürəkkəb və qeyri-sabitdir. İş təkcə əhvalınızın tez-tez dəyişməsində deyil, problem daha ciddidir. Sizi mənfi emosiyalar bürüyüb, amma onların əsl səbəbini tapa bilmirsiniz. Bu səbəbdən yanınızda olan hər kəs sizə günahkar görünür. Sizin üçün çox əziz olan insanları incidə bilərsiniz.
Günün ikinci yarısı vəziyyət bir qədər yaxşılaşacaq: özünüzü ələ alacaq, baş verənlərə daha soyuqqanlı yanaşacaqsınız. Çoxdan tanıdığınız bir xanımla açıq söhbət əvvəllər fikir vermədiyiniz faktlara başqa cür yanaşmağınıza imkan verəcək.

Tərəzi - Günün böyük hissəsi sakit keçir, axşam isə narahatlıq üçün səbəb yaranacaq. Dostlarla görüşmək, qeyri-formal şəraitdə xoş söhbətlər üçün səhər çağı daha münasibdir. Asanlıqla tanışlar tapır, ilk dəfə gördüyünüz insanlarla tez anlaşırsınız. Əgər bu gün romantik münasibətlər yaranarsa, onlar çox sürətlə inkişaf edəcək.
Valideyn Şirlər bir qədər çətinlik çəkməli olacaqlar, çünki uşaqlarla ümumi dil tapa bilmirlər. Yaşlı nəslin nümayəndələri ilə isə aranız yaxşıdır, bir çox vacib məsələləri onların köməyilə həll edə bilərsiniz.

Əqrəb - İldırım sürətilə öhdəsindən gələcəyinizi zənn etdiyiniz məsələnin həlli gözlənilmədən çətinə düşür. İşi bitirmək üçün, çox güman ki, kimisə köməyə çağırmalı olacaqsınız. Əgər bu gün səfərə hazırlaşırsınızsa, onun təxmin etdiyinizdən daha yorucu və uzun olacağını nəzərə alın.
Ailədə münasibətlər bir qədər gərilib, qarşılıqlı anlaşma mübahisələr və münaqişələrlə pozulur. Bu xoşagəlməz dəyişmələrin səbəbini isə anlamırsınız. Bəzi Əqrəblər bütün günü heç sevmədikləri bir adamla keçirməli olacaqlar.

Oxatan - Sizin üçün uğursuz gündür. Xeyli xırda anlaşılmazlıq yaranır, işləriniz alınmır. Bəzi Oxatanların rəhbərliklə arasında çox ciddi fikir ayrılıqları yaranır. Hətta yeni iş yeri axtarmaq fikrinə düşəcəklər. Əsl hisslərinizi büruzə vermək istəmirsiniz, ancaq yenə də güman var ki, düşmənləriniz bunlardan xəbər tutsunlar.
Səhhətiniz pisləşə bilər. Kompüter arxasında çox vaxt keçirməyin. Gözlərinizin qayğısına qalın.

Oğlaq - İştahanıza, şıltaqlıqlarınıza, ötəri həvəslərinizə heç yox demirsiniz. Həllini tələb edən problemlər isə bir qıraqda yetim uşaq kimi boynunu büküb gözləyir. Dəyişmək vaxtıdır, kaprizlərinizi bir qırağa atın, o zaman çox yaxşı nəticələr əldə edə bilərsiniz.
Düzgün qərarlar verib, onları həyata keçirmək göründüyü qədər çətin deyil. Daha çox intuisiyanıza güvənin, kənardan məsləhət verib, gərəkli hərəkətlərinizə mane olanları isə dinləməyin.

Dolça - Əhvalınız da, işgüzar aktivliyiniz də yerlə sürünür. Sizi doğrudan da maraqlandıran bir məşğuliyyət tapa bilmirsiniz. Adəti əyləncələr də sevindirmir. Tərs kimi, ağlınıza da yeni heç nə gəlmir.
Dostlarınız və ya ailə üzvlərinizlə qurduğunuz bir çox planlar gerçəkləşməyəcək və çox güman ki, bunda elə sizin özünüzü günahlandıracaqlar. Maliyyə vəziyyətiniz yaxşı deyil, alacağınız gecikir, qənaət etmək gərəkdir.

Balıqlar - Səhərçağı çox uğurlu olacaq, odur ki, yatıb qalmayın. Sonrakı dövr isə zəhmətlə keçəcək. Çox işləməli olsanız da, qazancınız az olacaq. Sizə rahatlıq vermirlər və tezliklə aradan çıxmaq, hətta ən yaxın adamlarınızdan belə, gizlənmək istəyəcəksiniz.
Xoşagəlməz, kobud, aqressiv insanlarla təmaslar mümkündür. İnsanların çox olduğu yerlərdə, mağaza və bazarlarda olmaq məsləhət deyil. Maliyyə itkiləri mümkündür.